Agni Purana · Chapter 283

:e ity āgneye mahāpurāṇe nānārogaharāṇyauṣadhāni nāma
dvyaśītyadhikadviśatatamo 'dhyāyaḥ ||
:n
1 pañcaviśatiriti ña.. , ṭa.. ca
2 karpūrajahukātailamiti kha.. / karpūrajānukātailamiti ja..
:p 48
% chapter {283}
:ś atha tryaśītyadhikadviśatatamo 'dhyāyaḥ
mantrarūpauṣadhakathanaṃ
dhanvantarir uvāca
āyurārogyakartara oṃkāradyāś ca nākadāḥ /AP_283.001ab/
oṃkāraḥ paramo mantrastaṃ japtvā cāmaro bhavet

gāyatrī paramo mantrastaṃ japtvā bhuktimuktibhāk /AP_283.002ab/
oṃ namo nārāyaṇāya mantraḥ sarvārthasādhakaḥ

oṃ namo bhagavate vāsudevāya sarvadaḥ /AP_283.003ab/
oṃ hūṃ namo viṣṇave mantroyañcauṣadhaṃ paraṃ

anena devā hy asurāḥ saśriyo nirujo 'bhavat /AP_283.004ab/
bhūtānāmupakāraś ca tathā dharmo mahauṣadham

dharmaḥ saddharmakṛddharmī etair dharmaiś ca nirmalaḥ /AP_283.005ab/
śrīdaḥ śrīṣaḥ śrīnivāsaḥ śrīdharaḥśrīniketanaḥ

śriyaḥ patiḥ śrīparama etaiḥ śriyamavāpnuyāt /AP_283.006ab/
kāmī kāmapradaḥ kāmaḥ kāmapālas tathā hariḥ

ānando mādhavaś caiva nāma kāmāya vai hareḥ /AP_283.007ab/
rāmaḥ paraśurāmaś ca nṛsiṃho viṣṇureva ca

trivikramaś ca nāmāni japtavyāni jigīṣubhiḥ /AP_283.008ab/
vidyāmabhyasyatāṃ nityaṃ japtavyaḥ puruṣottamaḥ

dāmodaro bandhaharaḥ puṣkarākṣo 'kṣiroganut /AP_283.009ab/
hṛṣīkeśo bhayaharo japedauṣadhakarmaṇi

:p 49
acyutañcāmṛtaṃ mantraṃ saṅgrāme cāparājitaḥ /AP_283.010ab/
jalatāre nārasiṃhaṃ pūrvādau kṣemakāmavān

cakriṇaṅgadinañcaiva śārṅgiṇaṃ khaḍginaṃ smaret /AP_283.011ab/
nārāyaṇaṃ sarvakāle nṛsiṃho 'khilabhītinut

garuḍadhvajaś ca viṣahṛt vāsudevaṃ sadājapet /AP_283.012ab/
dhānyādisthāpane svapne anantācyutamīrayet

nārāyaṇañca duḥsvapne dāhādau jalaśāyinaṃ /AP_283.013ab/
hayagrīvañca vidyārthī jagatsūtiṃ sutāptaye /AP_283.013cd/
balabhadraṃ śaurakārye(1) ekaṃ nāmārthasādhakam(2)