Agni Purana · Chapter 274

śatajiddhaihayo reṇuhayo haya iti trayaḥ /AP_273.002ab/
dharmanetro haihayasya dharmanetrasya saṃhanaḥ

mahimā saṃhanasyāsīnmahimnao bhadrasenakaḥ /AP_274.003ab/
bhadrasenād durgamo 'bhūddurgamātkanako 'bhavat

kanakāt kṛtavīryastu kṛtāgniḥ karavīrakaḥ /AP_274.004ab/
kṛtaujāś ca caturtho 'bhūt kṛtavīryāttu so 'rjunaḥ

datto 'rjunāya tapate saptadvīpamahīśatām /AP_274.005ab/
dadau bāhusahasrañca ajeyatvaṃ raṇe 'riṇā

:p 14
adharme vartamānasya viṣṇuhastānmṛtirdhruvā /AP_274.006ab/
daśa yajñasahasrāṇi so 'rjunaḥ kṛtavānnṛpāḥ

anaṣṭadravyatā rāṣṭre tasya saṃsmaraṇādabhūt /AP_274.007ab/
na nūnaṃ kārttavīryasya gatiṃ yāsyanti vai nṛpaḥ

yajñair dānaistapobhiś ca vikrameṇa śrutena ca /AP_274.008ab/
kartavīryasya ca śataṃ putrāṇāṃ pañca vai parāḥ

sūrasenaś ca sūraś ca dhṛṣṭoktaḥ kṛṣṇa eva ca /AP_274.009ab/
jayadhvajaś ca nāmāsīdāvantyo nṛpatirmahān

jayadhvajāttālajaṅghastālajaṅghāttataḥ sutāḥ /AP_274.010ab/
haihayānāṃ kulāḥ pañca bhojāścāvantayas tathā

vītihotrāḥ svayaṃ jātāḥ śauṇḍikeyāstathaiva ca /AP_274.011ab/
vītihotrādananto 'bhudanantāddurjayo nṛpaḥ

kroṣṭorvaṃśaṃ pravakṣyāmi yatra jāto hariḥ svayam /AP_274.012ab/
kroṣṭostu vṛjinīvāṃś ca svāhābhūdvṛjinīvataḥ

svāhāputrao ruṣadguś ca(1) tasya citrarathaḥ sutaḥ /AP_274.013ab/
śaśavinduścitrarathāccakravartī harau rataḥ

śaśavindoś ca puttrāṇāṃ śatānāmabhavacchatam /AP_274.014ab/
dhīmatāṃ cārurūpāṇāṃ bhūridraviṇatejasām

pṛthuśravāḥ pradhāno 'bhūttasya putraḥ suyajñakaḥ /AP_274.015ab/
suyajñasyośanāḥ putrastitikṣuruśanaḥsutaḥ

titikṣostu marutto 'bhūttasmātkambalavarhiṣaḥ /AP_274.016ab/
pañcāśadrukmakavacādrukmeṣuḥ pṛthurukmakaḥ

:n
1 viṣāṃśuśceti ja..
:p 15
havirjyāmaghaḥ pāpaghno jyāmaghaḥ strījito 'bhavat /AP_274.017ab/
sevyāyāṃ jyāmaghādāsīdvidarbhastasya kauśikaḥ

lomapādaḥ krathaḥ śreṣṭhāt kṛtiḥ(1) syāllomapadataḥ /AP_274.018ab/
kauśikasya cidiḥ putrastasmāccaidyā nṛpāḥ smṛtāḥ

krathādvidarbhaputrāś ca kuntiḥ kuntestu dhṛṣṭakaḥ /AP_274.019ab/
dhṛṣṭasya nidhṛtistasya udarkākhyo vidūrathaḥ

daśārhaputro vyomastu vyomājjīmūta ucyate /AP_274.020ab/
jīmūtaputro vikalastasya bhīmarathaḥ sutaḥ

bhīmarathānnavarathastato dṛḍharatho 'bhavat /AP_274.021ab/
śakuntiś ca dṛḍharathāt śakunteś ca karambhakaḥ

karambhāddevalāto 'bhūt(2) devakṣetraś ca tatsutaḥ /AP_274.022ab/
devakṣetrānmadhurnāma madhordravaraso 'bhavat

dravarasāt puruhūto 'bhūjjanturāsīttu tatsutaḥ /AP_274.023ab/
guṇī tu yādavo rājā jantuputrastu sāttvataḥ

sāttvatādbhajamānastu vṛṣṇirandhaka eva ca /AP_274.024ab/
devāvṛdhaś ca catvārasteṣāṃ vaṃśāstu viśrutāḥ(3)

bhajamānasya vāhyo 'bhūdvṛṣṭiḥ kṛmirnimis tathā /AP_274.025ab/
devāvṛdhādvabhrurāsīttasya śloko 'tra gīyate

yathaiva śṛṇumo dūrāt guṇāṃstadvatsamantikāt /AP_274.026ab/
vabhruḥ śreṣṭho manuṣyāṇāṃ devair devāvṛdhaḥsamaḥ

catvāraś ca sutā vabhrorvāsudevaparā nṛpāḥ /AP_274.027ab/
:n
1 dhṛtiriti ña..
2 devarāto 'bhuditi kha.. , ga.. , gha.. , ja.. , ña.. , ṭa.. , ca
3 vistṛtā iti ka.. , cha.. , ca
:p 16
kuhuro bhajamānastu(1) śiniḥ kambalavarhiṣaḥ

kuhurasya(2) suto dhṛṣṇudhṛṣṇostu tanayo dhṛtiḥ /AP_274.028ab/
dhṛteḥ kapotaromābhūttasya putrastu tittiriḥ

tittirestu naraḥ putrastasya candanadundubhiḥ /AP_274.029ab/
punarvasustasya putra āhukaścāhukīsutaḥ

