Agni Purana · Chapter 76

:e ity ādimahāpurāṇe āgneye agnikāryaṃ nāma pañcasaptatitamo
'dhyāyaḥ ||
:n
1 kṛtvā ca maṇḍaladvayamiti kha, cihnitapustakapāṭhaḥ
2 gaṇebhya u iti ga, cihnitapustakapāṭhaḥ
3 hāṃ ṛpibhya iti ṅa, cihnitapustakapāṭhaḥ
4 vāyavyāmiti ga, cihnitapustakapāṭhaḥ / nairṛta iti ṅa,
cihnitapustakapāṭhaḥ
:p 226
% Chapter {76}
:ś atha ṣaṭsaptatitamo 'dhyāyaḥ
caṇdapūjākathanaṃ
īśvara uvāca
tataḥ śivāntikaṅgatvā pūjāhomādikaṃ mama /AP_76.001ab/
gṛhāṇa bhagavan puṇyaphalamityabhidhāya ca

arghyodakena devāya mudrayodbhavasañjñayā /AP_76.002ab/
hṛdvījapūrvamūlena sthiracitto nivedayet

tataḥ pūrvavadabhyarcya stutvā stotraiḥ praṇamya ca /AP_76.003ab/
arghyaṃ parāṅmukhaṃ datvā kṣamasvetyabhidhāya ca

nārācamudrayāstreṇa phaḍantenātmasañcayaṃ /AP_76.004ab/
saṃhṛtya divyayā liṅgaṃ mūrtimantreṇa yojayet

sthaṇḍile tvarcite deve mantrasaṅghātamātmani /AP_76.005ab/
niyojya vidhinoktena vidadhyāccaṇḍapūjanaṃ

oṃ caṇḍeśānāya namo madhyataś caṇḍamūrtaye /AP_76.006ab/
oṃ dhūlicaṇḍeśvarāya(1) hūṃ phaṭ(2) svāhā tamāhṇayet

caṇḍahṛdayāya hūṃ phaṭ oṃ caṇḍaśirase tathā(3) /AP_76.007ab/
oṃ caṇḍaśikhāyai hūṃ phaṭ caṇḍāyuḥ(4) kavacāya ca

caṇḍastrāya tathā hūṃ phaṭ caṇḍaṃ rudrāgnijaṃ smaret /AP_76.008ab/
śūlaṭaṅkadharaṃ kṛṣṇaṃ sākṣasūtrakaṇḍaluṃ

ṭaṅkākare 'rdhacandre(5) vā caturvaktraṃ prapūjayet /AP_76.009ab/
:n
1 oṃ balicaṇḍeśvarāya iti ga, cihnitapustakapāṭhaḥ
2 krūṃ phaḍiti ṅa, cihnitapustakapāṭhaḥ
3 hūṃ caṇḍaśirase svāheti ga, cihnitapustakapāṭhaḥ
4 hūṃ phaṭ caṇdata iti ga, gha, cihnitapustakadvayapāṭhaḥ
5 ṭaṅkāreṇārdhacandre iti kha, cihnitapustakapāṭhaḥ
:p 227
yathāśakti japaṃ kuryādaṅgānāntu daśāṃśataḥ

gobhūhiraṇyavastrādimaṇihemādibhūṣaṇaṃ /AP_76.010ab/
vihāya śesanirmālyaṃ caṇḍeśāya nivedayet

lehyacoṣyādyanuvaraṃ tāmbūlaṃ sragvilepanaṃ /AP_76.011ab/
nirmālyaṃ bhojanaṃ tubhyaṃ pradattantu śivājñayā

sarvametat kriyākāṇḍaṃ mayā caṇḍa tavājñayā /AP_76.012ab/
nyūnādhikaṃ kṛtaṃ mohāt paripūrṇaṃ sadāstu me

iti vijñāpya deveśaṃ datvārghyaṃ tasya saṃsmaran /AP_76.013ab/
saṃhāramūrtimantreṇa śanaiḥ saṃhāramudrayā

pūrakānvitamūlena mantrānātmani yojayet /AP_76.014ab/
nirmālyāpanayasthānaṃ limpedgomayavāriṇā /AP_76.014cd/
prokṣyārghyādi visṛjyātha ācānto 'nyatsamācaret