Agni Purana · Chapter 275

:e ity āgneye mahāpurāṇe yaduvaṃśavarṇanaṃ nāma
catuḥsaptatyadhikadviśatatamo 'dhyāyaḥ
% chapter {275}
:ś atha pañcasaptatyadhikadviśatatamo 'dhyāyaḥ
dvādaśasaṅgrāmāḥ
agnir uvāca
kaśyapo vasudevo 'bhūddevakī cāditirvarā /AP_275.001ab/
devakyāṃ vasudevāttu kṛṣṇo 'bhūttapasānvitaḥ

dharmasaṃrakṣaṇārthāya hy adharmaharaṇāya ca /AP_275.002ab/
surādeḥ pālanārthañca daityādermathanāya ca

rukmaṇī satyabhāmā ca satyā nagnajitī priyā /AP_275.003ab/
satyabhāmā hareḥ sevyā gāndhārī lakṣmaṇā tathā

mitravindā(1) ca kālindī devī jāmbavatī tathā /AP_275.004ab/
suśīlā ca tathā mādrī kauśalyā vijayā jayā

:n
1 citravindeti kha.. , cha.. ca
:p 19
evamādīni devīnāṃ sahasrāṇi tu ṣoḍaśa /AP_275.005ab/
pradyumnādyāś ca rukmiṇyāṃ bhīmādyāḥ satyabhāmayā

jāmbavatyāñca śāmbādyāḥ kṛṣṇasyāsaṃs tathāpare /AP_275.006ab/
śataṃ śatasahasrāṇāṃ putrāṇāṃ tasya dhīmataḥ

aśītiś ca sahasrāṇi yādavāḥ kṛṣṇarakṣitāḥ /AP_275.007ab/
pradyumnasya tu vaidarbhyāmaniruddho raṇapriyaḥ

aniruddhasya vajrādyā yādavāḥ sumahābalāḥ /AP_275.008ab/
tisraḥ koṭyo yādavānāṃ ṣaṣṭirlakṣāṇi dānavāḥ

manuṣye bādhakā ye tu tannāśāya babhūva saḥ /AP_275.009ab/
kartuṃ karmavyavasthānaṃ manuṣyo jāyate hariḥ

devāsurāṇāṃ saṅgrāmā dāyārthaṃ dvādaśābhavan /AP_275.010ab/
prathamo nārasiṃhastu dvitīyo vāmano raṇaḥ

saṅgrāmastvatha vārāhaś caturtho 'mṛtamanthanaḥ /AP_275.011ab/
tārakāmayasaṅgrāmaḥ ṣaṣṭho hy ājīvako raṇaḥ

traipuraścāndhakabadho navamo vṛtraghātakaḥ /AP_275.012ab/
jito hālāhalaścātha ghoraḥ kolāhalo raṇaḥ

hiraṇyakaśipoścoro vidārya ca nakhaiḥ purā /AP_275.013ab/
nārasiṃho devapālaḥ prahnādaṃ kṛtavān nṛpam

devāsure vāmanaś ca chalitvā balimūrjitam /AP_275.014ab/
mahendrāya dadau rājyaṃ kāśyapo 'ditisambhavaḥ

varāhastu hiraṇyākṣaṃ hatvā devānapālayat /AP_275.015ab/
ujjahāra bhuvaṃ devadevair abhiṣṭutaḥ

manthānaṃ mandaraṃ kṛtvā netraṃ kṛtvā tu vāsukim /AP_275.016ab/
:p 20
surāsuraiś ca mathitaṃ(1) devebhyaścāmṛtaṃ dadau

tārakāmayasaṅgrāme tadā devāś ca pālitāḥ /AP_275.017ab/
nivāryendraṃ gurūn devān dānavānsomavaṃśakṛtam

viśvāmitravaśiṣṭhātrikavayaś ca raṇe surān /AP_275.018ab/
apālayante nirvārya rāgadveṣādidānavān

pṛthvīrathe brahmayanturīśasya śaraṇo hariḥ /AP_275.019ab/
dadāha tripuraṃ devapālako daityamardanaḥ

gaurīṃ jihīrṣuṇā rudramandhakenārditaṃ hariḥ /AP_275.020ab/
anuraktaś ca revatyāṃ cakrecāndhāsurārdanam

apāṃ phenamayo bhūtvā devāsuraraṇe haran(2) /AP_275.021ab/
vṛtraṃ devaharaṃ viṣṇurdevadharmānapālayat

śālvādīn dānavān jitvā hariḥ paraśurāmakaḥ /AP_275.022ab/
apālayat surādīṃś ca duṣṭakṣatraṃ nihatya ca

hālāhalaṃ viṣaṃ daityaṃ nirākṛtya maheśvarāt /AP_275.023ab/
bhayaṃ nirṇāśayāmāsa devānāṃ madhusūdanaḥ

devāsure raṇe yaś ca daityaḥ kolāhalo jitaḥ /AP_275.024ab/
pālitāś ca surāḥ sarve viṣṇunā dharmapālanāt

rājāno rājaputrāś ca munayo devatā hariḥ /AP_275.025ab/
yaduktaṃ yacca naivoktamavatārā harerime