Agni Purana · Chapter 308

:e ity āgneye mahāpurāṇe trailokyamohanīlakṣmyādipūjā nāma
saptādhikatriśatatamo 'dhyāyaḥ
:p 133
% chapter {308}
:ś athāṣṭādhikatriśatatamo 'dhyāyaḥ
tvaritāpūjā
agnir uvāca
tvaritāṅgānsamākhyāsye bhuktimuktipradāyakān /AP_308.001ab/
oṃ ādhāraśaktyai namaḥ / oṃ hrīṃ puru 2 mahāsiṃhāya
namaḥ /oṃ padmāya namaḥ / oṃ hrīṃ hrūṃ khecachekṣaḥ /
strīṃ oṃ hrūṃ kṣaiṃ hrūṃ phaṭ tvaritāyai namaḥ / khe ca
hṛdayāya namaḥ /cache śirase namaḥ /chekṣaḥ śikhāyai
namaḥ / kṣastrī kavacāya namaḥ / strīṃ hrūṃ netrāya namaḥ
/ hrūṃ khe astrāya phaṭ namaḥ / oṃ tvaritāvidyāṃ vidmahe
tūrṇavidyāñca dhīmahi tanno devī pracodayāt / śrīpraṇitāyai
namaḥ / hrūṃ kārāyai namaḥ / oṃ kheca hṛdayāya namaḥ /
khecaryai namaḥ / oṃ caṇḍāyai namaḥ / chedanyai namaḥ
kṣepaṇyai namaḥ /striyai hrūṃ kāryai namaḥ / kṣemaṅkaryai
jayāyai kiṅkarāya rakṣa / oṃ tvaritājñayā sthiro bhava vaṣaṭ
totalā tvaritā tūrṇetyetyevaṃ vidyeyamīritā

śirobhrumastake kaṇṭhe hṛdi nābhau ca guhyake /AP_308.002ab/
urvoś ca jānujaṅghorudvaye caraṇayoḥ kramāt

nyastāṅgo nyastamantrastu samastaṃ vyāpakaṃ nyaset /AP_308.003ab/
pārvatī śavarī ceśā varadābhayahastikā

mayūrabalayā picchamauliḥ kisalayāṃśukā /AP_308.004ab/
siṃhāsanasthā māyūravarhacchatrasamanvitā

trinetrā śyāmalā devī vanamālāvibhūṣaṇā /AP_308.005ab/
:p 134
viprāhikaṇrābharaṇā catrakeyūrabhūṣaṇā

vaiśyanāgakaṭībandhā vṛṣalāhikṛtanūpurā /AP_308.006ab/
evaṃ rūpātmikā bhūtvā tanmantraṃ niyutaṃ japet

īśaḥ kirātarūpo 'bhūt purā gaurī ca tādṛśī /AP_308.007ab/
japeddhyāyet pūjayettāṃ sarvasiddhyaiviṣādihṛt

aṣṭasiṃhāsane pūjyā dale pūrvādike kramāt /AP_308.008ab/
aṅgagāyatrī praṇītā hūṅkārādyā dalāgrake

phaṭkārī cāgrato devyāḥ śrīvījenārcayedimāḥ /AP_308.009ab/
lokeśāyudhavarṇāstāḥ phaṭkārī tu dhanurdharā

jayā ca vijayā dvāsthe pūjye sauvarṇayaṣṭike /AP_308.010ab/
kiṅkarā varvarī muṇḍī laguḍī ca tayorvahiḥ

iṣṭvaivaṃ siddhayeddravyaiḥ kuṇḍe yonyākṛtau hunet /AP_308.011ab/
hemalābho 'rjunair dhānyair godhūmaiḥ puṣṭisampadaḥ

yavair dhānyaistilaiḥ sarvasiddhirītivināśanam /AP_308.012ab/
akṣair unmattatā śatroḥ śālmalībhiś ca māraṇam

jambubhirdhanadhānyāptistuṣṭirnīlotpalair api /AP_308.013ab/
raktātpalair mahāpuṣṭiḥ kundapuṣpair mahodayaḥ

mallikābhiḥ purakṣobhaḥ kumudair janavar labhaḥ /AP_308.014ab/
aśokaiḥ putralābhaḥ syāt pāṭalābhiḥ śubhāṅganā

āmrair āyustilair lakṣmīrbilvaiḥ śrīś campakair dhanam /AP_308.015ab/
iṣṭaṃ madhukapuṣpaiś ca bilvaiḥ sarvajṇatāṃ labhet

trilakṣajapyātsarvāptirhomāddhyānāttathejyayā /AP_308.016ab/
maṇḍale 'bhyarcya gāyatryā āhutīḥ pañcaviṃśatim

:p 135
dadyācchatatrayaṃ mūlāt pallavair dīkṣito bhavet /AP_308.017ab/
pañcagavyaṃ purā pītvā carukaṃ prāśayetsadā