Agni Purana · Chapter 53

:e ity ādimahāpurāṇe āgneye pratimālakṣaṇaṃ nāma
dvipañcāśattamo 'dhyāyaḥ ||
:n
1 danturāsya iti kha, gha, cihnitapustakadvayapāṭhaḥ
2 maṇḍalāgnidalārūḍhamiti ṅa, cihnitapustakapāṭhaḥ
3 śūlaṃ galantī kuṇḍī ceti kha, cihnitapustakapāṭhaḥ
4 skandagaṇā daśa vināyakā iti kha, cihinitapustakapāṭhaḥ
5 atra caṇḍikādaśahasteṣu khaḍgaśūlāriśaktidhṛgiti yuktaḥ
pāṭhaḥ
asmallabdhapustakapañcakeṣu nāyaṃ pāṭhaḥ
:p 149
% Chapter {53}
:ś atha tripañcāśattamodhyāyaḥ
liṅgalakṣaṇaṃ
bhagavānuvāca
liṅgādilakṣaṇaṃ vakṣye kamalodbhava tacchṛṇu /AP_53.001ab/
dairghyārdhaṃ vasubhirbhaktvā tyaktvā bhāgatrayaṃ tataḥ

viṣkambhaṃ bhūtabhāgaistu caturasrantu kārayet /AP_53.002ab/
āyāmaṃ mūrtibhirbhaktvā ekadvitrikramān nyaset

brahmaviṣṇuśivāṃśeṣu vardhamānoyamucyate /AP_53.003ab/
caturasresya varṇārdhaṃ guhyakoṇeṣu lāñchayet

aṣṭāgraṃ vaiṣṇavaṃ bhāgaṃ sidhyatyeva na saṃśayaḥ /AP_53.004ab/
ṣoḍaśāsraṃ tataḥ kuryāddvātriṃśāsraṃ tataḥ punaḥ

catuḥṣaṣṭyasrakaṃ kṛtvā vartulaṃ sādhayettataḥ /AP_53.005ab/
kartayedatha liṅgasya śiro vai deśikottamaḥ

vistāramatha liṅgasya aṣṭadhā saṃvibhājayet /AP_53.006ab/
bhāgārdhārdhantu santyajya cchatrākāraṃ śiro bhavet

triṣu bhāgeṣu sadṛśamāyāmaṃ yasya cistaraḥ /AP_53.007ab/
tadvibhāgasamaṃ liṅgaṃ sarvakāmaphalapradaṃ

dairghyasya tu caturthena viṣkambhaṃ devapūjite /AP_53.008ab/
sarveṣāmeva liṅgānāṃ lakṣaṇaṃ śṛṇu sāmprataṃ

madhyasūtraṃ samāsādya brahmarudrāntikaṃ(1) budhaḥ /AP_53.009ab/
ṣoḍaśāṅgulaliṅgasya ṣaḍbhāgair bhājito yathā

tadvaiyamanasūtrābhyāṃ mānamantaramucyate /AP_53.010ab/
yavāṣṭamuttare kāryaṃ śeṣāṇāṃ yavahānitaḥ

adhobhāgaṃ tridhā kṛtvā tvardhamekaṃ parityajet /AP_53.011ab/
:n
1 vrajedātyantikamiti ga, cihnitapustakapāṭhaḥ
:p 150
aṣṭadhā taddvayaṃ kṛtvā ūrdhvabhāgatryaṃ tyajet

ūrdhvañca pañcamādbhāgād bhrāmya rekhāṃ pralambayet /AP_53.012ab/
bhāgamekaṃ parityajya saṅgaṃ kārayettayoḥ

etat sādhāraṇaṃ proktaṃ liṅgānāṃ lakṣaṇaṃ mayā /AP_53.013ab/
sarvasādhāraṇaṃ vakṣye piṇḍikāntānnibodha me

brahmabhāgapraveśañca jñātvā liṅgasya cocchrayaṃ /AP_53.014ab/
nyased brahmaśilāṃ vidvān samyakkarmaśilopari

tathā sumucchrayaṃ jñātvā piṇḍikāṃ pravibhājayet /AP_53.015ab/
dvibhāgamucchritaṃ pīṭhaṃ vistāraṃ liṅgasammitam

tribhāgaṃ madhyataḥ khātaṃ kṛtvā pīṭhaṃ(1) vibhājayet /AP_53.016ab/
svamānārdhatribhāgeṇa bāhulyaṃ parikalpayet

bāhulyasya tribhāgeṇa mekhalāmatha kalpayet /AP_53.017ab/
khātaṃ syānmekhalātulyaṃ kramānnimnantu kārayet

mekhalāṣoḍaśāṃśena khātaṃ vā tatpramāṇajñaḥ /AP_53.018ab/
ucchrāyaṃ tasya pīṭhasya vikārāṅgaṃ tu(2) kārayet

bhūmau praviṣṭamekaṃ tu bhāgaikena(3) piṇḍikā /AP_53.019ab/
kaṇṭhaṃ bhāgaistribhiḥ kāryaṃ bhāgenaikena paṭṭikā

dyaṃgena cordhvapaṭṭantu(4) ekāṃśāḥ śeṣapaṭṭikā /AP_53.020ab/
bhāgaṃ bhāgaṃ praviṣṭantu yāvat kaṇṭhaṃ tataḥ punaḥ

nirgamaṃ bhāgamekaṃ tu yāvadvai śeṣapaṭṭikā /AP_53.021ab/
praṇālasya tribhāgena nirgamastu tribhāgataḥ

:n
1 madhyataḥ kṛtvā tataḥ pīṭhamiti gha,
cihnitapustakapāṭhaḥ
2 vikārāṃśāṃśceti gha, cihnitapustakapāṭhaḥ
3 bhāgenaikeneti ga, cihnitapustakapāṭhaḥ
4 cārdhapaṭṭantu iti kha, ga, cihnitapustakapāṭhaḥ
:p 151
mūleṅgulyagravistāramagre tryaṃśena cārdhataḥ /AP_53.022ab/
īṣannimnantu kurvīta khātaṃ taccottareṇa vai /AP_53.022cd/
piṇḍikāsahitaṃ liṅgametat sādhāraṇaṃ smṛtam