Agni Purana · Chapter 36

:e ity ādimahāpurāṇe āgneye pavitrādhivāsanaṃ nāma pañcatriṃśo
'dhyāyaḥ ||
% Chapter {36}
:ś atha ṣaṭtriṃśo 'dhyāyaḥ
pavitrāropaṇavidhānaṃ
agnir uvāca
prātaḥ snānaṃ kṛtvā dvārapālān(1) prapūjya ca /AP_36.001ab/
praviśya gupte deśe ca samākṛṣyātha dhārayet

pūrvādhivāsitaṃ dravyaṃ vastrābharaṇagandhakaṃ /AP_36.002ab/
nirasya sarvanirmālyaṃ devaṃ saṃsthāpya pūjayet

pañcāmṛtaiḥ kaṣāyaiś ca śuddhagandhodakaistataḥ /AP_36.003ab/
pūrvādhivāsitaṃ dadyādvastraṃ gandhaṃ ca puṣpakaṃ

agnau hutvā nityavacca devaṃ samprārthayennamet (2) /AP_36.004ab/
samarpya karma devāya pūjāṃ naimittikīṃ caret

dvārapālaviṣṇukumbhavardhanīḥ prārthayeddhariṃ /AP_36.005ab/
ato deveti mantreṇa mūlamantreṇa kumbhake

kṛṣṇa kṛṣṇa namastubhyaṃ gṛhṇīṣvedaṃ pavitrakaṃ /AP_36.006ab/
:n
1 lokapālāniti kha, cihnitapustakapāṭhaḥ
2 prārthayennyasediti ga, cihnitapustakapāṭhaḥ
:p 105
pavitrīkaraṇārthāya varṣapūjāphalapradaṃ

pavitrakaṃ kurudhvādya yanmayā duṣkṛtaṃ kṛtaṃ /AP_36.007ab/
śuddho bhavāmyahaṃ deva tvatprasādāt sureśvara

pavitrañca hṛdādyaistu ātmānamabhiṣicya ca /AP_36.008ab/
viṣṇukumbhañca samprokṣya vrajeddevasamīpataḥ

pavitramātmane dadyādrakṣābandhaṃ visṛjya ca(1) /AP_36.009ab/
gṛhāṇa brahmasūtrañca yanmayā kalpitaṃ prabho

karmaṇāṃ pūraṇārthāya yathā doṣo na me bhavet /AP_36.010ab/
dvārapālāsanagurumukhyānāñca pavitrakam

kaniṣṭādi ca devāya vanamālāñca mūlataḥ /AP_36.011ab/
hṛdādiviśvaksenānte pavitrāṇi samarpayet

vahnau hutvāgnivartibhyo viṣṇvādibhyaḥ pavitrakam /AP_36.012ab/
prārcya pūrṇāhutiṃ dadyāt prāyaścittāya mūlataḥ

aṣṭottaraśataṃ vāpi pañcopaniṣadaistataḥ /AP_36.013ab/
maṇividrumamālābhirmandārakusumādibhiḥ

iyaṃ sāṃvatsarī pūjā tavāstu garuḍadhvaja /AP_36.014ab/
vanamālā yathā deva kaustubhaṃ satataṃ hṛdi

tadvat pavitratantūṃś ca pūjāṃ ca hṛdaye vaha(2) /AP_36.015ab/
kāmato 'kāmato vāpi yatkṛtaṃ niyamārcane

vidhinā vighnalopena paripūrṇaṃ tadastu me /AP_36.016ab/
prārthya natvā kṣamāpyātha pavitraṃ mastake 'rpayet

datvā baliṃ dakṣiṇābhirvaiṣṇavantoṣayedguruṃ /AP_36.017ab/
:n
1 rakṣābandhaṃ vimucya ceti kha, cihnitapustakapāṭhaḥ / pavitraṃ
mūlato dadyādrakṣārthaṃ tadvisṛjya ceti ṅa,
cihnitapustakapāṭhaḥ
2 pavitrakaṃ tvañca pūjāyāṃ hṛdaye vaheti ṅa,
cihnitapustakapāṭhaḥ
:p 106
viprān bhojanavastrādyair divasaṃ pakṣameva vā

pavitraṃ snānakāle ca avatārya samarpayet /AP_36.018ab/
anivāritamannādyaṃ dadyādbhuṅktetha ca svayaṃ

visarjane 'hni sampūjya pavitrāṇi visarjayet /AP_36.019ab/
sāṃvatsarīmimāṃ pūjāṃ sampādya vidhivanmama

vraja pavitrakedānīṃ viṣṇulokaṃ visarjitaḥ /AP_36.020ab/
madhye someśayoḥ prārcya viṣvaksenaṃ hi tasya ca

pavitrāṇi samabhyarcya brāhmaṇāya samarpayet /AP_36.021ab/
yāvantastantavastasmin pavitre parikalpitāḥ

tāvadyugasahasrāṇi viṣṇuloke mahīyate /AP_36.022ab/
kulānāṃ śatamuddhṛtya daśa pūrvān daśāparān /AP_36.022cd/
viṣṇulokaṃ tu saṃsthāpya svayaṃ muktimavāpnuyāt