āhukāddevako jajñe ugrasenastato 'bhavat /AP_274.030ab/
devavānupadevaś ca devakasya sutāḥ smṛtāḥ

teṣāṃ svasāraḥ saptāsan vasudevāya tā dadau /AP_274.031ab/
devakī śrutadevī ca mitradevī yathodharā

śrīdevī satyadevī ca surāpī ceti saptamī /AP_274.032ab/
navograsenasya sutāḥ kaṃsasteṣāñca pūrvajaḥ

nyagrodhaś ca sunāmā ca kaṅkaḥ śaṅkuś ca bhūmipaḥ /AP_274.033ab/
sutanūrāṣṭrapālaś ca yuddhamuṣṭiḥ sumuṣṭikaḥ

bhajamānasya putro 'tha rathamukhyo vidūrathaḥ /AP_274.034ab/
rājādhidevaḥ śūraś ca vidūrathasuto 'bhavat

rājādhidevaputrau dvau śoṇāś caḥ śvetavāhanaḥ /AP_274.035ab/
śoṇāśvasya sutāḥ pañca śamī śatrujidādayaḥ(3)

śamīputraḥ pratikṣetraḥ pratikṣetrasya bhojakaḥ /AP_274.036ab/
bhojasya hṛdikaḥ putro hy adikasya daśātmajāḥ

kṛtavarmā śatadhanvā devārho bhīṣaṇādayaḥ /AP_274.037ab/
:n
1 kukuro bhajamānastviti ka.. / sundaro bhajamānastviti ja..
2 kukurasyeti ka..
3 śakrajidādaya iti kha..
:p 17
devārhāt kambalavarhirasamaujāstato 'bhavat

sudaṃṣṭraś ca suvāsaś ca dhṛṣṭo 'bhūdasamaujasaḥ /AP_274.038ab/
gāndhārī caiva mādrī ca dhṛṣṭabhārye babhūvatuḥ

sumitro 'bhūcca gāndhāryāṃ mādrī jajñe yudhājitam(1) /AP_274.039ab/
anamitraḥ śinirdhṛṣṭāttato vai devamīḍhuṣaḥ

anamitrasuto nighno nighnasyāpi prasenakaḥ /AP_274.040ab/
satrājitaḥ praseno 'tha maṇiṃ sūryātsyamantakam

prāpyāraṇye carantantu siṃho hatvāgrahīnmaṇiṃ /AP_274.041ab/
hato jāmbavatā siṃho jāmbavān hariṇā jitaḥ

tasmānmaṇiṃ jāmbavatīṃ prāpyāgāddārakāṃ purīm /AP_274.042ab/
satrājitāya pradadau śatadhanvā jaghāna tam

hatvā śatadhanuṃ kṛṣṇo maṇimādāya kīrtibhāk /AP_274.043ab/
balayādavamukhyāgre akrūrānmaṇimarpayet

mithyābhiśastiṃ kṛṣṇasya tyaktvā svargī ca sampaṭhan /AP_274.044ab/
satrājito bhaṅgakāraḥ satyabhāmā hareḥ priyā

anamitrācchinirjajñe satyakastu śineḥ sutaḥ /AP_274.045ab/
satyakātsātyakirjajñe yuyudhānāddhunirhyabhūt

dhuneryugandharaḥ putraḥ svāhyo 'bhut(2) sa yudhājitaḥ /AP_274.046ab/
ṛṣabhakṣetrakau tasya hy ṛṣabhācca svaphalkakaḥ

svaphalkaputro hy akrūro akūrācca sudhanvakaḥ /AP_274.047ab/
śūrāttu vasudevādyāḥ pṛthā pāṇḍoḥ priyābhavat

:n
1 sudhājitamiti kha.. , cha.. ca
2 svāndhobhūditi kha.. , cha.. ca / sākṣo 'bhūditi ja..
:p 18
dharmādyudhiṣṭhiraḥ pāṇḍorvāyoḥ kuntyāṃ vṛkodaraḥ /AP_274.048ab/
indrāddhanañjayo mādryāṃ nakulaḥ sahadevakaḥ

vasudevācca rohiṇyāṃ rāmaḥ sāraṇadurgamau /AP_274.049ab/
vasudevācca devakyāmādau jātaḥ susenakaḥ

kīrtimān bhadrasenaś ca jārukhyo viṣṇudāsakaḥ /AP_274.050ab/
bhadradehaḥ kaṃśa etān ṣaḍgarbhānnijaghāna ha

tato balastataḥ kṛṣṇaḥ subhadrā bhadrabhāṣiṇī /AP_274.051ab/
cārudeṣṇaś ca śāmbādyāḥ kṛṣṇājjāmbavatīsutāḥ