Agni Purana · Chapter 319

:e ity āgneye mahāpurāṇe vāgīśvarīpūjā
nāmāṣṭādaśādhikatriśatatamo 'dhyāyaḥ
% chapter {319}
:ś athonaviṃśatyadhikatriśatatamo 'dhyāyaḥ
maṇḍalāni
īśvara uvāca
sarvato bhadrakānyaṣṭamaṇḍalāni vade guha /AP_319.001ab/
śaktimāsādhayet prācīmiṣṭāyāṃ viṣuve sudhīḥ

citrāsvātyantareṇātha dṛṣṭasūtreṇa vā punaḥ /AP_319.002ab/
pūrvāparāyataṃ sūtramāsphālya madhyato 'ṅkayet

:n
1 dviparṇakamiti kha..
:p 162
koṭidvayantu tanmadhyādaṅkayeddakṣiṇottaram /AP_319.003ab/
madhye dvayaṃ prakartavya sphālayeddakṣinottaram

śatakṣetrārdhamānena koṇasampātamādiśet /AP_319.004ab/
evaṃ sūtracatuṣkasya sphālanāccaturasrakam

jāyate tatra kartavyaṃ bhadrasvedakaraṃ śubham /AP_319.005ab/
vasubhaktendu dvipade kṣetre vīthī ca bhāgikā

dvāraṃ dvipadikaṃ padmamānāddhai sakapolakam /AP_319.006ab/
kīṇabandhavicitrantu dvipadaṃ tatra vartayet

śuklaṃ padmaṃ karṇikā tu pītā citrantu keśaram /AP_319.007ab/
raktā vīthī tatra kalpyā dvāraṃ lokeśarūpakaṃ

raktakoṇaṃ vidhau nitye naimittikābjakaṃ śṛṇu /AP_319.008ab/
asaṃsaktantu saṃsaktaṃ dvidhābjaṃ bhuktimuktikṛt

asaṃsaktaṃ mumukṣūṇāṃ saṃsaktaṃ tattridhā pṛthak /AP_319.009ab/
bālo yuvā ca vṛddhaś ca nāmataḥ phalasiddhidāḥ

padmakṣetre tu sūtrāṇi digvidikṣu vinikṣipet /AP_319.010ab/
vṛttāni pañcakalpāni padmakṣetrasamāni tu

prathame karṇikā tatra puṣkarair navabhiryutā /AP_319.011ab/
keśarāṇi caturviṃśadvitīye 'tha tṛtīyake

dalasandhirgajakumbha nibhāntaryaddalāgrakam /AP_319.012ab/
pañcame vyomarūpantu saṃsaktaṃ kamalaṃ smṛtaṃ

asaṃsakte dalāgre tu digbhāgair vistarādbhajet /AP_319.013ab/
bhāgadvayaparityāgādvasvaṃśair vartayeddalam

sandhivistarasūtreṇa tanmūlādañjayeddalam /AP_319.014ab/
:p 163
savyāsavyakrameṇaiva vṛddhametadbhavettathā

atha vā sandhimadhyāttu bhrāmayedardhacandravat /AP_319.015ab/
sandhidvayāgrasūtraṃ vā bālapadmantathā bhavet

sandhisūtrārdhamānena pṛṣṭhataḥ parivartayet /AP_319.016ab/
tīkṣṇāgrantu suvātena kamalaṃ bhuktimuktidam

bhuktivṛddhau ca vaśyādau bālaṃ padmaṃ samānakaṃ /AP_319.017ab/
navanābhaṃ navahastaṃ bhāgair mantrātmakaiś ca tat

madhye 'bjaṃ paṭṭikāvījaṃ dvāreṇābjasya mānataḥ /AP_319.018ab/
kaṇṭhopakaṇṭhamuktāni tadvāhye vīthikā matā

pañcabhāgānvitā(1) sā tu samantāddaśabhāgikā /AP_319.019ab/
digvidikṣvaṣṭa padmāni dvārapadmaṃ savīthikam

tadvāhye pañca padikā vīthikā yatra bhūṣitā /AP_319.020ab/
padmavaddvārakaṇṭhantu padikañcauṣṭhakaṇṭhakaṃ

kapolaṃ padikaṃ kāryaṃ dikṣu dvāratrayaṃ spuṭam /AP_319.021ab/
koṇabandhaṃ tripattantu dvipaṭṭaṃ vajravadbhavet

madhyantu kamalaṃ śuklaṃ pītaṃ raktañca nīlakam /AP_319.022ab/
pītaśuklañca dhūmrañca raktaṃ pītañca muktidam

pūrvādau kamalānyaṣṭa śivaviṣṇvādikaṃ japet /AP_319.023ab/
prāsādamadhyato 'bhyarcya śakrādīnabjakādiṣu

astrāṇi vāhyavīthyāntu viṣṇvādīnaśvameghabhāk /AP_319.024ab/
pavitrārohaṇādau ca mahāmaṇḍalamālikhet

