Agni Purana · Chapter 324

:e ity āgneye mahāpurāṇe rudraśāntirnāma
trayoviṃśatyadhikatriśatatamo 'dhyāyaḥ ||
% chapter {324}
:ś atha caturviṃśatyadhikatriśatatamo 'dhyāyaḥ
aṃśakādiḥ
īśvara uvāca
rudrākṣakaṭakaṃ dhāryaṃ viṣamaṃ susamaṃ dṛḍam /AP_324.001ab/
ekatripañcavadanaṃ yathālābhantu dhārayet

dvicatuḥṣaṇmukhaṃ śastamavraṇaṃ tīvrakaṇṭhakaṃ /AP_324.002ab/
dakṣavāhau śikhādau ca dhārayeccaturānanaṃ

abrahmacārī brahmacārī asnātaḥ snātako bhavet /AP_324.003ab/
haimī vā mudrikā dhāryā(1) śivamantreṇa cārcya tu

:n
1 kāryeti kha..
:p 177
śivaḥ śikhā tathā jyotiḥ savitraścetigocarāḥ /AP_324.004ab/
gocarantu kulaṃ jñeyaṃ tena lakṣyastu dīkṣitaḥ

prājāpatyo mahīpālaḥ kapoto granthikaḥ śive /AP_324.005ab/
kuṭilāś caiva vetālāḥ padmahaṃsāḥ śikhākule

dhṛtarāṣṭrā vakāḥ kākā gopālā jyotisaṃjñake /AP_324.006ab/
kuṭikā sāṭharāś caiva guṭikā daṇḍino 'pare

sāvitrī gocare caivamekaikastu caturvidhaḥ /AP_324.007ab/
siddhādyaṃśakamākhyāsye yena mantraḥsusiddhidaḥ

bhūmau tu mātṛkā lekhyāḥ kūṭaṣaṇḍāvavarjitāḥ /AP_324.008ab/
mantrākṣarāṇi viśliṣya anusvāraṃ nayet pṛthak

sādhakasya tu yā saṃjñā tasyā viśleṣaṇaṃ caret /AP_324.009ab/
mantrasyādau tathā cānte sādhakārṇāni yojayet

siddhaḥ sādhyaḥ suśiddho 'riḥ saṃjñāto gaṇayet kramāt /AP_324.010ab/
mantrasyādau tathā cānte siddhidaḥ syācchatāṃśataḥ

siddhādiścāntasiddhaś ca tatkṣaṇādeva sidhyati /AP_324.011ab/
susiddhādiḥ susiddhantaḥsiddhavat parikalpayet

arimādau tathānte ca dūrataḥ parivarjayet /AP_324.012ab/
siddhaḥ susiddhaś caikārthe ariḥ sādhyastathaiva ca

ādau siddhaḥ sthito mantre tadante tadvadeva hi /AP_324.013ab/
madhye ripusahasrāṇi na doṣāya bhavanti hi

māyāprasādapraṇavenāṃśakaḥ khyātamantrake /AP_324.014ab/
brahmāṃśako brahmavidyā viṣṇvaṅgo(1) vaiṣṇavaḥsmṛtaḥ

:n
1 viṣṇvaṃśa iti ña..
:p 178
rudrāṃśako bhavedvīra indrāṃśaśceśvarapriyaḥ /AP_324.015ab/
nāgāṃśo nāgastabdhākṣo yakṣāṃśo bhūṣaṇapriyaḥ

gandharvāṃśo 'tigītādi bhīmāṃśo rākṣasāṃśakaḥ /AP_324.016ab/
dairyāṃśaḥ syād yuddhakāryo mānī vidyādharāṃśakaḥ

piśācāṃśo malākrānto mantraṃ dadyānnirīkṣya ca /AP_324.017ab/
mantra ekāt phaḍantaḥ syāt vidyāpañcāśatāvadhi

bālā viṃśākṣarāntā ca rudrā dvāviṃśagāyudhā /AP_324.018ab/
tata ūrdhvantu ye mantrā dṛddhā yāvacchatatrayaṃ

akārādihakārantāḥ kramāt pakṣau sitāsitau /AP_324.019ab/
anusvāravisargeṇa vinā caiva svarā daśa

hrasvāḥ śuklā dīrghāḥ śyāmāṃstithayaḥpratipammukhāḥ /AP_324.020ab/
udite śāntikādīni bhramite vaśyakādikam

bhrāmite sandhayo dveṣoccāṭane stambhane 'stakam /AP_324.021ab/
ihāvāhe śāntikādyaṃ piṅgale karṣaṇādikam(1)

māraṇoccāṭanādīni viṣuve pañcadhā pṛthak /AP_324.022ab/
adharasya gṛhe pṛthvī ūrdhve tejo 'ntarā dravaḥ

randhrapārśve vahirvāyuḥ sarvaṃ vyāpya maheśvaraḥ /AP_324.023ab/
stambhanaṃ pārthive śāntirjale vaśyādi tejase /AP_324.023cd/
vāyau syād bhramaṇaṃ śūnye puṇyaṃ kālaṃ samabhyaset