Agni Purana · Chapter 55

:e ity ādimahāpurāṇe āgneye vyaktāvyaktalakṣaṇaṃ nāma
catuḥpañcāśattamo 'dhyāyaḥ
% Chapter {55}
:ś atha pañcapañcāśattamo 'dhyāyaḥ
piṇḍikālakṣaṇakathanaṃ
bhagavānuvāca
ataḥ paraṃpravakṣyāmi pratimānāntu piṇḍikām /AP_55.001ab/
dairghyeṇa pratimātulyā tadardhena tu vistṛtā

ucchritāyāmatordhena suvistārārdhabhāgataḥ /AP_55.002ab/
tṛtīyena tu vā tulyaṃ(2) tattribhāgeṇa mekhalā

khātaṃ ca tatpramāṇaṃ tu kiñciduttarato natam /AP_55.003ab/
vistārasya caturthena praṇālasya vinirgamaḥ

samūlasya vistāramagre kuryāttadardhataḥ /AP_55.004ab/
vistārasya tṛtīyena toyamārgantu kārayet

piṇḍikārdhena vā tulyaṃ(3) dairghyamīśasya(4) kīrtitam /AP_55.005ab/
īśaṃ vā(5) tulyadīrghañca jñātvā sūtraṃ prakalpayet

:n
1 bhujārdhapañcamāṃśeneti ṅa, cihnitapustakapāṭhaḥ
2 tribhāgena tu bāhulyamiti ṅa, cihnitapustakapāṭhaḥ
3 piṇḍikārdhena bāhulyamiti ṅa, cihnitapustakapāṭhaḥ
4 dairghyaṃ kuśasyeti ga, ṅa, cihnitapustakapāṭhaḥ
5 kuśambāhulyadīrghañceti ṅa, cihnitapustakapāṭhaḥ
:p 157
ucchrāyaṃ pūrvavat kuryādbhāgaṣoḍaśasaṅkhyayā /AP_55.006ab/
adhaḥ ṣaṭkaṃ dvibhāgantu kaṇṭhaṃ kuryāttribhāgakam

śeṣāstvekaikaśaḥ kāryāḥ pratiṣṭhānirgamās tathā /AP_55.007ab/
paṭṭikā piṇḍikā ceyaṃ sāmānyapratimāsu ca

prāsādadvāramānena pratimādvāramucyate(1) /AP_55.008ab/
gajavyālakasaṃyuktā prabhā syāt pratimāsu ca

piṇḍikāpi yathāśobhaṃ kartavyā satataṃ hareḥ /AP_55.009ab/
sarveṣāmeva devānāṃ śiṣṇūktaṃ mānamucyate /AP_55.009cd/
devīnāmapi sarvāsāṃ lakṣmyuktaṃ mānamucyate