Agni Purana · Chapter 307

:e ity āgneye mahāpurāṇe trailokyamohanamantro nāma
ṣaṣṭhādhikatriśatatamo 'dhyāyaḥ ||
% chapter {307}
:ś atha saptādhikatriśatatamo 'dhyāyaḥ
trailokyamohanīlakṣmyādipūjā
agnir uvāca
vakṣaḥ savahniryāmākṣau daṇḍīḥ śrīḥ sarvasiddhidā /AP_307.001ab/
mahāśriye mahāsiddhe mahāvidyutprabhe namaḥ

śriye devi vijaye namaḥ / gauri mahābale bandha 2 namaḥ / hūṃ
mahākāye padmahaste hūṃ phaṭ śriyai namaḥ / śriyai phaṭ śriyai
namaḥ / śriyai phaṭ śrīṃ namaḥ / śriye śrīda namaḥ
svāhā svāhā śrīphaṭ ||
asyāṅgāni navoktāni teṣvekañca samāśrayet /AP_307.002ab/
trilakṣamekalakṣaṃ vā japtvākṣābjaiś ca bhūtidaḥ

śrīgehe viṣṇugehe vā śriyaṃ pūjya dhanaṃ labhet /AP_307.003ab/
ājyāktaistaṇḍulair lakṣaṃ juhuyāt khādirānale

rājā vaśyo bhavedvṛddhiḥ śrīś ca syāduttarottaraṃ /AP_307.004ab/
sarṣapāmbhobhiṣekeṇa naśyante sakalā grahāḥ

bilvalakṣahutā lakṣmīrvittavṛddhiś ca jāyate /AP_307.005ab/
śakraveśma caturdvāraṃ hṛdaye cintayedatha

:p 131
balākāṃ vāmanāṃ śyāmāṃ śvetapaṅkajadhāriṇīm /AP_307.006ab/
ūrdhvavāhudvayaṃ dhyāyetkrīḍantīṃ dvāri pūrvavat

urdhvīkṛtena hastena raktapaṅkajadhāriṇīṃ /AP_307.007ab/
śvetāṅgīṃ dakṣiṇe dvāri cintayedvanamālinīm

haritāṃ dordvayenordhamudvahantīṃ sitāmbujam /AP_307.008ab/
dhyāyedvibhīṣikāṃ nāma śrīdūtīṃ dvāri paścime

śāṅkarīmukktare dvāri tanmadhye 'ṣṭadalapaṅkajaṃ /AP_307.009ab/
vāsudevaḥ saṅkarṣaṇaḥ pradyumnaścāniruddhakaḥ

dhyeyāste padmapatreṣu śaṅkhacakragadādharāḥ /AP_307.010ab/
añjanakṣīrakāśmīrahemābhāste suvāsasaḥ

āgneyādiṣu patreṣu gugguluś ca kuruṇṭakaḥ /AP_307.011ab/
damakaḥ salilaśceti hastinī rajataprabhāḥ

hemakumbhadharāś caite karṇikāyāṃ śriyaṃ smaret /AP_307.012ab/
caturbhujāṃ suvarṇābhāṃ sapadmordhvabhujadvayāṃ

dakṣiṇābhayahastābhāṃ vāmahastavarapradāṃ /AP_307.013ab/
śvetagandhāṃśukāmekaraumyamālāstradhāriṇīṃ

dhyātvā saparivārāntāmabhyarcya sakalaṃ labhet /AP_307.014ab/
droṇābjapuṣpaśrīvṛkṣaparṇaṃ mūrdhni na dhārayet

lavaṇāmalakaṃ varjyaṃ nāgādityatithau kramāt /AP_307.015ab/
pāyasāśī japet sūktaṃ śriyastenābhiṣecayet

āvāhādivisargāntāṃ mūrdhni dhyātvārcayet śriyam /AP_307.016ab/
vilvājyābjapāyasena pṛthak yogaḥ śriye bhavet

viṣaṃ mahiṣakāntāgnirudrijyotirvakadvayam /AP_307.017ab/
:p 132
oṃ hrīṃ mahāmahiṣamardini ṭha ṭha mūlamantraṃ
bhahiṣahiṃsake namaḥ / mahiṣaśatruṃ bhrāmaya 2 hūṃ phaṭ
ṭha ṭha mahiṣaṃ heṣaya 2 hūṃ mahiṣaṃ hana2 devi hūṃ
mahiṣanisūdani phaṭ
durgāhṛdayamityuktaṃ sāṅgaṃ sarvārthasādhakam

yajedyathoktaṃ tāṃ devīṃ pīṭhañcaivāṅgamadhyagam /AP_307.018ab/
oṃ hrīṃ durge rakṣaṇi svāhā ceti durgāyai namaḥ / varavarṇyai
namaḥ / āryāyai kanakaprabhāyai kṛttikāyai abhayapradāyai kanyakāyai
surūpāyai ||
patrasthāḥ pūjayedetā mūrtīrādyaiḥ svaraiḥ kramāt

cakrāya śaṅkhāya gadāyai khaḍgāya dhanuṣe vāṇāya /AP_307.019ab/
aṣṭamyādyair imāṃ durgāṃ lokeśāntāṃ yajediti /AP_307.019cd/
durgāyogaḥ samāyuḥśrīsvāmiraktājayādikṛt

samādhyeśānamantreṇa tilahomo vaśīkaraḥ /AP_307.020ab/
jayaḥ padmaistu durvābhiḥ śāntiḥ kāmaḥ palāśajaiḥ

puṣṭiḥ syāt kākapakṣeṇa mṛtidveṣādikaṃ bhavet /AP_307.021ab/
brahmakṣudrabhayāpattiṃ sarvameva manurharet

oṃ durge durge rakṣaṇi svāhā
rakṣākarīyamuditā jayadurgāṅgasaṃyutā /AP_307.022ab/
śyāmāṃ trilicanāṃ devīṃ dhyātvātmānaṃ caturbhujam

śaṅkhacakrābjaśūlāditriśūlāṃ raudrarūpiṇīṃ /AP_307.023ab/
yuddhādau sañjayedetāṃ yajet khaḍgādike jaye