Agni Purana · Chapter 310

:e ity āgneye mahāpurāṇe tvaritāmantrādirnāma navādhikatriśatatamo
'dhyāyaḥ
% chapter {310}
:ś atha daśādhikatriśatatamo 'dhyāyaḥ
tvaritāmūlamantrādiḥ
agnir uvāca
dīkṣādi vakṣye vinyasya siṃhavajrākule 'bjake /AP_310.001ab/
he 2 huti vajradanta puru 2 lulu 2 garja 2 iha siṃhāsanāya namaḥ
tiryagūrdhvagatā rekhāś catvāraś catvāraś caturo bhavet

navabhāgavibhāgena koṣṭhakān kārayedbudhaḥ /AP_310.002ab/
grāhyā diśāgatāḥ koṣṭhā vidiśāsu vināśayet

vāhye vai koṣṭhakoṇeṣu vāhyarekhāṣṭakaṃ smṛtam /AP_310.003ab/
vāhyakoṣṭhasya vāhye tu madhye yāvat samānayet

vajrasya madhyamaṃ śṛṅgaṃ vāhyarekhā dvidhārdhataḥ /AP_310.004ab/
vāhyarekhā bhavedvakrā dvibhaṅgā kārayedbudhaḥ

:p 140
madhyakoṣṭhaṃ bhavetpadmaṃ pītakarṇikamujjvalam /AP_310.005ab/
kṛṣṇena rajasā likhya kuliśāsiśitordhatā

vāhyataś caturasrantu vajrasampuṭalāñchitam /AP_310.006ab/
dvāre pradāpayenmantrī caturo vajrasampuṭān

padmanāma bhavedvāmavīthī caiva samā bhavet /AP_310.007ab/
garbhaṃ raktaṃ keśarāṇi maṇḍale dīkṣitāḥ striyaḥ

jayecca pararāṣṭrāṇi kṣipraṃ rājyamavāpnuyāt /AP_310.008ab/
mūrtiṃ praṇavasandīptāṃ hūṃkāreṇa niyojayet

mūlavidyāṃ samuccārya marudvyomagatāṃ dvija /AP_310.009ab/
prathamena punaś caiva karṇikāyāṃ prapūjayet

evaṃ pradakṣiṇaṃ pūjya ekaikaṃ vījamāditaḥ /AP_310.010ab/
dalamadhye tu vidyāṅgā āgneyyāṃ pañca nairṛtam(1)

madhye netraṃ diśāstrañca guhyakāṅge tu rakṣaṇam /AP_310.011ab/
hutayaḥ keśarasthāstu vāmadakṣiṇapārśvataḥ

pañca pañca prapūjyāstu svaiḥ svair mantraiḥ prapūjayet /AP_310.012ab/
lokapālānnyasedaṣṭau vāhyato garbhamaṇḍale

varṇāntamagnimārūṭaṃ ṣaṣṭhasvaravibheditaṃ(2) /AP_310.013ab/
pañcadaśena cākrāntaṃ svaiḥ svair nāmabhi yojayet(3)

śīghraṃ(4) siṃhe karṇikāyāṃ yajed gandhādibhiḥ śriye(5) /AP_310.014ab/
:n
1 āgneyāvannairṛtamiti ña..
2 jyeṣṭhasvaravibhūṣitamiti kha.. , cha.. ca
3 nāmabhiryojayedityayaṃ pāṭhaḥ samīcīno bhavitumarhati
4 nīleti ña..
5 śriyamiti ña..
:p 141
aṣṭābhir veṣṭayet kummair(?) mantrāṣṭaśatamantritaiḥ

mantramaṣṭasahasrantu japtvāṅgānāṃ daśāṃśakam /AP_310.015ab/
tomaṃ kuryādagnikuṇḍe vahnimantreṇa cālayet

nikṣiped hṛdayenāgniṃ śaktiṃ madhye 'gnigāṃ smaret /AP_310.016ab/
garbhādhānaṃ puṃsavanaṃ jātakarma ca homayet

