Agni Purana · Chapter 285

:e ity āgneye mahāpurāṇe mṛtasañjīvanīkarasiddhayogo nāma
caturaśītyadhikadviśatatamo 'dhyāyaḥ
% chapter {285}
:ś atha pañcāśītyadhikadviśatatamo 'dhyāyaḥ
kalpasāgaraḥ
dhanvantarir uvāca
kalpāmmṛtyuñcayānvakṣye hy āyurdānrogasardanān /AP_285.001ab/
triśatī rogahā sevyā madhvājyatriphalāmṛtā

palaṃ palārdhaṃ karṣaṃ vā triphalāṃ sakalāṃ tathā /AP_285.002ab/
bilvatailasya nasyañca māsaṃ pañcaśatī kaviḥ

rogāpamṛtyubalijit tilaṃ(1) bhallātakaṃ tathā /AP_285.003ab/
pañcāṅgaṃ vākūcīcūṇaṃ ṣaṇmāsaṃ khadirodakaiḥ

kvāthaiḥ kuṣṭhañjayet sevyaṃ cūrṇaṃ nīlakuruṇṭajam /AP_285.004ab/
kṣireṇa madhunā vāpi śatāyuḥ khaṇḍadugdhabhuk

madhvājyaśuṇṭhīṃ saṃsevya palaṃ prātaḥ samṛdyujit /AP_285.005ab/
balīpalitajijjīvenmāṇḍakīcūrṇadugdhapāḥ

uccaṭāmadhunā karṣaṃ payaḥpā mṛtyujinnaraḥ /AP_285.006ab/
madhvājyaiḥ payasā vāpi nirguṇḍī rogamṛtyujit

:n
1 tailamiti ña..
:p 58
palāśatailaṃ karṣaikaṃ ṣaṇmāsaṃ madhunā pivet /AP_285.007ab/
dugdhabhojī pañcaśatī sahasrāyurbhavennaraḥ

jyotiṣmatīpatrarasaṃ payasā triphalāṃ pivet /AP_285.008ab/
madhunājyantatastadvat śatāvaryā rajaḥ palaṃ

kṣaudrājyaiḥ payasā vāpi nirguṇḍī rogamṛtyujit /AP_285.009ab/
pañcāṅgaṃ nimbacūrṇasya khadirakvāthabhāvitaṃ

karṣaṃ bhṛṅgarasenāpi rogajiccāmaro(1) bhavet /AP_285.010ab/
rudantikājyamadhubhuk dugdhabhojī ca mṛtyujit

karṣacūrṇaṃ harītakyā bhāvitaṃ bhṛṅgarāḍrasaiḥ /AP_285.011ab/
ghṛtena madhunā sevya triśatāyuś ca rogajit

vārāhikā bhṛṅgarasaṃ lohacūrṇaṃ śatāvarī /AP_285.012ab/
sājyaṃ karṣaṃ(2) pañcaśatī kartacūrṇaṃ śatāvarī

bhāvitaṃ bhṛṅgarājena madhvājyantriśatī bhavet /AP_285.013ab/
tāmraṃ mṛtaṃ(3) sṛtatulyaṃ(4) gandhakañca kumārikā

rasair vimṛjya dve guñje sājyaṃ pañcaśatābdavān /AP_285.014ab/
aśvagandhā palaṃ tailaṃ sājyaṃ khaṇḍaṃ śatābdavān

palampunar navācūrṇaṃ madhvājyapayasā pivam /AP_285.015ab/
aśokacūrṇasya palaṃ madhvājyaṃ payasārtinut

tilasya tailaṃ samadhu nasyāt kṛṣṇakacaḥ śatī /AP_285.016ab/
karṣamakṣaṃ samadhvājyaṃ śatāyuḥ payasā pivan

:n
1 roganuccāmaro bhavediti ña..
2 sājyaṃ sarvamiti kha..
3 tāmrāmṛtamiti kha..
4 suratusyamiti ja.. , ña.. ca
:p 59
abhayaṃ saguḍañcagdhvā ghṛtena madhurādibhiḥ /AP_285.017ab/
dugdhānnabhuk kṛṣṇakeśo 'rogī pañcaśatābdavān

palaṅkuṣmāṇḍikācūrṇaṃ madhvājyapayasā pivan /AP_285.018ab/
māsaṃ dugdhānnabhojī ca sahasrāyurvirogavān

śālūkacūrṇaṃ bhṛṅgājyaṃ samadhvājyaṃ śatābdakṛt /AP_285.019ab/
kaṭutumbītailanasyaṃ karṣaṃ śatadvayābdavān

triphalā pippalī śuṇṭhī sevitā triśatābdakṛt /AP_285.020ab/
śatāvaryāḥ pūrvayogaḥ sahasrāyurbalātikṛt

citrakena tathā purvas tathā śuṇṭhīviḍaṅgataḥ /AP_285.021ab/
lohena bhṛṅgarājena balayā nimbapañcakaiḥ

khadireṇa ca nirguṇḍyā kaṇṭakāryātha vāsakāt /AP_285.022ab/
varṣābhuvā tadrasair vā bhāvito vaṭikākṛtaḥ

cūrṇaṅghṛtair vā madhunā guḍādyair vāriṇā tathā /AP_285.023ab/
oṃ hrūṃ sa itimantreṇa mantrato yogarājakaḥ

mṛtasañjīvanīkalpo rogamṛtyuñjayo bhavet /AP_285.024ab/
surāsuraiś ca munibhiḥ sevitāḥ kalpasāgarāḥ
gajāyurvedaṃ provāca pālakāpye 'ṅgarājakaṃ