Agni Purana · Chapter 271

ityāgneye mahāpurāṇe vedaśākhādikīrtinaṃ nāma
saptatyadhikadviśatatamo 'dhyāyaḥ
% chapter {271}
:ś athaikasaptatyadhikadviśatatamo 'dhyāyaḥ
dānādimāhatmyaṃ
puṣkara uvāca
brahmaṇābhihitaṃ pūrvaṃ yāvanmātraṃ marīcaye /AP_271.001ab/
lakṣārdhāddhantu tadbrāhmaṃ likhitvā sampradāpayet

vaiśākhyāmpaurṇamāsyāñca svargārthī jaladhenumat /AP_271.002ab/
pādmaṃ dvādaśasāhasraṃ dyaiṣṭhe dadyācca dhenumat

varāhakalpavṛttāntamadhikṛtya parāśaraḥ /AP_271.003ab/
trayoviṃśatisāhasraṃ vaiṣṇavaṃ prāha cārpayet

jaladhenumadāṣāḍhyāṃ viṣṇoḥ padamavāpnuyāt /AP_271.004ab/
caturdaśasahasrāṇi vāyavīyaṃ haripriyaṃ

śvetakalpaprasaṅgena dharmān vāyurihābravīt /AP_271.005ab/
dadyāllikhitvā tadvipre śrāvaṇyāṃ guḍadhenumat

yatrādhikṛtya gāyatrīṃ kīrtyate dharmavistaraḥ /AP_271.006ab/
:p 5
vṛtrāsurabadhopetaṃ tadbhāgavatamucyate

sārasvatasta kalpasya proṣṭhapadyāntu taddadet /AP_271.007ab/
aṣṭādaśasahasrāṇi hemasiṃhasamanvitaṃ

yatrāha nārado dharmān vṛhatkalpāśritānihaṃ /AP_271.008ab/
pañcaviṃśasahasrāṇi nāradīyaṃ taducyate

sadhenuñcāśvine dadyātsiddhimātyantikīṃ labhet /AP_271.009ab/
yatrādhikṛtya śatrūnāndharmādharmavicāraṇā

kārttikyāṃ navasāhasraṃ mārkaṇḍeyamathārpayet /AP_271.010ab/
agninā yadvaśiṣṭhāya proktañcāgneyameva tat

likhitvā pustakaṃ dadyānmārgaśīrṣyāṃ sa sarvadaḥ /AP_271.011ab/
dvādaśaiva sahasrāṇi sarvavidyāvabodhanaṃ(1)

caturdaśasahasrāṇi bhaviṣyaṃ sūryasambhavaṃ /AP_271.012ab/
bhavastu manave prāha dadyāt pauṣyāṃ guḍādimat

sāvarṇinā nāradāya brahmavaivartamīritaṃ /AP_271.013ab/
rathāntarasya vṛttāntamaṣṭādaśasahasrakaṃ

māghyāndadyādvarāhasya caritaṃ brahmalokabhāk /AP_271.014ab/
yatragniliṅgamadhyastho dharmānprāha maheśvaraḥ

āgneyakalpe talliṅgamekādaśasahasrakam /AP_271.015ab/
taddatvā śivamāpnoti phālgunyāṃ tiladhenumat

caturdaśasahasrāṇi vārāhaṃ viṣṇuṇeritam /AP_271.016ab/
bhūmau varāhacaritaṃ mānavasya pravṛttitaḥ

sahemagaruḍañcaitryāṃ padamāpnoti vaiṣṇavam /AP_271.017ab/
:n
1 sarvavidyāvadhāraṇamiti ña ..
:p 6
caturaśītisāhasraṃ skāndaṃ skanderitaṃ mahat

adhikṛtya sadharmāṃś ca kalpe tatpuruṣe 'rpayet /AP_271.018ab/
vāmanaṃ daśasāhasraṃ dhaumakalpe hareḥ kathāṃ

dadyāt śaradi viṣuve dharmārthādinibodhanam /AP_271.019ab/
kūrmañcāṣṭasahasrañca kūrmoktañca rasātale

indradyumnaprasaṅgena dadyāttaddhemakūrmavat /AP_271.020ab/
trayodaśasahasrāṇi mātsyaṃ kalpādito 'bravīt

matsyo hi manave dadyādviṣuve hemamatsyavat /AP_271.021ab/
gāruḍañcāṣṭasāhasraṃ viṣṇūktantārkṣakalpake

viśvāṇḍādgaruḍotpattiṃ taddadyāddhemahaṃsavat /AP_271.022ab/
brahmā brahmāṇḍamāhātmyamadhikṛtyābrabīttu yat

tacca dvādaśasāhasraṃ brahmāṇḍaṃ taddvije 'rpayet /AP_271.023ab/
bhārate parvasamāptau vastragandhasragādibhiḥ

vācakaṃ pūjayedādau bhojayet pāyasair dvijān /AP_271.024ab/
gobhūgrāmasuvarṇādi dadyātparvaṇi parvaṇi

samāpte bhārate vipraṃ saṃhitāpustakānyajet /AP_271.025ab/
śubhe deśe niveśyātha kṣaumavastrādināvṛtān

naranārayaṇau pūjyau pustakāḥ kusumādibhiḥ /AP_271.026ab/
go 'nnabhūhema dadvātha bhojayitvā kṣamāpayet

mahādānāni deyāni ratnāni vividhāni ca /AP_271.027ab/
māsakau dvau trayaś caiva māse māse pradāpayet

ayanādau śrābakasya dānamādau vidhīyate /AP_271.028ab/
śrotṛbhiḥ sakalaiḥ kāryaṃ śrāvake pūjanaṃ dvija

:p 7
itihāsapurāṇānāṃ pustakāni prayacchati /AP_271.029ab/
pūjayitvāyurārogyaṃ svargamokṣamavāpnuyāt