Agni Purana · Chapter 268

:e ity āgneye mahāpurāṇe nīrājanāvidhirnāma
saptaṣaṣṭyadhikadviśatatamo 'dhyāyaḥ ||
:n
1 viśākhāntviti ka.. , cha.. ca
:p 477
% Chapter {268}
:ś athāṣṭaṣaṣṭyadhikadviśatatamo 'dhyāyaḥ
chatrādimantrādayaḥ
puṣkara uvāca
chatrādimantrānvakṣyāmi yaistat pūjya jayādikam /AP_268.001ab/
brahmaṇaḥ satyavākyena somasya varuṇasya ca

sūryasya ca prabhāvena vardhasva tvaṃ mahāmate /AP_268.002ab/
pāṇḍarābhapratīkāśa himakundendusuprabha

yathāmbudaśchādayate śivāyaināṃ vasundharāṃ /AP_268.003ab/
tathācchādaya rājānaṃ vijayārogyavṛddhaye

gandharvakulajātastvaṃ mābhūyāḥ kuladūṣakaḥ /AP_268.004ab/
brahmaṇaḥ satyavākyena somasya varuṇasya ca

prabhāvācca hutāśasya vardhasva tvaṃ turaṅgama /AP_268.005ab/
tejasā caiva sūryasya munīnāṃ tapasā tathā

rudrasya brahmacaryeṇa pavanasya balena ca /AP_268.006ab/
smara tvaṃ rājaputro 'si kaustubhantu maṇiṃ smara

yāṃ gatiṃ brahmahā gacchet pitṛhā mātṛhā tathā /AP_268.007ab/
bhūmyarthe 'nṛtavādī ca kṣatriyaś ca parāṅmukhaḥ

vrajestvantāṃ gatiṃ kṣipraṃ mā tat pāpaṃ bhavettava /AP_268.008ab/
vikṛtiṃ māpagacchestvaṃ yuddhe 'dhvani turaṅgama

ripūn vinighnansamare saha bhartrā sukhī bhava /AP_268.009ab/
śakraketo mahāvīryaḥ suvarṇastvāmupāśritaḥ

patatrirāḍvainateyas tathā nārāyaṇadhvajaḥ /AP_268.010ab/
:p 478
kāśyapeyo 'mṛtāhartā nāgārirviṣṇuvāhanaḥ

aprameyo durādharṣo raṇe devārisūdanaḥ /AP_268.011ab/
mahābalo māvego mahākāyo 'mṛtāśanaḥ

garutmānmārutagatistvayi sannihitaḥ sthitaḥ /AP_268.012ab/
viṣṇunā devadevena śakrārthaṃ sthāpito hy asi

jayāya bhava me nityaṃ vṛddhaye 'tha balasya ca /AP_268.013ab/
sāśvavarmāyudhānyodhānrakṣāsmākaṃ ripūndaha

kumudairāvaṇau padmaḥ puṣpadanto 'tha vāmanaḥ /AP_268.014ab/
supratīko 'ñjano nīla ete 'ṣṭau devayonayaḥ

teṣāṃ putrāś ca pautrāś ca balānyaṣṭau samāśritāḥ /AP_268.015ab/
bhadro mando mṛgaś caiva gajaḥ saṃkīrṇa eva ca

vane vane prasūtāste smarayoniṃ mahāgajāḥ /AP_268.016ab/
pāntu tvāṃ vasavo rudrā ādityāḥ samarudgaṇāḥ

bhartāraṃ rakṣa nāgendra samayaḥ paripālyatāṃ /AP_268.017ab/
airāvatādhirūḍhastu vajrahastaḥ śatakratuḥ

pṛṣṭhato 'nugatastveṣa rakṣatu tvāṃ sa devarāṭ /AP_268.018ab/
avāpnuhi jayaṃ yuddhe susthaś caiva sadā vraja

avāpnuhi balañcaiva airāvatasamaṃ yudhi /AP_268.019ab/
śrīste somādbalaṃ viṣṇostejaḥ sūryājjavo 'nilāt

sthairyaṃ girerjayaṃ rudrādyaśo devāt purandarāt /AP_268.020ab/
yuddhe rakṣantu nāgāstvāṃ diśaś ca saha daivataiḥ

aśvinau saha gandharvaiḥ pāntu tvāṃ sarvato diśaḥ /AP_268.021ab/
manvo vasavo rudrā vāyuḥ somo maharṣayaḥ

:p 479
nāgakinnaragandharvayakṣabhūtagaṇā grahāḥ /AP_268.022ab/
pramathāstu sahādityair bhūteśo mātṛbhiḥ saha

śakraḥ senāpatiḥ skando varuṇaścāśritastvayi /AP_268.023ab/
pradahantu ripūn sarvān rājā vijayamṛcchatu

yāni prayuktānyaribhirbhūṣaṇāni samantataḥ /AP_268.024ab/
patantu tava śatrūṇāṃ hatāni tava tejasā

kālanemibadhe yadvat yuddhe tripuraghātane /AP_268.025ab/
hiraṇyakaśiporyuddhe badhe sarvāsureṣu ca

śobhitāsi tathaivādya śobhasva samayaṃ smara /AP_268.026ab/
nīlasvetāmimāndṛṣṭvā naśyantvāśu nṛpārayaḥ

vyādhibhirvividhair ghoraiḥ śastraiś ca yudhi nirjitāḥ /AP_268.027ab/
pūtanā revatī lekhā kālarātrīti paṭhyate

dahantvāśu ripūn sarvānpatāke tvāmupāśritāḥ /AP_268.028ab/
sarvamedhe mahāyajñe devadevena śūlinā

śarveṇa jagataś caiva sāreṇa tvaṃ vinirmitaḥ /AP_268.029ab/
nandakasyāparāṃ mūrtiṃ smara śatrunivarhaṇa

nīlotpaladalaśyāma kṛṣṇa duḥsvapnanāśana /AP_268.030ab/
asirviśasanaḥ khaḍgastīkṣṇadhāro durāsadaḥ

augarbho vijayaś caiva dharmapālastathaiva ca /AP_268.031ab/
ityaṣṭau tava nāmāni puroktāni svayambhuvā

nakṣatraṃ kṛttikā tubhyaṃ gururdevo maheśvaraḥ /AP_268.032ab/
hiraṇyañca śarīrante daivatante janārdanaḥ

rājānaṃ rakṣa nistriṃśa sabalaṃ sapurantathā /AP_268.033ab/
:p 480
pitā pitāmaho devaḥ sa tvaṃ pālaya sarvadā

śarmapradastvaṃ samare varman sainye yaśo 'dya me /AP_268.034ab/
rakṣa māṃ rakṣaṇīyo 'hantavānagha namo 'stu te

dundubhe tvaṃ sapatnānāṃ ghoṣāddhṛdayakampanaḥ /AP_268.035ab/
bhava bhūmisainyānāṃ yathā vijayavardhanaḥ

yathā jīmūtaghoṣeṇa hṛṣyanti varavāraṇāḥ /AP_268.036ab/
tathāstu tava śabdena harṣo 'smākaṃ mudāvaha

yathā jīmūtaśabdena strīṇāṃ trāso 'bhijāyate /AP_268.037ab/
tathā tu tava śabdena trasyantvasmaddviṣo raṇe

mantraiḥ sadārcanīyāste yojanīyā jayādiṣu /AP_268.038ab/
ghṛtakambalaviṣṇādestvabhiṣekañca vatsare

rājño 'bhiṣekaḥ kartavyo daivajñena purodhasā //39