Agni Purana · Chapter 272

ityagneye mahapuraṇe dānādimāhatmyaṃ nāmaika
saptatyadhikadviśatatamo 'dhyāyaḥ
% chapter {272}
:ś atha dvisaptatyadhikadviśatatamo 'dhyāyaḥ
sūryavaṃśakīrtanaṃ
agnir uvāca
sūryavaṃśaṃ somavaṃśaṃ rajñāṃ vaṃśaṃ vadami te /AP_272.001ab/
harerbrahmā padmago 'bhūnmarīcirbrahmaṇaḥ sutaḥ

marīceḥ kaśyapastasmādvivasvāṃstasya patnyapi /AP_272.002ab/
saṃjñā rājñī(1) prabhā tisro rājñī raivataputrikā

revantaṃ suṣuve putraṃ prabhātañca prabhā raveḥ /AP_272.003ab/
tvāṣṭrī saṃjñā manuṃ putraṃ yamalau yamunāṃ yamam

chāyā saṃjñā ca sāvarṇiṃ manuṃ vaivasvataṃ sutam /AP_272.004ab/
śaniñca tapatīṃ viṣṭiṃ saṃjñāyāñcāśvinau punaḥ

manorvaivasvatasyāsan putrā vai na ca tatsamāḥ /AP_272.005ab/
ikṣvākuś caiva nābhāgo dhṛṣṭaḥśaryātireva ca

nariṣyantas tathā prāṃśurnābhāgādiṣṭasattamāḥ /AP_272.006ab/
karuṣaś ca pṛṣadhraś ca ayodhyāyāṃ mahābalāḥ

kanyelā ca manorāsīdbudhāttasyāṃ purūravāḥ /AP_272.007ab/
purūravasamucpādya selā sudyumnatāṅgatā

:n
1 atra chāyetipāṭho yuktaḥ
:p 8
sudyumnādutkalagayau vinatāśvastrayo nṛpāḥ /AP_272.008ab/
utkalasyotkalaṃ rāṣṭraṃ vinatāśvasya paścimā

dik sarvā rājavaryasya gayasya tu gayāpurī /AP_272.009ab/
vaśiṣṭhavākyāt sudyumnaḥ pratiṣṭhānamavāpa ha

tat purūravase prādātsudyumno rājyamāpya tu /AP_272.010ab/
nariṣyataḥ śakāḥ putrā nābhāgasya ca vaiṣṇavaḥ

ambarīṣaḥ prajāpālo dhārṣṭakaṃ dhṛṣṭataḥ kulam /AP_272.011ab/
sukalpānartau śaryārtervairohyānartato nṛpaḥ

ānartaviṣayaścāsīt purī cāsīt kuśasthalī /AP_272.012ab/
revasya raivataḥ putraḥ kakudmī nāma dhārmikaḥ

jyeṣṭhaḥ putraśatasyāsīdrājyaṃ prāpya kuśasthalīm /AP_272.013ab/
sa kanyāsahitaḥ śrutvā gāndharvaṃ brahmaṇo 'ntike

muhūrtabhūtaṃ devasya martye bahuyugaṃ gatam /AP_272.014ab/
ājagāma javenātha svāṃ purīṃ yādavair vṛtām

kṛtāṃ dvāravatīṃ nāma bahudvārāṃ manoramām /AP_272.015ab/
bhojavṛṣṇyandhakair guptāṃ(?) vāsudevapurogamaiḥ

revatīṃ baladevāya dadau jñātvā hy aninditām /AP_272.016ab/
tapaḥ sumeruśikhare taptvā viṣṇvālayaṃ gataḥ

nābhāgasya ca putrau dvau vaiśyau brāhmaṇatāṃ gatau /AP_272.017ab/
karūṣasya tu kārūṣāḥ kṣatriyā yuddhadurmadāḥ

śūdratvañca pṛṣadhro 'gāddhiṃsayitvā guroś ca gām /AP_272.018ab/
manuputrādathekṣākorvikukṣirdevarāḍabhūt

vikukṣestu kakutstho 'bhūttasya putraḥ suyodhanaḥ /AP_272.019ab/
:p 9
tasya putraḥ pṛthur nāma viśvagaśvaḥ pṛthoḥ sutaḥ

