Agni Purana · Chapter 374

:e ity āgneye mahāpurāṇe dhyānaṃ nāma trisaptatyadhikatriśatatamo
'dhyāyaḥ ||
:n
1 prāpnuyāddharimiti kha.. / prāpyate phalamiti ña..
:p 323
% chapter {374}
:ś atha catuḥsaptatyadhikatriśatatamo 'dhyāyaḥ
dhāraṇā
agnir uvāca
dhāraṇā manasodhyeye saṃsthitirdhyānavaddvidhā /AP_374.001ab/
mūrtāmūrtaharidhyānamanodhāraṇato hariḥ

yadvāhyāvasthitaṃ lakṣayaṃ tasmānna calate manaḥ /AP_374.002ab/
tāvat kālaṃ pradeśeṣu dhāraṇā manasi sthitiḥ

kālāvadhi paricchinnaṃ dehe saṃsthāpitaṃ manaḥ /AP_374.003ab/
na pracyavati yallakṣyāddhāraṇā sābhidhīyate

dhāraṇā dvādaśāyāmā dhyānaṃ dvadaśadhāraṇāḥ /AP_374.004ab/
dhyānaṃ dvādaśakaṃ yāvatsamādhirabhidhīyate

dhāraṇābhyāsayuktātmā yadi prāṇair vimucyate /AP_374.005ab/
kulaikaviṃśamuttārya svaryāti paramaṃ padaṃ(1)

yasmin yasmin bhavedaṅge yogināṃ vyādhisambhavaḥ /AP_374.006ab/
tattadaṅgaṃ dhiyā vyāpya dhārayettattvadhāraṇaṃ

āgneyī vāruṇī caiva aiśānī cāmṛtātmikā /AP_374.007ab/
sāgniḥ śikhā phaḍantā ca viṣṇoḥ kāryā dvijottama

nāḍībhirvikaṭaṃ divyaṃ śūlāgraṃ vedhayecchubham /AP_374.008ab/
pādāṅguṣṭhāt kapālāntaṃ raśmimaṇḍalamāvṛtaṃ

:n
1 svayaṃ yāti paraṃ padamiti kha..
:p 324
tiryakcādhordhvabhāgebhyaḥ prayāntyo 'tīva tejasā(1) /AP_374.009ab/
cintayet sādhakendrastaṃ yāvatsarvaṃ mahāmune

bhasprībhūtaṃ śarīraṃ svantataś caivīpasaṃharet /AP_374.010ab/
śītaśleṣmādayaḥ pāpaṃ vinaśyanti dvijātayaḥ

śiro dhīrañca(2) kārañca kaṇṭhaṃ cādhomukhe smaret /AP_374.011ab/
dhyāyedacchinnacintātmā bhuyo bhūtena cātmanā

sphuracchīkarasaṃsmarśaprabhūte himagāmibhiḥ /AP_374.012ab/
dhārābhirakhilaṃ viśvamāpūrya bhuvi cintayet

brahmarandhrācca saṃkṣobhādyāvadādhāramaṇḍalag /AP_374.013ab/
suṣumnāntargato bhūtvā saṃpūrṇendukṛtālayaṃ

saṃplāvya himasaṃsparśatoyenāmṛtamūrtinā /AP_374.014ab/
kṣutpipāsākramaprāyasantāpaparipīḍitaḥ

dhārayedvāruṇīṃ mantro tuṣṭyarthaṃ cāpyatantritaḥ /AP_374.015ab/
vāruṇīdhāraṇā proktā aiśānīdhāraṇāṃ śṛṇu

vyomni brahmamaye padme prāṇāpāṇe kṣayaṅgate /AP_374.016ab/
prasādaṃ cintayed viṣṇoryāvaccintā kṣayaṃ gatā

mahābhāvañjapet sarvaṃ tato vyāpaka īśvaraḥ /AP_374.017ab/
ardhenduṃ paramaṃ śāntaṃ nirābhāsannirañjanaṃ

asatyaṃ satyamābhāti tāvatsarvaṃ carācaraṃ /AP_374.018ab/
yāvat svasyandarūpantu na dṛṣṭaṃ guruvaktrataḥ

dṛṣṭhe tasmin pare tattve ābrahma sacarācaraṃ /AP_374.019ab/
:n
1 pāṭho 'yamādarśadoṣeṇa duṣṭaḥ
2 vīraśceti ña..
:p 325
pramātṛmānameyañca dhyānahṛtpadmakalpanaṃ

mātṛmodakavatsarvaṃ japahomārcanādikaṃ /AP_374.020ab/
viṣṇumantreṇa vā kuryādamṛtāṃ dhāraṇāṃ vade

saṃpūrṇendunibhaṃ dhyāyet kamalaṃ tantrimuṣṭigam /AP_374.021ab/
śiraḥsthaṃ cintayed yatnācchaśāṅkāyutavarcasaṃ

sampūrṇamaṇḍalaṃ vyomni śivakallolapūrṇitaṃ /AP_374.022ab/
tathā hṛtkamale dhyāyettanmadhye svatanuṃ smaret /AP_374.022cd/
sādhako vigatakleśo jāyate dhāraṇādihiḥ