Agni Purana · Chapter 70

:e ity ādimahāpurāṇe āgneye yajñāvabhṛtasnānaṃ nāma
ūnasaptatitamo 'dhyāyaḥ ||
% Chapter {70}
:ś atha saptatitamo 'dhyāyaḥ
vṛkṣādipratiṣṭhākathanaṃ
bhagavānuvāca
pratiṣṭhāṃ pādapānāñca vakṣye 'haṃ bhuktimuktidāṃ /AP_70.001ab/
sarvauṣadhyudakair liptān piṣṭātakavibhūṣitān

vṛkṣānmālyair alaṅkṛtya vāsobhirabhiveṣṭayet /AP_70.002ab/
sūcyā sauvarṇayā kāryaṃ sarveṣāṃ karṇavedhanam

hemaśalākayāñjanañca vedyāntu phalasaptakam /AP_70.003ab/
adhivāsayecca pratyekaṃ ghaṭān balinivedanaṃ

indrāderadhivāso 'tha homaḥ kāryo vanaspateḥ /AP_70.004ab/
vṛkṣamadhyādutsṛjedgāṃ tato 'bhiṣekamantrataḥ

ṛgyajuḥsāmamantraiś ca vāruṇair maṅgalai ravaiḥ(1) /AP_70.005ab/
vṛkṣavedikakumbhakaiś ca(2) snapanaṃ dvijapuṅgavāḥ

tarūṇāṃ yajamānasya kuryuś ca yajamānakaḥ /AP_70.006ab/
bhūṣito dakṣiṇāṃ dadyādgobhūbhūṣaṇavastrakaṃ

:n
1 vāruṇamanumirvarariti ṅa, cihnitapustakapāṭhaḥ
2 vṛkṣavedīśakumbhaistu iti ṅa, cihnitapustakapāṭhaḥ
:p 202
kṣīreṇa bhojanaṃ dadyādyāvaddinacatuṣṭayaṃ /AP_70.007ab/
homastilādyaiḥ kāryastu palāśasamidhais tathā

ācārye dviguṇaṃ dadyāt pūrvavan maṇḍapādikam /AP_70.008ab/
pāpanāśaḥ parā siddhirvṛkṣārāmapratiṣṭhayā

skandāyeśo yathā prāha pratiṣṭhādyaṃ tathā śṛṇu /AP_70.009ab/
sūryeśagaṇaśaktyādeḥ parivārasya vai hareḥ