Agni Purana · Chapter 290

:e ity āgneye mahāpurāṇe aśvaśāntirnāmonanavatyadhikadviśatatamo
'dhyāyaḥ ||
% chapter {290}
:ś atha navatyadhikadviśatatamo 'dhyāyaḥ
gajaśāntiḥ
śālihotra uvāca
gajaśāntiṃ pravakṣyāmi gajarogavimardanīm /AP_290.001ab/
viṣṇuṃ śriyañca pañcamyāṃ nāgam airāvataṃ yajet

brahmāṇaṃ śaṅkaraṃ viṣṇuṃ śakraṃ vaiśnavaṇaṃyamaṃ /AP_290.002ab/
candrārkau varuṇaṃ vāyumagniṃ pṛthvīṃ tathā ca khaṃ

śeṣaṃ śailān kuñjarāṃś ca ye te 'ṣṭau devayonayaḥ /AP_290.003ab/
virupākṣaṃ mahāpadmaṃ bhadraṃ sumanasantathā

kumudairāvaṇaḥ padmaḥ puṣpadanto 'tha vāmanaḥ /AP_290.004ab/
supratīkoñjano nāgā aṣṭau homo 'tha dakṣiṇāṃ

:p 77
gajāḥ śāntyudakāsiktā vṛddhau naimittikaṃ sṛṇu /AP_290.005ab/
gajānāmmakarādau ca aiśānyāṃ nagarādvahiḥ

sthaṇḍile kamale madhye viṣṇuṃ lakṣmīñca keśare /AP_290.006ab/
brahmāṇaṃ bhāskaraṃ pṛthvīṃ yajet skandaṃ hy anantakaṃ

khaṃ śivaṃ somamindrādīṃstadastrāṇi dale kramāt /AP_290.007ab/
vajraṃ śaktiñca daṇḍañca tomaraṃ pāśakaṃ gadāṃ

śūlaṃ padmambahirvṛnte cakre sūryantathāśvinau /AP_290.008ab/
vasūnaṣṭhau tathā sādhyān yāmye 'tha nairṛte dale

devānāṅgirasaścāśvibhṛgavo maruto 'nile(1) /AP_290.009ab/
viśvedevāṃs tathā dakṣe rudrā śaidre 'tha maṇḍale

tato vṛttayā rekhayā tu devān vai vāhyato yajet /AP_290.010ab/
sūtrakārānṛṣīn vāṇīṃ pūrvādau sarito girīn

mahābhūtāni koṇeṣu aiśānyādiṣu saṃyajet /AP_290.011ab/
padmaṃ cakraṃ gadāṃ śaṅkhaṃ caturaśrantu maṇḍalaṃ

caturdhāraṃ tataḥ kumbhāḥ(2) agnyādau ca patākikāḥ(3) /AP_290.012ab/
catvārastoraṇā dvāri nāgān airavatādikān

pūrvādau cauṣadhībhiś ca devānāṃ bhājanaṃ pṛthak /AP_290.013ab/
pṛthakśatāhutīścājyair gajānarcya pradakṣiṇaṃ

nāgaṃ vahniṃ devatādīn vāhyair jagmuḥ svakaṃ gṛham /AP_290.014ab/
dvijebhyo dikṣiṇāṃ dadyāt hayavaidyādikas tathā

kariṇīntu samāruhya vadet karṇantu kālavit /AP_290.015ab/
:n
1 maruto 'nala iti ja
2 catuḥkumbhā iti ña..
3 patākina iti ja..
:p 78
nāgarāje 'mṛte śāntiṃ kṛtvāmusmin(1) japenmanum

śrīgajastvaṃ kṛto rājñā bhavānasya gajāgraṇīḥ /AP_290.016ab/
prabhūrmālyāgrabhaktaistvāṃ pūjayiṣpati pārthivaḥ

lokastadājñayā pūjāṃ kariṣyati tadā tava /AP_290.017ab/
pālanīyastvayā rājā yuddhe 'dhvani tathā gṛhe

tiryagbhāvaṃ samutsṛjya divyaṃ bhāvamanusmara /AP_290.018ab/
devāsure purā yuddhe śrīgajastridaśaiḥ kṛtaḥ

airāvaṇasutaḥ śrīmānariṣṭo nāma vāraṇaḥ /AP_290.019ab/
śrīgajānāntu tat tejaḥ sarvamevopatiṣṭhate

tattejastava nāgendra divyabhāvasamanvitaṃ /AP_290.020ab/
upatiṣṭhatu bhadrante rakṣa rājānamāhave

ityevamabhiṣiktainamāroheta śubhe nṛpaḥ /AP_290.021ab/
tasyānugamanaṃ kuryuḥ saśastranavasadgajāḥ

śālāsvasau sthaṇḍile 'bje dikapālādīn yajedvahiḥ /AP_290.022ab/
keśareṣu balaṃ nāgaṃ bhuvañcaica sarasvatīṃ

madhyeṣu ḍiṇḍimaṃ prārcya gandhamālyānulepanaiḥ /AP_290.023ab/
hutvā deyastu kalaso rasapūrṇo dvijāya ca

gajādhyakṣaṃ hastipañca gaṇitajñañca pūjayet /AP_290.024ab/
gajādhyakṣāya tandadyāt ḍiṇḍimaṃ sopi vādayet /AP_290.024cd/
śubhagambhīraśabdaiḥ syājjaghanastho 'bhivādayet