Agni Purana · Chapter 37

:e ity ādimahāpurāṇe āgneye viṣṇupavitrārohaṇaṃ nāma
ṣaṭtriṃśo 'dhyāyaḥ ||
% Chapter {37}
:ś atha saptatriṃśo 'dhyāyaḥ
sarvadevapavitrārohaṇavidhiḥ
agnir uvāca
saṅkṣepāt sarvadevānāṃ pavitrārohaṇaṃ(1) śṛṇu /AP_37.001ab/
pavitra sarvalakṣma syāt svarasānalagaṃ tvapi

jagadyone samāgaccha parivāragaṇaiḥ saha /AP_37.002ab/
nimantrayāmyahaṃ prātardadyāntubhyaṃ pavitrakaṃ /

jagatsṛje(2) namastubhyaṃ gṛhṇīṣvedaṃ pavitrakaṃ /AP_37.003ab/
:n
1 pavitrāropaṇamiti kha, cihnitapustakapāṭhaḥ
2 jagatsūte iti ṅa, cihnitapustakapāṭhaḥ
:p 107
pavitrīkaraṇārthāya varṣapūjāphalapradaṃ

śivadeva namastubhyaṃ gṛhṇīṣvedaṃ pavitrakaṃ /AP_37.004ab/
maṇividrumamālābhirmandārakusumādibhiḥ

iyaṃ sāṃvatsarī pūjā tavāstu vedavitpate /AP_37.005ab/
sāṃvatsarīmimāṃ pūjāṃ sampādya vidhimanmama

vraja pavitrakedānīṃ svargalokaṃ visarjitaḥ /AP_37.006ab/
sūryadeva namastubhyaṃ gṛhṇīṣvedaṃ pavitrakaṃ

pavitrīkaraṇārthāya varṣapūjāphalapradaṃ /AP_37.007ab/
śivadeva namastubhyaṃ gṛhṇīṣvedaṃ pavitrakaṃ

pavitrīkaraṇārthāya varṣapūjāphalapradaṃ /AP_37.008ab/
vāṇeśvara(1) namastubhyaṃ gṛhṇīṣvedaṃ pavitrakaṃ

pavitrīkaraṇārthāya varṣapūjāphalapradaṃ /AP_37.009ab/
śaktideva namastubhyaṃ gṛhṇīṣvedaṃ pavitrakaṃ

pavitrīkaraṇārthāya varṣapūjāphalapradaṃ /AP_37.010ab/
nārāyaṇamayaṃ sūtramaniruddhamayaṃ varaṃ(2)

dhanadhānyāyurārogyapradaṃ sampradadāmi te /AP_37.011ab/
kāmadevamayaṃ sūtraṃ saṅkarṣaṇamayaṃ varaṃ

vidyāsantatisaubhāgyapradaṃ sampradadāmi te /AP_37.012ab/
vāsudevamayaṃ sūtraṃ dharmakāmārthamokṣadaṃ

saṃsārasāgarottārakāraṇaṃ pradadāmi te /AP_37.013ab/
viśvarūpamayaṃ sūtraṃ sarvadaṃ pāpanāśanaṃ

:n
1 gaṇeśvara iti ga, gha, ṅa, cihnitapustakatrayapāṭhaḥ
2 paramiti ṅa, cihnitapustakapāṭhaḥ
:p 108
atītānāgatakulasamuddhāraṃ dadāmi te /AP_37.014ab/
kaniṣṭhādīni catvāri manubhistu kramāddade