Agni Purana · Chapter 311

:e ity āgneye mahāpurāṇe tvaritāmūlamantro nāma
daśādhikatriśatatamo 'dhyāyaḥ
% chapter {311}
:ś athaikādaśādhikatriśatatamo 'dhyāyaḥ
tvaritāvidyā
agnir uvāca
vidyāprastāvamākhyāsye dharmakāmādisiddhidam /AP_311.001ab/
navakoṣṭhavibhāgena vidyābhedañca vindati

anulomavilomena samastavyastayogataḥ /AP_311.002ab/
karṇāvikarṇayogena ata ūrdhvaṃ vibhāgaśaḥ

tritrikeṇa ca yogena devyā sannaddhavigrahaḥ /AP_311.003ab/
jānāti siddhidānmantrān prastāvānnirgatān bahūn

śāstre śāstre smṛtā mantrāḥ prayogāstatra durlabhāḥ /AP_311.004ab/
guruḥ syāt prathamo varṇaḥ pūrvedyurna ca varṇyate

prastāve tatra caikārṇā dvyarṇāstryarṇādayo 'bhavan /AP_311.005ab/
tiryagūrdhvagatā rekhāś caturaś caturo bhajet

nava koṣṭhā bhavantyevaṃ madhyadeśe tathā imān /AP_311.006ab/
pradakṣiṇena saṃsthāpya prastāvaṃ bhedayettataḥ

prastāvakramayogena prastāvaṃ yastu vindati /AP_311.007ab/
karamuṣṭisthitāstasya sādhakasya hi siddhayaḥ

:p 144
trailokyaṃ pādamūle syānnavakhaṇḍāṃ bhuvaṃ labhet /AP_311.008ab/
kapāle tu samālikhya śivatattvaṃ samantataḥ

śmaśānakarpaṭe vātha vāhyaṃ niṣkramya mantravit /AP_311.009ab/
tasya madhye likhennāma karṇikopari saṃsthitam

tāpayetkhādirāṅgārair bhūrjamākramya pādayoḥ /AP_311.010ab/
saptāhādānayet sarvaṃ trelokyaṃ sacarācaram

vajrasampuṭagarbhe tu dvādaśāre tu lekhayet /AP_311.011ab/
madhye garbhagataṃ nāma sadāśivavidarbhitam

kuḍye(1) phalakake vātha śilāpaṭṭe haridrayā /AP_311.012ab/
mukhastambhaṃ gatistambhaṃ sainyastambhantu jāyate

viṣaraktena saṃlikhya śmaśāne karpare budhaḥ /AP_311.013ab/
ṣaṭkoṇaṃ daṇḍamākrāntaṃ samantācchaktiyojitam

mārayedacirādeṣa śmaśāne nihataṃ ripuṃ /AP_311.014ab/
chedaṃ karoti rāṣṭrasya cakramadhye nyasedripuṃ

cakradhārāṅgatāṃ śaktiṃ ripunāmnā ripuṃ haret /AP_311.015ab/
tārkṣyeṇaiva tu vījena khaḍgamadhye tu lekhayet

vidarbharipunāmātha śmaśānāṅgāralekhitam /AP_311.016ab/
saptāhātsādhayeddeśaṃ tāḍayet pretabhasmanā

bhedane chedane caiva māraṇeṣu śivo bhavet /AP_311.017ab/
tārakaṃ netramuddiṣṭaṃ śāntipuṣṭau niyojayet

dahanādiprayogoyaṃ śākinīñcaiva karpayet /AP_311.018ab/
madhyādivāruṇīṃ yāvadvakratuṇḍasamanvitaḥ(2)

:n
1 kuṇḍa iti ka..
2 vajratuṇdasamanvita iti ṭa..
:p 145
kuṣṭādyā vyādhayo ye tu nāśayettānna saṃśayaḥ /AP_311.019ab/
madhyādiuttarāntantu karālībandhanājjapet

rakṣayedātmano vidyāṃ prativādī yadā śivaḥ /AP_311.020ab/
vāruṇyādi tato nyasya jvarakāśavināśanam

saumyādi madhyamāntantu gurutvaṃ jāyate vaṭe /AP_311.021ab/
pūrvādi madhyamāntantu laghutvaṃ kurute kṣaṇāt

bhūrje rocanayā likhya etadvajrākulaṃ puram /AP_311.022ab/
kramasthair mantravījaistu rakṣāṃ deheṣu kārayet

veṣṭitā bhāvahemnā ca(1) rakṣeyaṃ mṛtyunāśinī /AP_311.023ab/
vighnapāpāridamanī saubhāgyāyuḥpradā dhṛtā

dyūte reṇe ca jayadā śakrasainye na saṃśayaḥ /AP_311.024ab/
bandhyānāṃ putradā hy eṣā cintāmaṇirivāparā

sādhayet pararāṣṭrāṇi rājyañca pṛthivīṃ jayet /AP_311.025ab/
phaṭ strīṃ kṣeṃ hūṃ lakṣajapyādyakṣādirvaśago bhavet