Agni Purana · Chapter 270

:e ity āgneye mahāpurāṇe viṣṇupañjaraṃ
nāmonasapratyadhikadviśatatamo 'dhyāyaḥ
:p 2
% chapter {270}
:ś atha saptatyadhikadviśatatamo 'dhyāyaḥ
vedaśākhadikīrtanaṃ
puṣkara uvāca
sarvānugrāhakā mantrāś caturvargaprasādhakāḥ /AP_270.001ab/
ṛgatharva tathā sāma yajuḥ saṃkhyā tu lakṣakaṃ

bhedaḥ sāṅkhyāyanaś caika āśvalāyano dvitīyakaḥ /AP_270.002ab/
śatāni daśa mantrāṇāṃ brāhmaṇā dvisahasrakaṃ

ṛgvedo hi pramāṇena smṛto dvaipāyanādibhiḥ /AP_270.003ab/
ekonidvisahasrantu mantrāṇāṃ yajuṣas tathā

śatāni daśa viprāṇāṃ ṣaḍaśītiś ca śākhikāḥ /AP_270.004ab/
kāṇvamādhyandinī saṃjñā kaṭhī mādhyakaṭhī tathā

maitrāyaṇī ca saṃjñā ca taittirīyābhidhānikā /AP_270.005ab/
vaiśampāyaniketyādyāḥ śākhā yajuṣi saṃsthitāḥ

sāmnaḥ kauthumasaṃjñaikā dvitīyātharvaṇāyanī /AP_270.006ab/
gānānyapi ca catvāri veda āraṇyakantathā

ukthā ūhacaturthañca mantrā navasahasrakāḥ /AP_270.007ab/
sacatuḥśatakāś caiva brahmasaṅghaṭakāḥ smṛtāḥ

pañcaviṃśatirevātra sāmamānaṃ prakīrtitaṃ /AP_270.008ab/
sumanturjājaliś caiva ślokāyaniratharvake

śaunakaḥ pippalādaś ca muñjakeśādayo 'pare /AP_270.009ab/
mantrāṇāmayutaṃ ṣaṣṭiśatañcopaniṣacchataṃ

vyāsarūpī sa bhagavān śākhābhedadyakārayat /AP_270.010ab/
:p 3
śākhābhedādayo viṣṇuritihāsaḥ purāṇakaṃ

prāpya vyāsāt purāṇādi sūto vai lomaharṣaṇaḥ /AP_270.011ab/
sumatiścāgnivarcāś ca mitrayuḥśiṃśapāyanaḥ

kṛtavratotha sāvarṇiḥ ṣaṭśiṣyāstasya cābhavan /AP_270.012ab/
śāṃśapāyanādayaś cakruḥ(1) purāṇānāntu saṃhitāḥ

brāhmādīni purāṇāni harividyā daśāṣṭa ca /AP_270.013ab/
mahāpurāṇe hy āgneye vidyārūpo hariḥ sthitaḥ

saprapañco niṣprapañco mūrtāmūrtasvarūpadhṛk /AP_270.014ab/
taṃ jñātvābhyarcya saṃstūya bhuktimuktimavāpnuyāt

viṣṇurjiṣṇurbhaviṣṇuś ca agnisūryādirūpavān /AP_270.015ab/
agnirūpeṇa devādermukhaṃ viṣṇuḥ parā gatiḥ

vedeṣu sapurāṇeṣu yajñamūrtiś ca gīyate /AP_270.016ab/
āgneyākhyaṃ purāṇantu rūpaṃ viṣṇormahattaraṃ

āgneyākhyapurāṇasya kartā śrotā janārdanaḥ /AP_270.017ab/
tasmātpurāṇamāgneyaṃ sarvavedamayaṃ mahat

sarvavidyāmayaṃ puṇyaṃ sarvajñānamayaṃ varam(2) /AP_270.018ab/
sarvātma harirūpaṃ hi paṭhatāṃ śṛṇvatāṃ nṛṇāṃ

vidyārthināñca vidyādamarthināṃ śrīdhanapradam(3) /AP_270.019ab/
rājyārthināṃ rājyadañca dharmadaṃ dharmakāminām

svargārthināṃ svargadañca putradaṃ putrakāmināṃ /AP_270.020ab/
gavādikāmināṅgodaṃ grāmadaṃ grāmakāmināṃ

:n
1 śiṃśapāyanādayaś cakruriti kha ..
2 paramiti ña ..
3 śrībalapradamiti ña ..
:p 4
kāmārthināṃ kāmadañca sarvasaubhāgyasampradam /AP_270.021ab/
guṇakīrtipradannṝṇāṃ jayadañjayakāminām

sarvepsūnāṃ sarvadantu muktidaṃ muktikāmināṃ /AP_270.022ab/
pāpaghnaṃ pāpakartṝṇāmāgneyaṃ hi purāṇakam