Agni Purana · Chapter 335

:e ity āgneye mahāpurāṇe prastāranirūpaṇaṃ nāma
catustriṃśadadhikatriśatatamo 'dhyāyaḥ
% chapter {335}
:ś atha pañcatriṃśadadhikatriśatatamo 'dhyāyaḥ
śikṣānirūpaṇam
agnir uvāca
vakṣye śikṣāntriṣaṣṭiḥ syurvarṇā vā caturādhikāḥ /AP_335.001ab/
svarā viṃśatirekaś ca sparśānāṃ pañcaviṃśatiḥ

yādayaś ca smṛtā hy aṣṭau catvāraś ca samāḥ smṛtāḥ /AP_335.002ab/
anusvāro visargaś ca paukhyau cāpi parānvitau

duṣpṛṣṭaśceti vijñeyā ḷkāraḥ pluta eva ca /AP_335.003ab/
raṅgaś ca khe araṃ proktaṃ(1) hakāraḥ pañcamair yutaḥ

antasthābhiḥ samāyukta aurasyaḥ kaṇṭhya eva saḥ /AP_335.004ab/
ātmabuddhyā samasyarthaṃ manoyukte vivakṣayā

manaḥ kāyāgnimāhanti sa prerayati mārutam /AP_335.005ab/
:n
1 vargamukhe araṃ proktamiti kha..
:p 196
mārutastūrasi caran mantraṃ(1) janayati svaraṃ

prātaḥsavanayogastu chando gāyatramāśritam /AP_335.006ab/
kaṇṭhe mādhyandinayutaṃ madhyamantreṣu bhānugam

tārantārtīyasavanaṃ(2) śīrṣaṇyaṃ jāgatānugam /AP_335.007ab/
sodīrṇo mūrdhnyabhihito vakramāpadya mārutaḥ

varṇān janayate teṣāṃ vibhāgaḥ pañcadhā smṛtaḥ /AP_335.008ab/
svarataḥ kālataḥ sthānāt prayatnārthapradānataḥ

aṣṭau sthānāni varṇānāmuraḥ kaṇṭhaḥ śiras tathā /AP_335.009ab/
jihvāmūlañca dantāś ca nāsikauṣṭhau ca tālu ca

svabhāvaś ca vivṛttiś ca śaṣasā repha eva ca /AP_335.010ab/
jihvāmūlamupadhmā ca gatiraṣṭavidhoṣmaṇaḥ

padyo bhāvaprasandhānamukārādi parampadaṃ /AP_335.011ab/
svarāntaṃ tādṛśaṃ vidyādyadanyadvyaktamūṣmaṇaḥ

ūtīrthādāgataṃ(3) dagdhamapavarṇañca bhakṣitaṃ /AP_335.012ab/
evamuccāraṇaṃ pāpamevamuccāraṇaṃ śubham

atīrthādāgataṃ dravyaṃ sāmnāyaṃ suvyavasthitaṃ /AP_335.013ab/
susvareṇa suvaktreṇa prayuktaṃ brahmarājani

na karālo na lamvoṣṭho nāvyakto nānunāsikaḥ /AP_335.014ab/
gadgado bahujihvaś ca na varṇān vaktum arhati

evaṃ varṇāḥ prayoktavyā nāvyaktā na ca pīḍintāḥ /AP_335.015ab/
:n
1 mātramiti kha..
2 bhāvantārtīyasavanamiti kha..
3 kutīrthādāgatamiti ṭa.. / kṣatīrthadāgatamiti kha..
:p 197
samyagvarṇaprayogeṇa brahmaloke mahīyate

udāttaścānudāttaś ca svaritaś ca svarāstrayaḥ /AP_335.016ab/
hrasvo dīrghaḥ pluta iti kālato niyamāvadhi

kaṇṭhyā vahāvicuyaśāstālavyā oṣṭhajā vupu /AP_335.017ab/
syurmūrdhanyā ṛhurasāḥ(1) dantyāḥ ḷ+olasāḥ smṛtāḥ

jihvāmūle tu hvaḥ prokto dantyoṣṭho vaḥ smṛto budhaiḥ /AP_335.018ab/
edaitau kaṇṭatālavyau o au kaṇṭhyauṣṭhajau smṛtau

ardhamātrā tu kaṇṭhasya ekāraikārayorbhavet /AP_335.019ab/
ayogavāhā vijñeyā āśrayasthānabhāginaḥ

aco 'spṛṣṭāpaṇastvīṣannomāḥ spṛṣtā halaḥsmṛtāḥ /AP_335.020ab/
śeṣāḥ spṛṣṭā halaḥ proktā nibodhātra pradhānataḥ

amo 'nunāsikānakrau nādimau hasaṣaḥ smṛtāḥ /AP_335.021ab/
īṣannādopaṇayaśaḥ śvāsinaś ca thakādayaḥ /AP_335.021cd/
īṣacchāsaṃ svaraṃ vidyāddīrghametat pracakṣate