Agni Purana · Chapter 265

:e ity āgneye mahāpurāṇe dikpālādisnānaṃ nāma
catuḥṣaṣṭhyadhikadviśatatamo 'dhyāyaḥ ||
% Chapter {265}
:ś atha pañcaṣaṣṭyadhikadviśatatamo 'dhyāyaḥ
vināyakasnānaṃ
puṣkara uvāca
vināyakopasṛṣṭānāṃ snānaṃ sarvakaraṃ vade /AP_265.001ab/
vināyakaḥ karmavighnasiddhyarthaṃ viniyojitaḥ

gaṇānāmādhipatye ca keśaveśapitāmahaiḥ /AP_265.002ab/
svapnevagāhate 'tyarthaṃ jalaṃ muṇḍāṃś ca paśyati

:p 469
vināyakopasṛṣṭastu kravyādānadhirohati /AP_265.003ab/
vrajamānas tathātmānaṃ manyate 'nugatamparaiḥ

vimanā viphalārambhaḥ saṃsīdatyanimittataḥ /AP_265.004ab/
kanyā varaṃ na cāpnoti na cāpatyaṃ varāṅganā

ācāryatvaṃ śrotriyaś ca na śiṣyo 'dhyayanaṃ labhet /AP_265.005ab/
dhanī na lābhamāpnoti na kṛṣiñca kṛṣībalaḥ

rājā rājyaṃ na cāpnoti snapanantasya kārayet /AP_265.006ab/
hastapuṣyāśvayuksaumye vaiṣṇave bhadrapīṭhake(1)

gaurasarṣapakalkena sājyenotsāditasya ca(2) /AP_265.007ab/
sarvauṣadhaiḥ sarvagandhaiḥ praliptaśirasas tathā

caturbhiḥ kalasaiḥ snānanteṣu sarvauṣādhau kṣipet /AP_265.008ab/
aśvasthānādgajasthānādvalmīkāt saṅgamāddhradāt

mṛttikāṃ rocanāṅgandhaṅguggulunteṣu nikṣipet /AP_265.009ab/
sahasrākṣaṃ śatadhāramṛṣibhiḥ pāvanaṃ kṛtam

tena tvāmabhiṣiñcāmi pāvamānyaḥ(3) punantu te /AP_265.010ab/
bhagavante varuṇo rājā bhagaṃ sūryo vṛhaspatiḥ

bhagamindraś ca vāyuś ca bhagaṃ saptarṣayo daduḥ /AP_265.011ab/
yatte keśeṣu daurbhāgyaṃ sīmante yacca mūrdhani

lalāṭe karṇayorakṣṇorāpastadghnantu sarvadā /AP_265.012ab/
darbhapiñjalimādāya vāmahaste tato guruḥ

:n
1 hastapuṣyāśvayuksaumyavaiṣṇaveṣu śubheṣu ceti gha.. , ña..
ca
2 sājyenāsāditasya ceti ka.. , cha.. ca
3 imā āpa iti cha.. , ña..
:p 470
snātasya sārṣapantailaṃ śruveṇauḍumbareṇa ca /AP_265.013ab/
juhuyānmūrdhani kuśān savyena parigṛhya ca

mitaś ca sammitaś caiva tathā śālakakaṇṭakau /AP_265.014ab/
kuṣmāṇḍo rājaputraś ca etaiḥ svāhāsamanvitaiḥ

nāmabhirbalimantraiś ca namaskārasamanvitaiḥ(1) /AP_265.015ab/
dadyāccatuṣpathe śūrpe kuśānāstīrya sarvataḥ

kṛtākṛtāṃstaṇḍulāṃś ca palalaudanameva ca /AP_265.016ab/
matsyānpaṅkāṃstathaivāmān puṣpaṃ citraṃ surāṃ tridhā

mūlakaṃ pūrikāṃ pūpāṃstathaivaiṇḍavikāsrajaḥ /AP_265.017ab/
dadhyannaṃ pāyasaṃ piṣṭaṃ modakaṃ guḍamarpayet

vināyakasya jananīmupatiṣṭhettato 'mbikāṃ /AP_265.018ab/
dūrvāsarṣapapuṣpāṇāṃ datvārghyaṃ pūrṇamañjaliṃ

rūpaṃ dehi yaśo dehi saubhāgyaṃ subhage mama /AP_265.019ab/
putraṃ dehi dhanaṃ dehi sarvān kāmāṃś ca dehi me

bhojayedbrāhmaṇāndadyādvastrayugmaṃ gurorapi /AP_265.020ab/
vināyakaṃ grahānprārcya śriyaṃ karmaphalaṃ labhet