Agni Purana · Chapter 67

:e ity ādimahāpurāṇe āgneye samudāyapratiṣṭhākathanaṃ nāma
ṣaṭṣaṣṭitamo 'dhyāyaḥ ||
% Chapter {67}
:ś atha saptaṣaṣṭitamo 'dhyāyaḥ
jīrṇoddhāravidhānaṃ
bhagavānuvāca
jīrṇāddhāravidhiṃ vakṣye bhūṣitāṃ snapayedguruḥ(1) /AP_67.001ab/
acalāṃ vinyasedgehe atijīrṇāṃ parityajet

vyaṅgāṃ bhagnāṃ ca śailāḍhyāṃ nyasedanyāṃ ca pūrvavat /AP_67.002ab/
saṃhāravidhinā tatra tattvān saṃhṛtya deśikaḥ

sahasraṃ nārasiṃhena hutvā tāmuddhared guruḥ /AP_67.003ab/
dāravīṃ dārayedvahnau śailajāṃ prakṣipejjale

dhātujāṃ ratnajāṃ vāpi agādhe vā jale 'mbudhau /AP_67.004ab/
yānamāropya jīrṇāṅgaṃ chādya vastrādinā nayet

vāditraiḥ prakṣipettoye gurave dakṣiṇāṃ dadet /AP_67.005ab/
yatpramāṇā ca yaddravyā tanmānāṃ sthāpayeddine /AP_67.005cd/
kūpavāpītaḍāgāderjīrṇoddhāre mahāphalaṃ