Agni Purana · Chapter 68

:e ity ādimahāpurāṇe āgneye jīrṇoddhārakathanaṃ nāma
saptaṣaṣṭitamo 'dhyāyaḥ ||
:n
1 bhūṣitāñca yajed gururiti gha, cihnitapustakapāṭhaḥ
:p 197
% Chapter {68}
:ś atha aṣṭaṣaṣṭitamo 'dhyāyaḥ
yātrotsavavidhikathanaṃ
bhagavānuvāca
vakṣye vidhiṃ cotsavasya sthāpite tu sure caret /AP_68.001ab/
tasminnabde caikarātraṃ trirātrañcāṣṭarātrakaṃ

utsavena vinā yasmāt sthāpanaṃ niṣphalaṃ bhavet /AP_68.002ab/
ayane viṣuve cāpi śayanopavane gṛhe(1)

kārakasyānukūle vā yātrāndevasya kārayet /AP_68.003ab/
maṅgalāṅkuraropaistu gītanṛtyādivādyakaiḥ

śarāvaghaṭikāpālīstvaṅkurārohaṇe hitāḥ /AP_68.004ab/
yavāñchālīṃstilān mudgān godhūmān sitasarṣapān

kulatthamāṣaniṣpāvān kṣālayitvā tu vāpayet /AP_68.005ab/
pūrvādau ca baliṃ dadyāt bhraman dīpaiḥ puraṃ niśi

indrādeḥ kumudādeś ca sarvabhūtebhya eva ca /AP_68.006ab/
anugacchanti te tatra pratirūpadharāḥ punaḥ

pade pade 'śvamedhasya phalaṃ teṣāṃ na saṃśayaḥ /AP_68.007ab/
āgatya devatāgāraṃ devaṃ vijñāpayed guruḥ

tīrthayātrā tu yā deva śvaḥ kartavyā surottama /AP_68.008ab/
tasyārambhamanujñātumarhase deva sarvathā

devamevantu vijñāpya tataḥ karma samārabhet(2) /AP_68.009ab/
prarohaghaṭikābhyāntu vedikāṃ bhūṣitāṃ vrajet

:n
1 śayanotthāpane gṛhe iti kha, cihnitapustakapāṭhaḥ / śayanotthāpane
hareriti ṅa, cihnitapustakapāṭhaḥ
2 samācarediti ga, cihnitapustakapāṭhaḥ
:p 198
catuḥstambhāntu tanmadhye svastike pratimāṃ nyaset /AP_68.010ab/
kāmyārthāṃ lekhyacitreṣu sthāpya tatrādhivāsayet

vaiṣṇavaiḥ saha kurvīta ghṛtābhyaṅgantu mūlataḥ /AP_68.011ab/
ghṛtadhārābhiṣekaṃ vā sakalāṃ śarvarīṃ budhaḥ

darpaṇaṃ darśya nīrājaṃ gītavādyaiś ca maṅgalaṃ /AP_68.012ab/
vyajanaṃ pūjanaṃ dīpaṃ gandhapuṣpādibhiryajet

haridrāmudgakāśmīraśuklacūrṇādi mūrdhni /AP_68.013ab/
pratimāyāś ca bhaktānāṃ sarvatīrthaphalaṃ dhṛte

snāpayitvā samabhyarcya yātrāvimbaṃ rathe sthitaṃ /AP_68.014ab/
nayedgurur nadīrnādaiśchatrādyai rāṣṭrapālikāḥ

nimnagāyojanādarvāk tatra vedīntu kārayet /AP_68.015ab/
vāhanādavatāryainaṃ tasyāṃ vedyānniveśayet

caruṃ vai śrapayet tatra pāyasaṃ homayettataḥ /AP_68.016ab/
abliṅgaiḥ(1) vaidikair mantraistīrthānāvāhayettataḥ

āpo hiṣṭhopaniṣadaiḥ pūjayedarghyamukhyakaiḥ /AP_68.017ab/
punardevaṃ samādāya toye kṛtvāghamarṣaṇaṃ

snāyānmahājanair viprair vedyāmuttārya taṃ nyaset /AP_68.018ab/
pūjayitvā tadahnā ca prāsādaṃ tu nayettataḥ /AP_68.018cd/
pūjayet pāvakasthantu guruḥ syādbhuktimuktikṛt