Agni Purana · Chapter 326

:e ity āgneye mahāpurāṇe gauryādipūjā nāma
pañcaviṃśatyadhikatriśatatamo 'dhyāyaḥ ||
% chapter {326}
:ś atha ṣaḍviṃśatyadhikatriśatatamo 'dhyāyaḥ
devālayamāhātmyam
īśvara+uvāca
vrateśvarāṃś ca satyādīniṣṭvā vratasamarpaṇam /AP_326.001ab/
ariṣṭaśamane śastamariṣṭaṃ sūtranāyakam

:p 182
hemaratramayaṃ bhūtyai mahāśaṅkhañca māraṇe /AP_326.002ab/
āpyāyane śaṅkhasūtraṃ mauktikaṃ putravardhanam

sphāṭikaṃ bhūtidaṃ kauśaṃ muktidaṃ(1) rudranetrajaṃ /AP_326.003ab/
dhādhīphalapramāṇena rudrākṣaṃ cottamantataḥ

sameruṃ meruhīnaṃ vā sūtraṃ japyantu mānasam /AP_326.004ab/
anāmāṅguṣṭhamākramya japaṃ bhāṣyantu kārayet

tarjanyaṅguṣṭhamākramya na meruṃ laṅghyejjape /AP_326.005ab/
pramādāt patite sūtre japtavyantu śatadvayam

sarvavādyamayī ghaṇṭā tasyā vādanamarthakṛt /AP_326.006ab/
gośakṛnmūtravalmīkamṛttikābhasmavāribhiḥ

vesmāyatanaliṅgādeḥ kāryamevaṃ viśodhanam /AP_326.007ab/
skando namaḥ śivāyeti mantraḥ sarvārthasādhakaḥ

gītaḥ pañcākṣaro vede loke gītaḥṣaḍakṣaraḥ /AP_326.008ab/
omityante sthitaḥ śambhurmudrārthaṃ vaṭavījavat

kramānnamaḥ śivāyeti īśānādyāni vai viduḥ /AP_326.009ab/
ṣaḍakṣarasya sūtrasya bhāṣyadvidyākadambakaṃ

yadoṃnamaḥ śivāyeti etāvat paramaṃ padam /AP_326.010ab/
anena pūjayelliṅgaṃ liṅge yasmāt sthitaḥ śivaḥ

anugrahāya lokānāṃ dharmakāmārthamuktidaḥ /AP_326.011ab/
yo na pūjayate liṅganna sa dharmādibhājanaṃ

liṅgārcanādbhuktimuktiryāvajjīvamato yajet /AP_326.012ab/
varaṃ prāṇaparityāgo bhuñjītāpūjya naiva taṃ

:n
1 bhaktidamiti kha..
:p 183
rudrasya pūjanādrudro viṣṇuḥ syādviṣṇupūjanāt /AP_326.013ab/
sūryaḥ syāt suryapūjātaḥ śaktyādiḥ śaktipūjanāt

sarvayajñatapodāne tīrthe vedeṣu yat phalaṃ /AP_326.014ab/
tat phalaṃ koṭiguṇitaṃ sthāpya liṅgaṃ labhennaraḥ

trisandhyaṃ yorcayelliṅgaṃ kṛtvā vilvena pārthivam /AP_326.015ab/
śataikādaśikaṃ yāvat kulamuddhṛtya nākabhāk

bhaktyā vittānusāreṇa kuryāt prasādasañcayam /AP_326.016ab/
alpe mahati vā tulyaphalamāḍhyadaridrayoḥ

bhāgadvayañca dharmārthaṃ kalpayejjīvanāya ca /AP_326.017ab/
dhanasya bhāgamekantu(1)anityaṃ jīvitaṃ yataḥ

trisaptakulamuddhṛtya devāgārakṛdarthabhāk /AP_326.018ab/
mṛtkāṣṭheṣṭakaśailādyaiḥ kramāt koṭiguṇaṃ phalam

aṣṭeṣṭakasurāgārakārī svargamavāpnuyāt /AP_326.019ab/
pāṃśunā krīḍamānopi devāgārakṛdarthabhāk