Agni Purana · Chapter 65

:e ity ādimahāpurāṇe āgneye
kūpavāpītaḍāgādipratiṣṭhākathanaṃ nāma
catuḥṣaṣṭitamo 'dhyāyaḥ ||
% Chapter {65}
:ś atha pañcaṣaṣṭitamo 'dhyāyaḥ
sabhāsthāpanakathanaṃ
bhagavānuvāca
sabhādisthānaṃ vakṣye tathaiva teṣāṃ pravartanaṃ /AP_65.001ab/
bhūmau parīkṣitāyāñca vāstuyāgaṃ samācaret

svecchayā tu sabhāṃ kṛtvā svecchayā sthāpayet surān /AP_65.002ab/
:n
1 toyaṃ samutsṛjedevamiti kha, cihnitapustakapāṭhaḥ
2 gokulaṃ pāyayed dvijāniti ṅa, cihnitapustakapāṭhaḥ
:p 191
catuṣpathe grāmādau(1) ca na śūnye kārayet sabhāṃ

nirmalaḥ kulamuddhṛtya kartā svarge vimodate /AP_65.003ab/
anena vidhinā kuryāt saptabhaumaṃ harergṛhaṃ

yathā rājñāṃ tathānyeṣāṃ pūrvādyāś ca dhvajādayaḥ /AP_65.004ab/
koṇabhujān varjayitvā catuḥśālaṃ tu vartayet

triśālaṃ vā dviśālaṃ vā ekaśālamathāpi vā /AP_65.005ab/
vyayādhikaṃ na kurvīta vyayadoṣakaraṃ hi tat

āyādhike bhavet pīḍā tasmāt kuryāt samaṃ dvayaṃ /AP_65.006ab/
kararāśiṃ samastantu kuryādvasuguṇaṃ guruḥ

saptārciṣā hṛte bhāge gargavidyāvicakṣaṇaḥ /AP_65.007ab/
aṣṭadhā bhājite tasmin yaccheṣaṃ sa vyayo gataḥ

athavā kararāśiṃ tu hanyāt saptārciṣā budhaḥ /AP_65.008ab/
vasubhiḥ saṃhṛte bhāge pṛthvyādi(2) parikalpayet

dhvajo dhūmras tathā siṃhaḥ śvā vṛṣastu kharo gajaḥ /AP_65.009ab/
tathā dhvāṅkṣastu pūrvādāvudbhavanti vikalpayet

triśālakatrayaṃ śastaṃ udakpūrvavivarjitaṃ /AP_65.010ab/
yāmyāṃ paragṛhopetaṃ dviśālaṃ labhyate sadā

yāmye śālaikaśālaṃ tu pratyakśālamathāpi vā /AP_65.011ab/
ekaśāladvayaṃ śastaṃ śeṣāstvanye bhayāvahāḥ

catuḥśālaṃ sadā śastaṃ sarvadoṣavivarjitaṃ /AP_65.012ab/
ekabhaumādi kurvīta bhavanaṃ saptabhaumakaṃ

dvāravedyādirahitaṃ pūraṇena vivarjitaṃ /AP_65.013ab/
devagṛhaṃ devatāyāḥ pratiṣṭhāvidhinā sadā

:n
1 pūś catuṣpathagrāmādāviti kha, cihnitapustakapāṭhaḥ
2 dhvajādi iti kha, cihnitapustakapāṭhaḥ
:p 192
saṃsthāpya manujānāñca samudāyoktakarmaṇā /AP_65.014ab/
prātaḥ sarvauṣadhīsnānaṃ kṛtvā śuciratandritaḥ

madhuraistu dvijān bhojya pūrṇakumbhādiśobhitaṃ /AP_65.015ab/
satoraṇaṃ svasti vācya dvijān goṣṭhahastakaḥ(1)

gṛhī gṛhaṃ praviśecca daivajñān prārcya(2) saṃviśet /AP_65.016ab/
gṛhe puṣṭikaraṃ mantraṃ paṭheccemaṃ samāhitaḥ

oṃ nande nandaya vāśiṣṭhe vasubhiḥ prajayā saha /AP_65.017ab/
jaye bhārgavadāyade prajānāṃ vijayāvahe

pūrṇe 'ṅgirasadāyāde pūrṇakāmaṃ kurudhva māṃ /AP_65.018ab/
bhadre kāśyapadāyāde kuru bhadrāṃ matiṃ mama

sarvavījauṣadhīyukte sarvaratnauṣadhīvṛte /AP_65.019ab/
rucire nandane nande vāsiṣṭhe ramyatāmiha

prajāpatisute devi caturasre mahīyasi /AP_65.020ab/
subhage suvrate devi gṛhe kāśyapi ramyatāṃ

pūjite paramācāryair gandhamālyair alaṅkṛte /AP_65.021ab/
bhavabhūtikare devi gṛhe bhārgavi ramyatāṃ

avyakte vyākṛte pūrṇe muneraṅgirasaḥ sute /AP_65.022ab/
iṣṭake tvaṃ prayaccheṣṭaṃ pratiṣṭhāṃ kārayāmyahaṃ

deśasvāmipurasvāmigṛhasvāmiparigrahe /AP_65.023ab/
manuṣyadhanahastyaśvapaśuvṛddhikarī bhava