Agni Purana · Chapter 35

:e ity ādimahāpurāṇe āgneye agnikāryakathanaṃ nāma caturtriṃśo
'dhyāyaḥ ||
% Chapter {35}
:ś atha pañcatriṃśo 'dhyāyaḥ
pavitrādhivāsanādividhiḥ
agnir uvāca
sampātāhutināsicya(2) pavitrāṇyadhivāsayet /AP_35.001ab/
nṛsiṃhamantrajaptāni guptānyastreṇa tāni tu

vastrasaṃveṣṭitānyeva pātrasthānyabhimantrayet /AP_35.002ab/
vilvādyadbhiḥ prokṣitāni mantreṇa caikadhā dvidhā(4)

kumbhapārśve tu saṃsthāpya rakṣāṃ vijñāpya deśikaḥ /AP_35.003ab/
dantakāṣṭhañcāmarakaṃ pūrve saṅkarṣaṇena tu

pradyumnena bhasmatilān dakṣe gomayamṛttikāṃ /AP_35.004ab/
:n
1 svastimudrayeti ṅa, cihnitapustakapāṭhaḥ
2 pañcavaktraṃśceti ṅa, cihnitapustakapāṭhaḥ
3 saṅghātāhutināsicyeti ṅa, cihnitapustakapāṭhaḥ
4 mantrāṇāṃ caikadhā dvidheti kha, cihinitapustakapāṭhaḥ
:p 103
vāruṇena cāniruddhena saumye nārāyaṇena ca

darbhodakañcātha hṛdā agnau kuṅkumarocanaṃ /AP_35.005ab/
aiśānyāṃ śirasā dhūpaṃ śikhayā nairṛtepyatha

mūlapuṣpāṇi divyāni kavacenātha vāyave /AP_35.006ab/
candanāmbvakṣatadadhidūrvāś ca puṭikāsthitāḥ

gṛhaṃ trisūtreṇāveṣṭya punaḥ siddhārthakān kṣipet /AP_35.007ab/
dadyātpūjākrameṇātha svaiḥ svair gandhapavitrakaṃ

mantrair vai dvārapādibhyo viṣṇukumbhe tvanena ca /AP_35.008ab/
viṣṇutejobhavaṃ ramyaṃ sarvapātakanāśanaṃ

sarvakāmapradaṃ devaṃ tavāṅge dhārayāmyahaṃ /AP_35.009ab/
sampūjya dhūpadīpādyair vrajeddvārasamīpataḥ

gandhapuṣpākṣatopetaṃ pavitrañcākhilerpayet (1) /AP_35.010ab/
pavitraṃ vaiṣṇavaṃ tejo mahāpātakanāśanaṃ

dharmakāmārthasiddhyarthaṃ svakeṅge dhārayāmyahaṃ /AP_35.011ab/
āsane parivārādau gurau dadyāt pavitrakaṃ

gandhādibhiḥ samabhyarcya gandhapuṣpākṣatādimat /AP_35.012ab/
viṣṇutejobhavetyādimūlena harayerpayet

vahnisthāya tato datvā devaṃ samprārthayettataḥ /AP_35.013ab/
kṣīrodadhimahānāgaśayyāvasthitavigrahaḥ

prātastvāṃ pūjayiṣyāmi sannidhau bhava keśava /AP_35.014ab/
indrādibhastato datvā viṣṇupārṣadake baliṃ

tato devāgrataḥ kumbhaṃ vāsoyugasamanvitaṃ /AP_35.015ab/
rocanācandrakāśmīragandhādyudakasaṃyutaṃ

gandhapuṣpādinābhūṣya mūlamantreṇa pūjayet /AP_35.016ab/
:n
1 pavitraṃ pārśvato nayediti ṅa, cihnitapustakapāṭhaḥ
:p 104
maṇḍapādvahirāgatya vilipte maṇḍalatraye

pañcagavyañcarundantakāṣṭhañcaiva kramādbhavet /AP_35.017ab/
purāṇaśravaṇaṃ stotraṃ paṭhan jāgaraṇaṃ niśi

parapreṣakabālānāṃ strīṇāṃ bhogabhujāṃ tathā /AP_35.018ab/
sadyodhivāsanaṃ kuryādvinā gandhapavitrakaṃ