āyustasya ca putro 'bhūdyuvanāśvas tathā sutaḥ /AP_272.020ab/
yuvanāśvācca śrāvantaḥ pūrve śrāvantikā purī

śrāvantād vṛhadaśvo 'bhūt kubalāśvastato nṛpaḥ /AP_272.021ab/
dhundhumāratvamagamaddhundhor nāmnā ca vai purā

dhundhumārāstrayo bhūpā dṛḍhāśvo daṇḍa eva ca /AP_272.022ab/
kapilo 'tha dṛḍhāśvāttu haryaśvaś ca pramodakaḥ

haryaśvācca nikumbho 'bhūt saṃhatāśvo nikumbhataḥ /AP_272.023ab/
akṛśāśvo raṇāśvaś ca saṃhatāśvasutāvubhau

yuvanāśvo raṇāśvasya māndhātā yuvanāśvataḥ /AP_272.024ab/
māndhātuḥ purukutso 'bhūnmucukundo dvitīyakaḥ

purukutsādasasyuś ca sambhūto narmadābhavaḥ /AP_272.025ab/
sambhūtasya sudhanvābhūttridhanvātha sudhanvanaḥ

tridhanvanastu taruṇastasya satyavrataḥ sutaḥ /AP_272.026ab/
satyavratātsatyaratho hariś candraś ca tatsutaḥ

hariś candrādrohitāśvo rohitāśvādvṛko 'bhavat /AP_272.027ab/
vṛkādvāhuś ca vāhoś ca sagarastasya ca priyā

prabhā ṣaṣṭisahasrāṇāṃ sutānāṃ jananī hy abhūt /AP_272.028ab/
tuṣṭādaurvānnṛpādekaṃ bhānumatyasamañjasam

khanantaḥ pṛthivīṃ dagdhā viṣṇunā(1) bahusāgarāḥ /AP_272.029ab/
asamañjaso 'ṃśrumāṃś ca dilīpo 'ṃśumato 'bhavat

bhagīratho dilīpāttu yena gaṅgāvatāritā /AP_272.030ab/
:n
1 munineti ja..
:p 10
bhagīrathāttu nābhāgo nābhāgādambarīṣakaḥ

sindhudvīpo 'mbarīṣāttu śrutāyustatsutaḥ smṛtaḥ /AP_272.031ab/
śrutāyorṛtaparṇo 'bhūttasya kalmāṣapādakaḥ

kalmāṣāṅghreḥ sarvakarmā(1) hy anaraṇyastato 'bhavat /AP_272.032ab/
anaraṇyāttu nighno 'tha anamitrastato raghuḥ

raghorabhuddilīpastu dilīpāccāpyajo nṛpaḥ /AP_272.033ab/
dīrghavāhurajāt kālastvajāpālastato 'bhavat

tatha daśaratho jātastasya putracatuṣṭayam /AP_272.034ab/
nārāyaṇātmakāḥ sarve rāmastasyāgrajo 'bhavat

rāvaṇāntakaro rājā hy ayodhyāyāṃ raghūttamaḥ /AP_272.035ab/
vālmīkiryasya caritaṃ cakre tannāradaśravāt

rāmaputrau kuśalavau sītāyāṃ kulavardhanau /AP_272.036ab/
atithiś ca kuśājjajñe niṣadhastasya cātmajaḥ

niṣadhāttu nalo jajñe nabho 'jāyata vai nalāt /AP_272.037ab/
nabhasaḥ puṇḍarīko 'bhūt sudhanvā ca tato 'bhavat

sudhanvano devānīko hy ahīnāśvaś ca tatsutaḥ /AP_272.038ab/
ahīnāśvāt sahasrāśvaś candrālokastato 'bhavat

candrāvalokatastārāpīḍo 'smāccandraparvataḥ /AP_272.039ab/
candragirerbhānurathaḥ śrutāyustasya cātmajaḥ /AP_272.039cd/
ikṣvākuvaṃśaprabhavāḥ sūryavaṃśadharāḥ smṛtāḥ