Agni Purana · Chapter 266

:e ity āgneye mahāpurāṇe vināyakasnānaṃ nāma
pañcaṣaṣṭyadhikadviśatatamo 'dhyāyaḥ ||
:n
1 vaṣaṭkārasamanvitair iti gha.. , ja.. , ña.. , ṭa.. ca
:p 471
% Chapter {266}
:ś atha ṣaṭṣaṣṭhyadhikadviśatatamo 'dhyāyaḥ
māheśvarasnānalakṣakoṭihomādayaḥ
puṣkara uvāca
snānaṃ māheśvaraṃ vakṣye rājāderjayavardhanam /AP_266.001ab/
dānavendrāya balaye yajjagādośanāḥ purā

bhāskare 'nudite pīṭhe prātaḥ saṃsnāpayed ghaṭaiḥ /AP_266.002ab/
oṃ namo bhagavate rudrāya ca balāya ca
pāṇḍarocitabhasmānuliptagātrāya / tadyathā jaya jaya sarvān
śatrūnmūkasya kalahavigrahavivādeṣu bhañjaya / oṃ matha matha
sarvapathikānyosau yugāntakāle didhakṣati imāṃ pūjāṃ
raudramūrtiḥ sahasrāṃśuḥ śukraḥ sa te rakṣatu jīvitaṃ /
sambartakāgnitulyaś ca tripurāntakaraḥ śivaḥ / sarvadevamayaḥ sopi
tava rakṣatu jīvitaṃ likhi likhi khili svāhā ||
evaṃ snatastu mantreṇa juhuyāttilataṇḍulam

pañcāmṛtaistu saṃsnāpya pūjayecchūlapāṇinaṃ /AP_266.003ab/
snānānyanyāni vakṣyāmi sarvadā vijayāya te

snānaṃ ghṛtena kathitamāyuṣyavardhanaṃ param /AP_266.004ab/
gomayena ca lakṣmīḥ syādgomūtreṇāghamardanam

kṣīreṇa balabuddhiḥ syāddadhnā lakṣmīvivardhanaṃ /AP_266.005ab/
kuśodakena pāpāntaḥ pañcagavyena sarvabhāk

śatamūlena sarvāptirgośṛṅgodakato 'ghajit /AP_266.006ab/
:p 472
palāśabilvakamalakuśasnānantu sarvadaṃ

vacā haridre dve mustaṃ snānaṃ rakṣohaṇaṃ paraṃ /AP_266.007ab/
āyuṣyañca yaśasyañca dharmamedhāvivardhanam

haimādbhiś caiva māṅgalyaṃ rūpyatāmrodakais tathā /AP_266.008ab/
ratnodakaistu vijayaḥ saubhāgyaṃ sarvagandhakaiḥ

phalādbhiś ca tathārogyaṃ dhātryadbhiḥ paramāṃ śriyam /AP_266.009ab/
tilasiddhārthakair lakṣmīḥ saubhāgyañca priyaṅguṇā

padmotpalakadambaiś ca śrīrbalaṃ balādrumodakaiḥ /AP_266.010ab/
viṣṇupādodakasnānaṃ sarvasnānebhya uttamam

ekākī ekakāmāyetyekorkaṃ(1) vidhivaccaret /AP_266.011ab/
akrandayatisūktena prabadhnīyānmaṇiṃ kare

kuṣṭhapāṭhā vācā śuṇṭhī śaṅkhalohādiko maṇiḥ /AP_266.012ab/
sarveṣāmevakāmānāmīśvaro bhagavān hariḥ

tasya saṃpūjanādeva sarvānkāmānsamaśnute /AP_266.013ab/
snāpayitvā ghṛtakṣīraiḥ pūjayitvā ca pittahā

pañcamudgabalindatvā atisārāt pramucyate /AP_266.014ab/
pañcagavyena saṃsnāpya vātavyādhiṃ vināśayet

dvisnehasnapanāt śleṣmarogahā cātipūjayā /AP_266.015ab/
ghṛtaṃ tailaṃ tathā kṣaudraṃ snānantu trirasaṃ paraṃ

snānaṃ ghṛtāmbu dvisnehaṃ samalaṃ ghṛtatailakam /AP_266.016ab/
kṣaudramikṣurasaṃ kṣīraṃ snānaṃ trimadhuraṃ smṛtam

ghṛtamiśurasaṃ tailaṃ kṣaudrañca trirasaṃ śriye /AP_266.017ab/
:n
1 yavakāmāyetyekorkamiti ka.. , cha.. ca
:p 473
anulepastriśukrastu karpūrośīracandanaiḥ

candanāgurukarpūramṛgadarpaiḥ sakuṅkumaiḥ /AP_266.018ab/
pañcānulepanaṃ viṣṇoḥ sarvakāmaphalapradaṃ

trisugandhañca karpūraṃ tathā candanakuṅkumaiḥ /AP_266.019ab/
mṛgadarpaṃ sakarpūraṃ malayaṃ sarvakāmadam

jātīphalaṃ sakarpūraṃ candanañca triśītakam /AP_266.020ab/
pītāni śuklavarṇāni tathā śuklāni bhārgava

kṛṣṇāni caiva raktāni pañcavarṇāni nirdiśet /AP_266.021ab/
utpalaṃ padmajātī ca triśītaṃ haripūjane

kuṅkumaṃ raktapadmāni triraktamutpalaṃ /AP_266.022ab/
dhūpadīpādibhiḥ prārcya viṣṇuṃ śāntirbhavennṛṇāṃ

caturasrakare kuṇḍe brāhmaṇāścāṣṭa śoḍaśa /AP_266.023ab/
lakṣahomaṅkoṭihomantilājyayavadhānyakaiḥ

grahānabhyarcya gāyatryā sarvaśāntiḥ kramādbhavet