Agni Purana · Chapter 69

:e ity ādimahāpurāṇe āgneye devayātrotsavakathanaṃ nāma
aṣṭaṣaṣṭitamo 'dhyāyaḥ ||
:n
1 arcikair iti ga, cihnitapustakapāṭhaḥ
:p 199
% Chapter {69}
:ś athonasaptatitamo 'dhyāyaḥ
snānavidhānaṃ
agnir uvāca
brahman śṛṇu pravakṣāmi snapanotsavavistaraṃ /AP_69.001ab/
prāsādasyāgrataḥ kumbhānmaṇḍape maṇḍale nyaset

kuryād dhyānārcanaṃ homaṃ harerādau ca karmasu /AP_69.002ab/
sahasraṃ vā śataṃ vāpi homayet pūrṇayā saha

snānadravyāṇyathāhṛtya kalaśāṃścāpi vinyaset /AP_69.003ab/
adhivāsya sūtrakaṇṭhān dhārayenmaṇḍale ghaṭān

caturasraṃ puraṃ kṛtvā rudraistaṃ pravibhājyet(1) /AP_69.004ab/
madhyena tu caruṃ sthāpya pārśve paṅktiṃ pramārjayet

śālicūrṇādināpūrya pūrvādinavakeṣu ca /AP_69.005ab/
kumbhamudrāṃ tato badhvā ghaṭaṃ tatrānayed budhaḥ

puṇḍarīkākṣamantreṇa darbhāṃstāṃstu visarjayet /AP_69.006ab/
adbhiḥ pūrṇaṃ sarvaratnayutaṃ madhye nyased ghaṭaṃ

yavavrīhitilāṃś caiva nīvarān śyāmakān kramāt /AP_69.007ab/
kulatthamudgasiddhārthāṃstacchuktānaṣṭadikṣu ca

aindre tu navake madhye ghṛtapūrṇaṃ ghaṭaṃ nyaset /AP_69.008ab/
palāśāśvatthanyagrodhavilvodumbaraśīrṣāṃ

jambūśamīkapitthānāṃ tvakkaṣāyair ghaṭāṣṭakaṃ /AP_69.009ab/
āgneyanavake madhye madhupūrṇaṃ ghaṭaṃ nyaset

gośṛṅganaśvagaṅgāgajendradaśaneṣu ca /AP_69.010ab/
tīrthakṣetrakhaleṣvaṣṭau mṛttikāḥ syurghaṭāṣṭake

:n
1 pravibhāvayediti kha, ga, gha, cihnitapustakatrayapāṭhaḥ
:p 200
yāmye tu navake madhye tilatailaghaṭaṃ nyaset /AP_69.011ab/
nāraṅgamatha jambīraṃ kharjūraṃ mṛdvikāṃ kramāt

nārikelaṃ nyaset pūgaṃ dāḍimaṃ panasaṃ phalaṃ /AP_69.012ab/
nairṛte navake madhye kṣīrapūrṇaṃ ghaṭaṃ nyaset

kuṅkumaṃ nāgapuṣpañca campakaṃ mālatīṃ kramāt /AP_69.013ab/
mallikāmatha punnāgaṃ karavīraṃ mahotpalaṃ

puṣpāṇi cāpye navake madhye vai nārikelakam /AP_69.014ab/
nādayematha sāmudraṃ sārasaṃ kaupameva ca

varṣajaṃ himatoyañca nairjharaṅgāṅgameva ca /AP_69.015ab/
udakānyatha vāyavye navake kadalīphalaṃ

sahadevīṃ kumārīṃ ca siṃhīṃ vyāghrīṃ tathāmṛtāṃ /AP_69.016ab/
viṣṇuparṇīṃ śataśivāṃ vacāṃ divyauṣadhīrnyaset

pūrvādau saumyanavake madhye dadhighaṭaṃ nyaset /AP_69.017ab/
patramelāṃ tvacaṃ kuṣṭhaṃ bālakaṃ candanadvayaṃ

latāṃ kastūrikāṃ caiva kṛṣṇāgurumanukramāt /AP_69.018ab/
siddhadravyāṇi pūrvādau śāntitoyamathaikataḥ

candratāraṃ kramācchuklaṃ girisāraṃ trapu nyaset /AP_69.019ab/
ghanasāraṃ(1) tathā śīrṣaṃ pūrvādau ratnameva ca

ghṛtenābhyarjya codvartya snapayenmūlamantrataḥ /AP_69.020ab/
gandhādyaiḥ pūjayedvahnau hutvā pūrṇāhutiṃ caret

baliñca sarvabhūtebhyo bhojayeddattadakṣiṇaḥ /AP_69.021ab/
devaiś ca munibhirbhūpair devaṃ(2) saṃsthāpya ceśvarāḥ

:n
1 ghoṣasāramiti kha, ga, gha, cihnitapustakatrayapāṭhaḥ
2 devaiś ca munibhiḥ sārdhamiti ṅa, cihnitapustakapāṭhaḥ / divyaiś
ca balibhirdhūpair devamiti gha, cihnitapustakapāṭhaḥ
:p 201
babhūvuḥ sthāpitvetthaṃ snapanotsavakaṃ caret /AP_69.022ab/
aṣṭottarasahasreṇa ghaṭānāṃ sarvabhāg bhavet

yajñāvabhṛthasnānena pūrṇasaṃsnāpanaṃ kṛtam /AP_69.023ab/
gaurīlakṣmīvivāhādi cotsavaṃ snānapūrvakam