Agni Purana · Chapter 273

:e ity āgneye mahāpurāṇe suryavaṃśakīrtanaṃ nāma
dvisaptatyadhikadviśatatamo 'dhyāyaḥ
:n
1 sakarmābhūditi kha.. , cha.. , ca
:p 11
% chapter {273}
:ś atha trisaptatyadhikadviśatatamo 'dhyāyaḥ
somavaṃśavarṇanaṃ
agnir uvāca
somavaṃśaṃ pravakṣyāmi paṭhitaṃ pāpanāśanam /AP_273.001ab/
viṣṇunābhyabjajo brahmā brahmaputro 'triratritaḥ

somaś cakre rājasūyaṃ trailokyaṃ dakṣiṇāndadau /AP_273.002ab/
samāpte 'vabhṛthe somaṃ tadrūpālokanecchavaḥ

kāmavāṇābhitaptāṅgyo naradevyaḥ siṣevire /AP_273.003ab/
lakṣmīr narāyaṇaṃ tyaktvā sinīvālī ca kardamama

dyutiṃ vibhāvasuntyaktvā puṣṭirdhātāramavyayam /AP_273.004ab/
prabhā prabhākarantyaktvā haviṣmantaṃ kuhūḥ svayam

kīrtirjayantambhartāraṃ vasurmārīcakaśyayam /AP_273.005ab/
dhṛtistyaktvā patiṃ nandīṃ somamevābhajattadā

svakīyā iva somo 'pi kāmayāmāsa tāstadā /AP_273.006ab/
evaṃ kṛtāpacārasya tāsāṃ bhartṛgaṇastadā

na śaśākāpacārāya(1) śāpaiḥ śastrādibhiḥ punaḥ /AP_273.007ab/
saptalokaikanāthatvamavāptastapasā hy uta

vivabhrāma matistasya vinayādanayā hatā /AP_273.008ab/
vṛhaspateḥ sa vai bhāryāṃ tārāṃ nāma yaśasvinīm

jahāra tarasā somo hy avamanyāṅgiraḥsutam /AP_273.009ab/
tatastadyuddhamabhavat prakhyātaṃ tārakāmayam

:n
1 na śaśākāpakārāyeti ña..
:p 12
devānāṃ dānavānāñca lokakṣayakaraṃ mahat /AP_273.010ab/
brahmā nivāryośanasantārāmaṅgirase dadau

tāmantaḥprasavāṃ dṛṣṭvā garbhaṃ tyajābravīdguruḥ /AP_273.011ab/
garbhastyaktaḥ pradīpto 'tha prāhāhaṃ somasanbhavaḥ

evaṃ somādbudhaḥ puttraḥ puttrastasya purūravāḥ /AP_273.012ab/
svargantyaktvorvaśī sā taṃ varayāmāsa cāpsarāḥ

tayā sahācaradrājā daśavarṣāṇi pañca ca /AP_273.013ab/
pañca ṣaṭ sapta cāṣṭau ca daśa cāṣṭau mahāmune

eko 'gnirabhavat pūrvaṃ tena tretā pravartitā /AP_273.014ab/
purūravā yogaśīlo gāndharvalokamīyivān

āyurdṛ.ḍhāyuraśvāyurdhanāyurdhṛtimān vasuḥ /AP_273.015ab/
divijātaḥ śatāyuś ca suṣuve corvaśī nṛpān

āyuṣo nahuṣaḥ putro vṛddhaśarmā rajis tathā /AP_273.016ab/
darbho vipāpmā pañcāgnyaṃ(1) rajeḥ putraśataṃ hy abhūt

rājeyā iti vikhyātā viṣṇudattavaro rajiḥ /AP_273.017ab/
devāsure raṇe daityānabadhītsurayācitaḥ

gatāyendrāya putratvaṃ datvā rājyaṃ divaṅgataḥ /AP_273.018ab/
rajeḥ putrair hṛtaṃ rājyaṃ śakrasyātha sudurmanāḥ

grahaśāntyādividhinā gururindrāya taddadau /AP_273.019ab/
mohayitvā rajisutānāsaṃste nijadharmagāḥ

nahuṣasya sutāḥ sapta yatiryayātiruttamaḥ /AP_273.020ab/
udbhavaḥ pañcakaś caiva śaryātimeghapālakau

:n
1 pañcāgnyā iti ja.. / pañcāgnyamiti ña..
:p 13
yatiḥ kumārabhāve 'pi viṣṇuṃ dhyātvā hariṃ gataḥ /AP_273.021ab/
devayānī śakrakanyā yayāteḥ patny abhūt tadā

vṛṣaparvajā śarmiṣṭhā yayāteḥ pañca tatsutāḥ /AP_273.022ab/
yaduñca turvasuñcaiva devayānī vyajāyata

druhyañcānūñca pūruñca śarmiṣṭhā vārṣaparvaṇī /AP_273.023ab/
yaduḥ pūruścābhavatānteṣāṃ vaṃśavivardhanau

:e ity āgneye mahāpurāṇe somavaṃśavarṇanaṃ nama
trisaptatyadhikadviśatatamo 'dhyāyaḥ
% chapter {274}
atha catuḥsaptatyadhikadviśatatamo 'dhyāyaḥ
yaduvaṃśavarṇanaṃ
agnir uvāca
yadorāsanpañca putrā jyeṣṭhasteṣu sahasrajit /AP_274.001ab/
nīlāñjako radhuḥ kroṣṭuḥ śatajicca sahasrajit