Agni Purana · Chapter 269

:e ity āgneye mahāpurāṇe chatrādimantrādayaḥ
nāmāṣṭaṣaṣṭhyadhikadviśatatamo 'dhyāyaḥ ||
:p 481
agnipurāṇam
maharṣiśrīmadvedavyāsena praṇītam
śrīlaśrī vaṅgadeśīyāsiyātik-samājānujñayā
śrīrājendralālamitreṇa pariśodhitam
kalikātārājadhānyāṃ gaṇeśayantre mudritañca
saṃvat 1933
agnipurāṇam
% chapter {269}
:ś athonasaptatyadhikadviśatatamo 'dhyāyaḥ
viṣṇupañjaraṃ
puṣkara uvaca
tripurañjaghnuṣaḥ pūrvaṃ brahmaṇā viṣṇupañjaraṃ /AP_269.001ab/
śaṅkarasya dvijaśreṣtha rakṣaṇāya nirūpitaṃ

vāgīśena ca śakrasya balaṃ hantuṃ prayāsyataḥ /AP_269.002ab/
tasya svarūpaṃ vakṣyāmi tattvaṃ śṛṇu jayādimat

viṣṇuḥ prācyāṃ sthitaś cakrī harirdakṣinaṇato gadī /AP_269.003ab/
pratīcyāṃ śārṅgadhṛgviṣṇurjiṣṇuḥ khaḍgī mamottare

hṛṣīkeśo vikoṇeṣu tacchidreṣu janārdanaḥ /AP_269.004ab/
kroḍarūpī harirbhūmau narasiṃho 'mbare mama

kṣurāntamamalañcakraṃ bhramatyetat sudarśanaṃ /AP_269.005ab/
asyāṃśumālā duṣprekṣyā hantuṃ pretaniśācarān

gadā ceyaṃ sahasrārciḥpradīptapāvakojjvalā /AP_269.006ab/
rakṣobhūtapiśācānāṃ ḍākinīnāñca nāśanī

śārṅgavisphūrjitañcaiva vāsudevasya madripūn /AP_269.007ab/
tiryaṅmanuṣyakuṣmāṇḍapretādīn hantvaśeṣataḥ

:p 1
khaḍgadhārojjvalajjo 'tsnānirdhūtā ye samāhitāḥ /AP_269.008ab/
te yāntu śāmyatāṃ sadyo garuḍeneva pannagāḥ

ye kuṣmāṇḍāsthā yakṣā ye daityā ye niśācarāḥ /AP_269.009ab/
pretā vināyakāḥ krūrā manuṣyā jambhagāḥ khagāḥ

siṃhādayaś ca paśavo dandaśūkāś ca pannagāḥ /AP_269.010ab/
sarve bhavantu te saumyāḥ kṛṣṇaśaṅkharavāhatāḥ

cittavṛttiharā ye me ye janāḥ smṛtihārakāḥ /AP_269.011ab/
balaujasañca hartāraśchāyāvibhraṃśakāś ca ye

ye copabhogahartāro ye ca lakṣaṇanāśakāḥ /AP_269.012ab/
kuṣmāṇḍāste praṇaśyantu viṣṇucakraravāhatāḥ

buddhisvāsthyaṃ manaḥsvāsthyaṃ svāsthyamaindriyakaṃ tathā /AP_269.013ab/
mamāstu devadevasya vāsudevasya kīrtanāt

pṛṣṭhe purastānmama dakṣiṇottare vikoṇataścāstu janārdanohariḥ /AP_269.014ab/
tamīḍyamīśānamanantamacyutaṃ janārdanaṃ praṇipatito na sīdati

yathā paraṃ brahma haris tathā paraḥ jagatsvarūpaś ca sa eva keśavaḥ /AP_269.015ab/
satyena tenācyutanāmakīrtanāt praṇāśayettu trividhaṃmamāśubhaṃ