Agni Purana · Chapter 300

:e ity āgneye mahāpurāṇe grahahṛnmantrādikaṃ nāma
navanavatyadhikadviśatatamo 'dhyāyaḥ ||
% chapter {300}
:ś atha triśatatamo 'dhyāyaḥ
sūryārcanam
agnir uvāca
śayyā tu daṇḍisājeśapāvakaś caturānanaḥ /AP_300.001ab/
sarvārthasādhakamidaṃ vījaṃ piṇḍārthamucyate

svayaṃ dīrghasvarādyañca vījeṣvaṅgāni sarvaśaḥ /AP_300.002ab/
khātaṃ sādhu viṣañcaiva savinduṃ sakalaṃ tathā

:p 112
gaṇasya pañca vījāni pṛthagdṛṣṭaphalaṃ mahat /AP_300.003ab/
gaṇaṃ jayāya namaḥ ekadaṃṣṭrāya acalakarṇine gajavaktrāya
mahoharahastāya
pañcāṅgaṃ sarvasāmānyaṃ siddhiḥ syāllakṣajāpyateḥ

gaṇādhipataye gaṇeśvarāya gaṇanāyakāya gaṇakrīḍāya
digdale pūjayenmūrtīḥ purāvaccāṅgapañcakam /AP_300.004ab/
vakratuṇḍāya ekadaṃṣṭrāya mahodarāya gajavaktrāya
vikaṭāya vighnarājāya dhūmravarṇāya
digvidikṣu yajedetāllokāṃśāṃś caiva mudrayā

madhyamātarjanīmadhyagatāṅguṣṭhau samuṣṭikau /AP_300.005ab/
caturbhujo modakāḍhyo daṇḍapāśāṅkuśānvitaḥ

dantabhakṣadharaṃ raktaṃ sābjaṃ pāśāḍkuśair vṛtam /AP_300.006ab/
pūjayettaṃ caturthyāñca viśeṣenātha nityaśaḥ

śvetārkamūlena kṛtaṃ sarvāptiḥ syāttilair ghṛtaiḥ /AP_300.007ab/
taṇḍulair dadhimadhvājyaiḥ saubhāgyaṃ vaśyatā bhavet

ghoṣāsṛkprāṇadhātvardī daṇḍī gārtaṇḍabhairavaḥ /AP_300.008ab/
dharmārthakāmamokṣāṇāṃ kartā vimbapuṭāvṛtaḥ

hrasvāḥ syurmūrtaryaḥ pañca dīrghā aṅgāni tasya ca /AP_300.009ab/
sindūrāruṇamīśāne vāmārdhadayitaṃ raviṃ

āgneyādiṣu koṇeṣu kujamandāhiketavaḥ /AP_300.010ab/
snātvā vidhivadādityamārādhyārghyapuraḥsaraṃ

kṛtāntamaiśe nirmālyaṃ tejaś caṇḍāya dīpitaṃ /AP_300.011ab/
rocanā kuṅkumaṃ vāri raktagandhākṣatāṅkurāḥ

:p 113
veṇuvījayavāḥśāliśyāmākatilarājikāḥ /AP_300.012ab/
javāpuṣpānvitāṃ datvā pātraiḥ śirasi dhārya tat(1)

jānubhyāmavanīṅgatvā sūryāyārghyaṃ nivedayet /AP_300.013ab/
svavidyāmantritaiḥ kumbhair navabhiḥ prārcya vai grahān

grahādiśāntaye snānaṃ japtvārkaṃ sarvamāpnuyāt /AP_300.014ab/
saṃgrāmavijayaṃ sāgniṃ vījadoṣaṃ savindukaṃ

nyasya mūrdhādipādāntaṃ mūlaṃ pūjya tu mudrayā /AP_300.015ab/
svāṅgāni ca yathānyāsamātmānaṃ bhāvayedraviṃ

dhyānañca māraṇastambhe pītagāpyāyane sitam /AP_300.016ab/
ripughātavidhau(2) kṛṣṇaṃ mohayecchakracāpavat

yo 'bhiṣekajapadhyānapūjāhomaparaḥ sadā /AP_300.017ab/
tejasvī hṛjayaḥ śrīmān samudrādau jayaṃ labhet

tāmbūlādāvidaṃ nyasya japtvā dadyāduśīrakaṃ /AP_300.018ab/
nyastuvījena hastena sparśanaṃ tadvaśe smṛtaṃ