Agni Purana · Chapter 364

:e ity āgneye mahāpurāṇe nṛvargo nāma triṣaṣṭyadhikatriśatatamo
'dhyāyaḥ
% chapter {364}
:ś atha catuḥṣaṣṭyadhikatriśatatamo 'dhyāyaḥ
brahmavargaḥ
agnir uvāca
vaṃśo 'nvavāyo gotraṃ syāt kulānyabhijanānvayau /AP_364.001ab/
mantravyākhyākṛdācārya ādeṣṭā tvadhvare vratī

yaṣṭā ca yajamānaḥ syāt jñātvārambha upakramaḥ /AP_364.002ab/
satīrthyāś caikaguravaḥ sabhyāḥ sāmājikās tathā

sabhāsadaḥ sabhāstārā ṛtvijo yājakāś ca te /AP_364.003ab/
adhvaryūdgātṛhotāro yajuḥsāmargvidaḥ kramāt

caṣālo yūpakaṭakaḥ same sthaṇḍilacatvare /AP_364.004ab/
āmikṣā sā śṛtoṣṇe yā kṣīre syāddadhiyogataḥ

pṛṣadājyaṃ sadadhyājye paramānnantu pāyasam /AP_364.005ab/
upākṛtaḥ paśurasau yo 'bhimantrya kratau hataḥ

paramparākaṃ samanaṃ prokṣaṇañca badhārthakam /AP_364.006ab/
:p 290
pūjā namasyāpicitiḥ saparyārcārhaṇāḥ samāḥ

varivasyā tu śuśrūṣā paricaryāpyupāsanam /AP_364.007ab/
niyamo bratamastrī taccopavāsādi puṇyakam

mukhyaḥ syāt prathamaḥ kalpo 'nukalpastu tato 'dhamaḥ /AP_364.008ab/
kalpe vidhikramau jñeyau vivekaḥ pṛthagātmatā

saṃskārapūrvaṃ grahaṇaṃ syādupākaraṇaṃ śruteḥ /AP_364.009ab/
bhikṣuḥ parivrāṭ karmandī pārāśaryapi maskarī

ṛṣayaḥ satyavacasaḥsnātakaścāplutavratī /AP_364.010ab/
ye nirjitendriyagrāmā yatino yatayaś ca te

śarīrasādhanāpekṣaṃ nityaṃ yat karma tadyamaḥ /AP_364.011ab/
niyamastu sa yat karmānityamāgantusādhanam /AP_364.011cd/
syād brahmabhūyaṃ brahmatvaṃ brahmasāyujyamityapi