Agni Purana · Chapter 309

:e ity āgneye mahāpurāṇe tvaritāpūjā nāmāṣṭādhikatriśatatamo
'dhyāyaḥ
% chapter {309}
:ś atha navādhikatriśatatamo 'dhyāyaḥ
tvaritāmantrādiḥ
agnir uvāca
aparāṃ tvaritāvidyāṃ vakṣye 'haṃ bhuktimuktidāṃ /AP_309.001ab/
pure vajrākule(1) devīṃ rajobhirlikhite yajet

padmagarbhe digvidikṣu cāṣṭau vajrāṇi vīthikāṃ /AP_309.002ab/
dvāraśobhopaśobhāñca likhecchrīghraṃ smarennaraḥ

aṣṭādaśabhujāṃ siṃhe vāmajaṅghā pratiṣṭhitā /AP_309.003ab/
dakṣiṇā dviguṇā tasyāḥ pādapīṭhe samarpitā

nāgabhūṣāṃ vajrakuṇḍe khaḍgaṃ cakraṃ gadāṃ karamāt /AP_309.004ab/
śūlaṃ śaraṃ tathā śaktiṃ varadaṃ dakṣiṇaiḥ karaiḥ

dhanuḥ pāśaṃ śaraṃ ghaṇṭāṃ tarjanīṃśaṅkhamaṅkuśam /AP_309.005ab/
abhayañca tathā varjaṃ vāmapārśve dhṛtāyudham

pūjanācchatrunāśaḥ syādrāṣṭraṃ jayati līlayā /AP_309.006ab/
dīrghāyūrāṣṭrabhūtiḥ syāddivyādisiddhibhāk

:n
1 vajrārgale iti ña..
:p 136
taletisaptapātālāḥ kālāgnibhuvanāntakāḥ /AP_309.007ab/
oṃ kārādisvarārabhya yāvadbrahmāṇḍavācakam

oṃ kārādbhrāmayettoyantotalā tvaritā tataḥ /AP_309.008ab/
prastāvaṃ sampravakṣyāmi svaravargaṃ likhedbhuvi

tālurvargaḥ kavargaḥ syāttṛtīyo jihvatālukaḥ /AP_309.009ab/
caturthastālujihvāgro jihvādantastu pañcamaḥ

ṣaṣṭho 'ṣṭapuṭasampanno miśravargastu saptamaḥ /AP_309.010ab/
ūṣmāṇaḥ syācchvargastu uddharecca manuṃ tataḥ

ṣaṣṭhasvarasamārūḍhaṃ ūṣmaṇāntaṃ savindukam /AP_309.011ab/
tāluvargadvitīyantu svaraikādaśayojitam

jihvātālusamāyogaḥ prathamaṃ kevalaṃ bhavet /AP_309.012ab/
tadeva ca dvitīyantu adhastādviniyojayet

ekādaśasvarair yuktaṃ prathamaṃ tāluvargataḥ /AP_309.013ab/
ūṣmāṇasya(1) dvitīyantu adhastād dṛśya yojayet

ṣoḍaśasvarasaṃyuktamūṣmāṇasya dvitīyakam /AP_309.014ab/
jihvādantasamāyoge prathamaṃ yojayedadhaḥ

miśravargād dvitīyantu adhastāt punareva tu /AP_309.015ab/
caturthasvarasambhinnaṃ tāluvargādisaṃyutam

ūṣmaṇaś ca dvitīyantu adhastādviniyojayet /AP_309.016ab/
svaraikādaśabhinnantu ūṣmaṇāntaṃ savindukam

pañcasvarasamārūḍhaṃ oṣṭhasampuṭayogataḥ /AP_309.017ab/
dvitīyamakṣarañcānyajjihvāgre tāluyogataḥ

:n
1 ūṣmāṇasyetyayaṃ pāṭho na sādhuḥ
:p 137
prathamaṃ pañcame yojyaṃ svarārdhenoddhṛtā ime /AP_309.018ab/
oṃkārādyā namontāś ca japet svāhāgnikāryake

oṃ hrīṃ hrūṃ hraḥ hṛdayaṃ hāṃ hṛśceti śiraḥ /
hrīṃ jvala jjalaśikhā syāt kavacaṃ hanudvayam / hrīṃ śrīṃ
kṣūnnetratrayāya vidyānetraṃ prakīrtitam kṣauṃ haḥ khauṃ
hūṃ phaḍastrāya guhyāṅgāni purā nyaset
tvaritāṅgāni vakṣyāmi vidyāṅgāni śṛṇuṣva me /AP_309.019ab/
ādidvihṛdayaṃ proktaṃ tricatuḥśira iṣyate

