Agni Purana · Chapter 363

:e ity āgneye mahāpurāṇe bhūmivanauṣadhyādivargā nāma
dviṣaṣṭyadhikatriśatatamo 'dhyāyaḥ
% chapter {363}
:ś atha triṣaṣṭyadhikatriśatatamo 'dhyāyaḥ
nṛbrahmakṣatraviṭśūdravargāḥ
agnir uvāca
nṛbrahmakṣatraviṭśūdravargānvakṣye 'tha nāmataḥ /AP_363.001ab/
naraḥ pañcajanā martya yadyoṣāvaṃlā vadhūḥ

kāntārthinī tu yā yāti saṅketaṃ sābhisārikā /AP_363.002ab/
kulaṭā puṃś calyasatī nagnikā strī ca koṭavī

kātyāyanyardhavṛddhā yā sairindhrī paraveśmagā /AP_363.003ab/
asikrī syādavṛddhā yā malinī tu rajasvalā

vārastrī gaṇikā veśyā bhrātṛjāyāstu yātaraḥ /AP_363.004ab/
nanāndā tu svasā patyuḥ sapiṇḍāstu sanābhayaḥ

:p 287
samānodaryasodaryasagarbhasahajāssamāḥ /AP_363.005ab/
sagotrabāndhavajñātibandhusvasvajanāḥ samāḥ

dampatī jampatī bhāryāpatī jāyāpatī ca tau /AP_363.006ab/
garbhāśayo jarāyuḥ syādulvañca kalalo 'striyāṃ

garbho bhruṇa imau tulyau klīvaṃ śaṇḍo napuṃsakam /AP_363.007ab/
syāduttānaśayā ḍimbhā bālo māṇavakaḥ smṛtaḥ

piciṇḍilo vṛhatkukṣiravabhraṭo natanāsike /AP_363.008ab/
vikalāṅgastu pogaṇḍa ārogyaṃ syādanāmayam

syādeḍe vadhiraḥ kubje gaḍulaḥ kukare kuniḥ /AP_363.009ab/
kṣayaḥ śoṣaś ca yakṣmā ca pratiśyāyustu pīnasaḥ

strī kṣutkṣutaṃ kṣayaṃ puṃsi kāsastu kṣavathuḥ pumān /AP_363.010ab/
śothastu śvayathuḥ śophaḥ pādasphoṭo vipādikā

kilāsaṃ sidhnakacchāntu pāma pāmā vicarcikā /AP_363.011ab/
koṭho maṇḍalakaṃ kuṣṭhaṃ śvitre drur nāmakārśasī

anāhastu vibandhaḥ syādgrahaṇī rukpravāhikā /AP_363.012ab/
vījavīryendrayaṃ śukraṃ palalaṃ kravyamāmiṣaṃ

vukkāgramāṃsaṃ hṛdayaṃ hanmedastu vapā vasā /AP_363.013ab/
paścādgrīvā śirā manyā nāḍī tu dhamaniḥ śirā

tilakaṃ ktoma mastiṣkaṃ drūṣikā netrayormalam /AP_363.014ab/
antraṃ purī tadgulmastu plīhā puṃsy atha vasnasā

snāyuḥ striyāṃ kālakhaṇḍayakṛtī tu same ime /AP_363.015ab/
syāt karpūraḥ kapālo 'strī kīkasaṅkulyamasthi ca

syāccharīrāsthni kaṅkālaḥ pṛṣṭhāsthni tu kaśerukā /AP_363.016ab/
:p 288
śiro 'sthani karoṭiḥ strī pārśvāsthani tu parśukā

aṅgaṃ pratīko 'vayavaḥ śarīraṃ varṣma vigrahaḥ /AP_363.017ab/
kaṭo nā śroṇiphalakaṃ kaṭiḥ śroṇiḥ kakudmatī

paścānnitambaḥ strīkaṭyāḥ klīve tu jaghanaṃ puraḥ /AP_363.018ab/
kūpakau tu nitambasthau dvayahīne kakundare

striyāṃ sphicau kaṭiprothāvupastho vakṣyamāṇayoḥ /AP_363.019ab/
bhagaṃ yonirdvayoḥ śiśno meḍhro mehanaśephasī

piciṇḍakukṣī jaṭharodaraṃ tundaṃ kucau stanau /AP_363.020ab/
cūcukantu kucāgraṃ syānna nā kroḍaṃ bhujāntaram

skandho bhujaśiro 'ṃśo 'strī sandhī tasyaiva jatruṇī /AP_363.021ab/
punarbhavaḥ kararuho nakho 'strī nakharo 'striyāṃ

pradeśatālagokarṇāstarjanyādiyute tate /AP_363.022ab/
aṅguṣṭhe sakaniṣṭhe syādvitastirdvādaśāṅgulaḥ

pāṇau ca peṭapratalaprahastā vistṛtāṅgulau /AP_363.023ab/
baddhamuṣṭikaro ratniraratniḥ sa kaniṣṭhavān

kambugrīvā trirekhā sāvaṭurghāṭā kṛkāṭikā /AP_363.024ab/
adhaḥ syāccivukañcauṣṭhādatha gaṇḍau galo hanuḥ

apāṅgau netrayorantau kaṭākṣo 'pāṅgadarśane /AP_363.025ab/
cikuraḥ kuntalo bālaḥ pratikarma prasādhanam

ākālpaveśau nepathyaṃ pratyakṣaṃ khelayogajam /AP_363.026ab/
cūḍāmaṇiḥ śiroratnaṃ taralo hāramadhyagaḥ

karṇikā tālapatraṃ syāllambanaṃ syāllalantikā /AP_363.027ab/
mañjīro nūpuraṃ pāde kiṅkiṇī kṣudraghaṇṭikā

:p 289
dairghyamāyāma ārohaḥ pariṇāho viśālatā /AP_363.028ab/
paṭaccaraṃ jīrṇavastraṃ saṃvyānañcottarīyakam

racanā syāt parispanda ābhogaḥ paripūrṇatā /AP_363.029ab/
samudgakaḥ sampuṭakaḥ pratigrāhaḥ patadgrahaḥ