Agni Purana · Chapter 312

:e ity āgneye mahāpurāṇe tvaritāvidyā nāmaikādaśādhikatriśatatamo
'dhyāyaḥ
% chapter {312}
:ś atha dvādaśādhikatriśatatamo 'dhyāyaḥ
nānāmantrāḥ
agnir uvāca
oṃ vināyakārcanaṃ vakṣye yajedādhāraśaktikam /AP_312.001ab/
dharmādyaṣṭakakandañca nālaṃ padmañca karṇikām

:n
1 tārahemnā ceti kha..
:p 146
keśaraṃ trigunaṃ padmaṃ tīvrañca jvalinīṃ yajet /AP_312.002ab/
nandāñca suyaśāñcogrāṃ tejovatīṃ vindhyavāsinīṃ(1)

gaṇamūrtiṃ gaṇapattiṃ hṛdayaṃ syādgaṇaṃ jayaḥ /AP_312.003ab/
ekadantotkaṭaśiraḥśikhāyācalakarṇine

gajavaktrāya kavacaṃ hūṃ phaḍantaṃ tathāṣṭakaṃ /AP_312.004ab/
mahodaro daṇḍahastaḥ pūrvādau madhyato yajet

jayo gaṇādhipo gaṇanāyako 'tha gaṇeśvaraḥ /AP_312.005ab/
vakratuṇḍa ekadantotkaṭalambodaro gaja

vaktro vikaṭānano 'tha hūṃ pūrvo vighnanāśanaḥ /AP_312.006ab/
dhūmravarṇo mahendrādyo vāhye vighneśapūjanam

tripurāpūjanaṃ(2) vakṣye asitāṅgo rurus tathā /AP_312.007ab/
caṇḍaḥ krodhastathonmattaḥ kapālī bhīṣaṇaḥ kramāt

saṃhāro bhairavo brāhmīrmukhyā hrasvāstu bhairabāḥ /AP_312.008ab/
brahmāṇīṣaṇmukhā dīrghā agnyādau vaṭukāḥ kramāt

samayaputro vaṭuko yoginīputrakas tathā /AP_312.009ab/
siddhaputraś ca vaṭukaḥ kulaputraś caturthakaḥ

hetukaḥ kṣetrapālaś ca tripurānto dvitīyakaḥ /AP_312.010ab/
agnivetālo 'gnijihvaḥ karālī kālalocanaḥ

ekapādaś ca bhīmākṣa aiṃ kṣeṃ pretastayāsanaṃ /AP_312.011ab/
aiṃ hrīṃ dvauś ca tripurā padmāsanasamāsthitā

vibhratyabhayapustañca vāme varadamālikām /AP_312.012ab/
:n
1 vivāsinīmiti kha..
2 tripurāyajanamiti kha.. , cha.. , ja.. , ña.. , ṭa.. ca
:p 147
mūlena hṛdayādi syājjālapūrṇañca kāmakam

gomadhye nāma saṃlikhya cāṣṭapatre ca madhyataḥ /AP_312.013ab/
śmaśānādipaṭe śmaśānāṅgāreṇa vilekhayet

citāṅgārapiṣṭakena mūrtiṃ dhyātvā tu tasya ca /AP_312.014ab/
kṣiptvodare nīlasūtrair veṣṭya coccāṭhanaṃ bhavet

oṃ namo bhagavati jvālāmānini gṛdhragaṇaparivṛte svāhā
yuddhegacchan japanmantraṃ pumān sākṣājjayī bhavet /AP_312.015ab/
oṃ śrīṃ hrīṃ klīṃ śriyai namaḥ
uttarādau ca ghṛṇinī sūryā pujyā caturdale

ādityā prabhāvatī ca hemādrimadhurāśrayaḥ /AP_312.016ab/
oṃ hrīṃ gauryai namaḥ
gaurīmantraḥ sarvakaraḥ homāddhyānājjapārcanāt

raktā caturbhujā pāśavaradā dakṣiṇe kare /AP_312.017ab/
aṅkuśābhayayuktāntāṃ prārthya siddhātmanā pumān

jīvedvarṣaśataṃ dhīmānna caurāribhayaṃ bhavet /AP_312.018ab/
kruddhaḥ prasādī bhavati yudhi mantrāmbupānataḥ

añjanaṃ tilakaṃ vaśye jihvāgre kavitā bhavet /AP_312.019ab/
tajjapānmaithunaṃ vaśye tajjapādyonivīkṣaṇam

sparśādvaśī tilahomātsarvañcaiva tu sidhyati /AP_312.020ab/
saptābhimantritañcānnaṃ bhuñjaṃstasya śriyaḥ sadā

ardhanārīśarūpo 'yaṃ lakṣmyādivaiṣṇavādikaḥ /AP_312.021ab/
anaṅgarūpā śaktiś ca dvitīyā madanāturā

pavanavegā bhuvanapālā vai savvasiddhidā /AP_312.022ab/
:p 148
anaṅgamadanānaṅgamekhalāntāñcapecchriye

padmamadhyadaleṣu hrīṃ svarān kādīṃstitaḥ striyāḥ /AP_312.023ab/
ṣaṭkoṇe vā ghaṭe vātha likhitvā syādvaśīkaraṃ

oṃ hrīṃ chaṃ nityaklinne madadrave oṃ oṃ
mūlamantraḥ ṣaḍaṅgaoyaṃ raktavarṇe trikoṇake /AP_312.024ab/
dravaṇī hlādakāriṇī kṣobhiṇī guruśaktikā

īśānādau ca madhye tāṃ nityāṃ pāśāṅkuśau tathā /AP_312.025ab/
kapālakalpakataruṃ vīṇā raktā ca tadvatī

nityābhayā maṅgalā ca navavīrā ca maṅgalā /AP_312.026ab/
durbhagā manonmanī pūjyā drāvā pūrvāditaḥ sthitā

oṃ hrīṃ anaṅgāya namaḥ oṃ hrīṃ hrīṃ smarāya
namaḥ
manmathāya ca mārāya kāmāyaivañca pañcadhā /AP_312.027ab/
kāmāḥ pāśāṅkuśau cāpavāṇāḥ dhyeyāś ca vibhrataḥ

ratiś ca viratiḥ prītirviprītiś ca matirdhṛtiḥ /AP_312.028ab/
vidhṛtiḥ puṣṭirebhiś ca kramāt kāmādikair yutāḥ /AP_312.028cd/
oṃ chaṃ nityaklinne madadrave oṃ oṃ / a ā i ī u ū ṛ ṝ ḷ ḹ e ai
o au aṃ aḥ / ka kha ga gha ṅa ca cha ja jha ña ṭa ṭha ḍa ḍha ṇa ta
tha da dha na pa pha ba bha ma ya ra la va śa ṣa sa ha kṣa / oṃ chaṃ
nityaklinne madadrave svāhā
ādhāraśaktiṃ padmañca siṃhe devīṃ hṛdādiṣu