Agni Purana · Chapter 289

:e ity āgneye mahāpurāṇe aśvāyurvedo
nāmāṣṭāśītyadhikadviśatatamo 'dhyāyaḥ
% chapter {289}
:ś athonanavatyadhikadviśatatamo 'dhyāyaḥ
aśvaśāntiḥ
śālihotra uvāca
aśvaśāntiṃ pravakṣyāmi vajirogavimardanīṃ /AP_289.001ab/
nityāṃ naimittakīṃ kamyāṃ trividhāṃ śṛṇu suśruta

śubhe dine śrīdharañca śriyamuccaiḥśravāś ca taṃ /AP_289.002ab/
hayarājaṃ samabhyarcya sāvitrair jujuyādghṛtaṃ

dvijebhyo dakṣiṇāndadyādaśvavṛddhis tathā bhavet /AP_289.003ab/
aśvayuk śuklapakṣasya pañcadaśyāñca śāntikaṃ

vahiḥ kuryādviśeṣeṇa nāsatyau varuṇaṃ yajet /AP_289.004ab/
samullikhya tato devīṃ śākhābhiḥ parivārayet

ghatānsarvarasaiḥ pūrṇān dikṣu dadyātsavastrakān /AP_289.005ab/
yavājyaṃ juhuyāt prārcya yajedaśvāṃś ca sāśvinān

:p 76
viprebhyo dakṣiṇāndadyānnaimittikamataḥ śṛṇu /AP_289.006ab/
makarādau hayānāñca padmair viṣṇuṃ śriyaṃ yajet

brahmāṇaṃ śaṅkaraṃ somamādityañca tathāśvinau /AP_289.007ab/
revantamuccaiḥśravasandikpālāṃś ca daleṣvapi

pratyekaṃ pūrṇakumbhaiś ca vedyāntatsaumyataḥ sthale /AP_289.008ab/
tilākṣatājyasiddhārthān devatānāṃ śataṃ śataṃ /AP_289.008cd/
upoṣitena kartavyaṃ karma cāsvarujāpahaṃ