aṣṭahastaṃ purā kṣetraṃ rasapakṣair vivartayet /AP_319.025ab/
:n
1 pañcabhāgamiteti kha.. , cha.. ca
:p 164
dvipadaṃ kamalaṃ madhye vīthikā padikā tataḥ

digvidikṣu tato 'ṣṭau ca nīlābjāni vivartayet /AP_319.026ab/
madhyapadmapramāṇena triṃśatpadmāni tāni tu

dalasandhivihīnāni nīlendīvarakāni ca /AP_319.027ab/
tatpṛṣṭhe padikā vīthī svastikāni tadūrdhvataḥ

dvipadāni tathā cāṣṭau kṛtibhāgakṛtāni tu /AP_319.028ab/
vartayet svastikāṃstatra vīthikā pūrvavadvahiḥ

dvārāṇi kamalaṃ yadvadupakaṇṭhyutāni(1) tu /AP_319.029ab/
raktaṃ koṇaṃ pītavīthī nīlaṃ padmañcamaṇḍale

svastikādi vicitrañca sarvakāmapradaṃ guha /AP_319.030ab/
pañcābjaṃ pañcahastaṃ syāt samantāddaśabhājitam

dvipadaṃ kamalaṃ vīthī paṭṭikā dikṣu paṅkajam /AP_319.031ab/
catuṣkaṃ pṛṣṭhato vīthī padikā dvipadānyathā

kaṇṭhopakaṇṭhayuktāni dvārānyabjantu madhyataḥ /AP_319.032ab/
pañcābjamaṇḍale hy asmin sitaṃ pītañca pūrvakam

vaidūryābhaṃ dakṣiṇābjaṃ kundābhaṃ vāruṇaṃ kajam /AP_319.033ab/
uttarābjantu śaṅkhābhamanyat sarvaṃ vicitrakam

sarvakāmapradaṃ vakṣye daśahastantu maṇḍalam /AP_319.034ab/
vikārabhaktanturyāśraṃ dvārantu dvipadaṃ bhavet

madhye padmaṃ pūrvavacca vighnadhvaṃsaṃ vadāmyatha /AP_319.035ab/
caturhastaṃ puraṃ kṛtvā vṛtrañcaiva karadvayam

vīthīkā hastamātrantu svastikair vahubhirvṛtā /AP_319.036ab/
:n
1 tadvadupakaṇṭhayutānīti kha.. , ña.. ca
:p 165
hastamātrāṇi dvārāṇi vikṣu vṛttaṃ sapadmakam

padmāni pañca śuklāni madhye pūjyaś ca niṣkalaḥ /AP_319.037ab/
hṛdayādīni pūrvādau vidikṣvastrāṇi vai yajet

prāgvacca pañca brahmāṇi buddhyādhāramato vade /AP_319.038ab/
śatabhāge tithibhāge padmaṃ liṅgāṣṭakaṃ diśi

mekhalābhāgasaṃyuktaṃ kaṇṭhaṃ dvipadikaṃ bhavet /AP_319.039ab/
ācāryo buddhimāśritya kalpayecca latādikam

catuḥṣaṭpañcamāṣṭādi khāchikhādyādi maṇḍalam /AP_319.040ab/
khākṣīndusūryagaṃ sarvaṃ khākṣi caivenduvarṇanāt

catvāriṃśadadhikāni caturdaśaśatāni hi /AP_319.041ab/
maṇḍalāni hareḥ śambhordevyāḥ sūryasya santi ca

daśasaptavibhakte tu latāliṅgodbhavaṃ śṛṇu /AP_319.042ab/
dikṣu pañcatrayañcaikaṃ trayaṃ pañca ca lomayet(1)

ūrdhvage dvipade liṅgamandiraṃ pārśvakoṣṭhayoḥ /AP_319.043ab/
madhyena dbipadaṃ padmamatha caikañca paṅkajaṃ

liṅgasya pārśvayorbhadre padadvāramalopanāt /AP_319.044ab/
tatpārśvaśobhāḥ ṣaḍlopya latāḥ śeṣās tathā hareḥ

ūrdhvaṃ dvipadikaṃ lopya harerbhadrāṣṭakaṃ smṛtam /AP_319.045ab/
raśmimānasamāyuktavedalopācca śobhikam

pañcaviṃśatikaṃ padmaṃ tataḥ pīṭhamapīṭhakam /AP_319.046ab/
dvayaṃ dvayaṃ rakṣayitvā upaśobhās tathāṣṭa ca

devyādikhyāpakaṃ bhadraṃ vṛhanmadhye paraṃ laghu /AP_319.047ab/
:n
1 lopayediti ña.. / lopayediti ṭa
:p 166
madhye navapadaṃ padmaṃ koṇe bhadracatuṣṭayam

trayodaśapadaṃ śeṣaṃ buddhyādhārantu maṇḍalaṃ /AP_319.048ab/
śatapatraṃ ṣaṣṭyadhikaṃ buddhyādhāraṃ harādiṣu