Agni Purana · Chapter 320

:e ity āgneye mahāpurāṇe maṇḍalāni
nāmonaviṃśatyadhikatriśatatamo 'dhyāyaḥ
% chapter {320}
:ś atha viṃśatyadhikatriśatatamo 'dhyāyaḥ
aghīrāstrādiśāntikalpaḥ
īśvara uvāca
astrayāgaḥ purā kāryaḥ sarvakarmasu siddhidaḥ /AP_320.001ab/
madhye pūjyaṃ śivādyastraṃ vajrādīn pūrvataḥ kramāt

pañcacakraṃ daśakaraṃ raṇādau pūjitaṃ jaye /AP_320.002ab/
grahapūjā ravirmadhye pūrvādyāḥ somakādayaḥ

sarva ekādaśasthāstu grahāḥ syuḥ grahapūjanāt /AP_320.003ab/
astraśāntiṃ pravakṣyāmi sarvotpātavināśinīṃ

graharogādiśamanīṃ mārīśatruvimardanīṃ /AP_320.004ab/
vināyakopataptighnamaghorāstraṃ japennaraḥ

lakṣaṃ grahādināśaḥ syādutpāte tilahomanam /AP_320.005ab/
divye lakṣaṃ tadardhena vyomajotpātanāśanaṃ

ghṛtena lakṣapātena utpāte bhumije hitam /AP_320.006ab/
ghṛtagugguluhome ca sarvotpātādimardanam

:p 167
dūrvākṣatājyahomena vyādhayo 'tha ghṛtena ca /AP_320.007ab/
sahasreṇa tu duḥkhasvapnā vinaśanti na saṃśayaḥ

ayutād grahadoṣaghno javāghṛtavimiśritāt /AP_320.008ab/
vināyakārtiśamanamayutena ghṛtasya ca

bhūtavedālaśāntistu guggulorayutena ca /AP_320.009ab/
mahāvṛkṣasya bhaṅgetu vyālakaṅke(1) gṛhe sthite

āraṇyānāṃ praveśe dūrvājyākṣatahāvanāt /AP_320.010ab/
ulkāpāte bhūmikampe tilājyenāhutācchivam

raktasrāve tu vṛkṣāṇāmayutād gugguloḥ śivaṃ /AP_320.011ab/
akāle phalapuṣpāṇāṃ rāṣṭrabhaṅge ca māraṇe

dvipadāderyadā māri lakṣārdhācca tilājyataḥ /AP_320.012ab/
hastimārīpraśāntyarthaṃ kariṇīdantavardhane

hastinyāṃ madadṛṣṭau ca ayutācchāntiriṣyate /AP_320.013ab/
akāle garbhapāte tu jātaṃ yatra vinaśyati

vikṛtā yatra jāyante yātrākāle 'yutaṃ hunet /AP_320.014ab/
tilājyalakṣahomantu uttamāsiddhisādhane

madhyamāyāṃ tadardhena tatpādādadhamāsu ca /AP_320.015ab/
yathā japas tathā homaḥ saṃgrāme vijayo bhavet /AP_320.015cd/
aghorāstraṃ japennyasya dhyātvā pañcāsyamūrjitam