hṛdayena śataṃ hy ekaṃ guhyekaṃ guhyāṅge janayecchikhim /AP_310.017ab/
pūrṇāhutyā tu vidyāyāḥ śivāgnirjvalito bhavet

homayemmūlamantreṇa śatañcāṅgaṃ daśāṃśataḥ /AP_310.018ab/
nivedayettato devyāstataḥ śiṣyaṃ praveśayet

astreṇa tāḍanaṃ kṛtvā guhyāṅgāni tato nyaset /AP_310.019ab/
vidyāṅgaiś caiva sannaddhaṃ vidyāṅgeṣu niyojayet

puṣpaṃ kṣipāyayecchiṣyamānayedagnikuṇḍakam /AP_310.020ab/
yavair dvānyaistilair ājyair mūlavidyāśataṃ hunet

sthāvaratvaṃ purā homaṃ sarīsṛpamataḥ paraṃ /AP_310.021ab/
pakṣimṛgapaśutvañca mānuṣaṃ brāhmameva ca

viṣṇutvañcaiva rudratvamante pūrṇāhutirbhavet /AP_310.022ab/
ekayā caiva hy āhtyā śiṣyaḥ syāddīkṣito bhavet

adhikāro bhavedevaṃ śṛṇu mokṣamataḥ param /AP_310.023ab/
sumerustho yadā mantrī sadāśivapade sthitaḥ

pare ca homayet svastho 'karmakarmaśatān daśa /AP_310.024ab/
pūrṇāhutyā tu tadyogī dharmādharmair na lipyate

mokṣaṃ yāti paraṃsthānaṃ yadgatvā na nivartate /AP_310.025ab/
yathā jale jalaṃ kṣiptaṃ jalaṃ dehī śiras tathā

:p 142
kumbhaiḥ kuryāccābhiṣekaṃ jayarājyādisarvabhāk /AP_310.026ab/
kumārī brāhmaṇī pūjyā gurvāderdakṣiṇāṃ dadet

yajet sahasramekantu pūjāṃ kṛtvā dine dine /AP_310.027ab/
tilājyapurahomena(1) devī śrīḥ kāmadā bhavet

dadāti vipulān bhogān yadanyacca samīhate /AP_310.028ab/
japtvā hy akṣaralakṣantu nidhānādhipatirbhavet

dviguṇena bhavedrājyaṃ triguṇena ca yakṣiṇī /AP_310.029ab/
caturguṇena brahmatvaṃ tato viṣṇupadaṃ bhavet

ṣaḍguṇena mahāsiddhir lakṣeṇaikena pāpahā /AP_310.030ab/
daśa japtvā dehaśuddhyai tīrthasnānaphalaṃ śatāt

paṭe vā pratimāyāṃ vā śīghrāṃ vai sthaṇḍile yajet /AP_310.031ab/
śataṃ sahasramayutaṃ jape home prakīrtitam

evaṃ vidhānato japtvā lakṣamekantu homayet /AP_310.032ab/
mahiṣājameṣamāṃsena narajena pureṇa(2) vā

tilair yavais tathā lājair vrīhigodhūmakāmrakaiḥ /AP_310.033ab/
śrīphalair ājyasaṃyuktair homayitvā vratañcaret

ardharātreṣu sannaddhaḥ khaḍgacāpaśarādimān /AP_310.034ab/
ekavāsā vicitreṇa raktapītāsitena vā

nīlena vātha vastreṇa devīṃ tair eva cārcayet /AP_310.035ab/
vrajeddakṣiṇadigbhāgaṃ dvāre dadyādbaliṃ budhaḥ

:n
1 tilājyaplavahomeneti kha.. , cha.. ca
2 plaveneti kha.. , cha.. ca
:p 143
dūtīmantreṇa dvārādau ekavṛkṣe śmaśānake /AP_310.036ab/
evañca sarvakāmāptirbhuṅkte sarvāṃ mahīṃ nṛpaḥ