Agni Purana · Chapter 325

:e ity āgneye mahāpurāṇe aṃśakādirnāma
caturviṃśatyadhikatriśatatamo 'dhyāyaḥ
:n
1 karṣakādikamiti kha.. , cha.. ca
:p 179
% chapter {325}
:ś atha pañcaviṃśatyadhikatriśatatamo 'dhyāyaḥ
gauryādipūjā
īśvara uvāca
saubhāgyāderumāpūjāṃ vakṣye 'haṃ bhuktimuktidāṃ /AP_325.001ab/
mantradhyānaṃ maṇḍalañca mudrāṃ homādisādhanam

citrabhānuṃ śivaṃ kālaṃ mahāśaktisamanvitam /AP_325.002ab/
iḍādyaṃ paratodvṛtya sadevaḥ savikāraṇam

dvitīyaṃ dvārakākrāntaṃ gaurīprītipadānvitaṃ /AP_325.003ab/
caturthyantaṃ prakartavyaṃ gauyyā vai mūlavācakaṃ

oṃ hrīṃ saḥ śauṃ gauryai namaḥ
tatrārṇatritayenaiva jātiyuktaṃ ṣaḍaṅgulam /AP_325.004ab/
āsanaṃ praṇaveṇaiva mūrtiṃ vai hṛdayena tu

udakāñca tathā kālaṃ śivavījaṃ samuddharet /AP_325.005ab/
prāṇaṃ dīrghasvarākrāntaṃ ṣaḍaṅgaṃ jātisaṃyutam

āsanaṃ praṇavenātra mūrtinyāsaṃ hṛdācaret /AP_325.006ab/
yāmalaṃ kathitaṃ vatsa ekavīraṃ vadāmy atha

vyāpakaṃ sṛṣṭisaṃyuktaṃ vahnimāyākṛśānubhiḥ /AP_325.007ab/
śivaśaktimayaṃ vījaṃ vījaṃ hṛdayādivivarjitaṃ

gaurīṃ yajeddhemarūpyāṃ kāṣṭhajāṃ śailajādikāṃ /AP_325.008ab/
pañcapiṇḍāṃ tathāvyaktāṃ koṇe madhye tu pañcamaṃ(1)

lalitā subhagā gaurī kṣobhaṇī cāgnitaḥ kramāt /AP_325.009ab/
:n
1 pañcamī iti ña..
:p 180
vāmā jyeṣṭhā kriyā jñānā vṛtte pūrvādito yajet

sapīṭhe vāmabhāge tu śivasyāvyaktarūpakam /AP_325.010ab/
vyaktā dvinetrā tryakṣarā śuddhā vā śaṅkarānvitā

pīṭhapadmadvayaṃ tārā dvibhujā vā caturbhajā /AP_325.011ab/
siṃhasthā vā vṛkasthā(1) vā aṣṭāṣṭādaśasatkarā

sragakṣasūtrakalikā galakotpalapiṇḍikā /AP_325.012ab/
śaraṃ dhanurvā savyena pāṇinānyatamaṃ vahat

vāmena pustatāmbūladaṇḍābhayakamaṇḍalum /AP_325.013ab/
gaṇeśadarpaṇeṣvāsāndadyādekaikaśaḥ kramāt

vyaktāvyaktāthavā kāryā padmamudrā smṛtāsane /AP_325.014ab/
tiṅgamudrā śivasyoktā mudā cāvāhanī dvayoḥ

śaktimudrā tu yonyākhyā caturasrantu maṇḍalaṃ /AP_325.015ab/
caturasraṃ tripatrābjaṃ madhyakoṣṭhacatuṣṭaye

tryaśrordhe cārdhacandrastu dvipadaṃ dviguṇaṃ kramāt /AP_325.016ab/
dviguṇaṃ dvārakaṇṭhantu dviguṇādupakaṇṭhataḥ

dvāratrayaṃ trayaṃ dikṣu atha vā bhadrake yajet /AP_325.017ab/
sthaṇḍile vātha saṃsyāpya pañcagavyāmṛtādinā

raktapuṣpāṇi deyāni pūjayitvā hy udaṅmukhaḥ /AP_325.018ab/
śataṃ hutvāmṛtājyañca pūrṇādaḥ sarvasiddhibhāk

balindatvā kumārīś ca tisro vā cāṣṭa bhojayet(2) /AP_325.019ab/
naivedyaṃ śivabhakteṣu dadyānna svayamācaret

:n
1 siṃhasthāvāhyasiṃhastheti kha.. , cha.. , ña.. , ṭa.. ca
2 striyo vāṣṭa ca bhojayediti kha.. , cha.. ca
:p 181
kanyārthau labhate kanyāṃ aputraḥ putramāpnuyāt /AP_325.020ab/
durbhagā caiva saubhāgyaṃ rājā rājyaṃ jayaṃ raṇe

aṣṭalakṣaiś ca vāksiddhirdevādyā vaśamāpnuyuḥ /AP_325.021ab/
na nivedya na cāsnīyādvāmahastena cārcayet

aṣṭamyāñca caturdaśyāṃ tṛtīyāyāṃ viśeṣataḥ /AP_325.022ab/
mṛtyuñcayārcanaṃ vakṣye pūjayet kalasodare

hūyamānañca praṇavo mūrtirojasa īdṛśaṃ /AP_325.023ab/
mūlañca vauṣaḍantena kumbhamudrāṃ pradarśayet

homayet kṣīradurvājyamamṛtāñca punarnavām /AP_325.024ab/
pāyasañca purāḍāśamayutantu japenmanuṃ

caturmukhaṃ caturvāhuṃ dvābhyāñca kalasandadhat /AP_325.025ab/
varadābhayakaṃ dvābhyāṃ snāyādvaikumbhamudrayā

ārogyaiś caryadīrghāyurauṣadhaṃ mantritaṃ śubham /AP_325.026ab/
apamṛtyuharo dhyātaḥ pūjito 'dbhuta eva saḥ