pañcaṣaṣṭhaḥ śikhā proktā kavacaṃ saptamāṣṭamam /AP_309.020ab/
tārakantu bhavennetraṃ navārdhākṣaralakṣaṇaṃ

totaleti samākhyātā vajratuṇḍe tato bhavet /AP_309.021ab/
kha kha hūṃ daśavījā syādvajratuṇḍendradrūtikā

khecari jvālinījvāle khakheti jvālinīdaśa /AP_309.022ab/
varce śaravibhīṣaṇi khakheti ca śavaryapi

che chedani karālini khakheti ca karālyapi /AP_309.023ab/
vakṣaḥśravadravaplavanī kha kha(1) dūtīplavaṃ khyapi

strībālakāre dhunani śāstrī vasanavegikā /AP_309.024ab/
kṣe pakṣe kapile hasa hasa kapilā nāma dūtikā

hrūṃ tejovati raudrī ca mātaṅgaraudridūtikā /AP_309.025ab/
puṭe puṭe kha kha khaḍge phaṭ brahmakadūtikā

vaitālini daśārṇāḥ syustyajānyahipalālavat /AP_309.026ab/
hṛdādikanyāsādau syān madhye netre nyasetsudhīḥ

pādādarabhya mūrdāntaṃ śira ārabhya pādayoḥ /AP_309.027ab/
:n
1 vakṣaḥśravadravaplavanīthatheti kha.. , cha.. ca
:p 138
aṅghrijānūruguhye ca nābhihṛtkaṇṭhadeśataḥ

vajramaṇḍalabūrdhe ca aghordhe cādivījataḥ /AP_309.028ab/
somarūpaṃ tato gāvaṃ dhārāmṛtasuvarṣiṇam

viśantaṃ brahmarandhreṇa sādhakastu vicintayet /AP_309.029ab/
mūrdhāsyakaṇṭhahṛnnābhau guhyorujānupādayoḥ

ādivījaṃ nyasenmantrī tarjanyādi punaḥ punaḥ /AP_309.030ab/
ūrdhaṃ somamadhaḥ padmaṃ śarīraṃ vījavigrahaṃ

yo jānāti na mṛtyuḥ syāttasya na vyādhayo jvarā /AP_309.031ab/
yajejjapettāṃ vinyasya dhyāyeddevīṃ śatāṣṭakam

mudrā vakṣye praṇītādyāḥ praṇītāḥ pañcadhāsmṛtāḥ /AP_309.032ab/
grathitau tu karau kṛtvā madhye 'ṅguṣṭhau nipātayet

tarjanīṃ mūrdhnisaṃlagnāṃ vinyasettāṃ śiropari /AP_309.033ab/
praṇīteyaṃ samākhyātā hṛddeśe tāṃ samānayet

ūrdhantu kanyasāmadhye savījāntāṃ vidurdvijāḥ /AP_309.034ab/
niyojya tarjanīmadhye 'nekalagnāṃ parasparām

jyeṣṭāgraṃ nikṣipenmadhye bhedanī sā prakīrtitā /AP_309.035ab/
nābhideśe tu tāṃ baddhvā aṅguṣṭhāvutkṣipettataḥ

karālī tu mahāmudrā hṛdaye yojya mantriṇaḥ /AP_309.036ab/
punastu pūrvavad baddhalagnāṃ jyeṣṭhāṃ samutkṣipet

vajratuṇḍā samākhyātā vajradeśe tu bandhayet /AP_309.037ab/
ubhābhyāñcaiva hastābhyāṃ maṇibandhantu bandhayet

trīṇi trīṇi prasāryeti(1) vajramudrā prakīrtitā /AP_309.038ab/
:n
1 prasāryā ceti ṭa..
:p 139
daṇḍaḥ khaḍgañcakragadā mudrā cākārataḥ smṛtā

aṅguṣṭhenākramet trīṇi triśūlañcordhvato bhavet /AP_309.039ab/
ekā tu madhyamordhvā tu śaktireva vidhīyate

śarañca varadañcāpaṃ pāśaṃ bhārañca ghaṇṭayā /AP_309.040ab/
śaṅkhamaṅkuśamabhayaṃ padmamaṣṭa ca viṃśatiḥ

mohaṇī mokṣaṇī caiva jvālinī cāmṛtābhayā /AP_309.041ab/
praṇītāḥ pañcamudrāstu pūjāhome ca yojayet