Agni Purana · Chapter 26

:e ity ādimahāpurāṇe āgneye mantrapradarśanaṃ nāma pañcaviṃśo
'dhyāyaḥ
% Chapter {26}
:ś atha ṣaḍviṃśo 'dhyāyaḥ
mudrālakṣaṇakathanaṃ
nārada uvāca
mudrāṇāṃ lakṣaṇaṃ vakṣye sānnidhyādiprakārakaṃ /AP_26.001ab/
añjaliḥ prathamā mudrā vandanī hṛdayānugā

ūrdhvāṅguṣṭhovāmamuṣṭirdakṣiṇāṅguṣṭhabandhanaṃ /AP_26.002ab/
savyasya tasya cāṅguṣṭho yasya cordhve prakīrtitaḥ(3)

tisraḥ sādharaṇā vyūhe athāsādharaṇā imāḥ /AP_26.003ab/
kaniṣṭhādivimokena aṣṭo mudrā yathākramaṃ

aṣṭānāṃ pūrvavījānāṃ kramaśastvavadhārayet /AP_26.004ab/
aṅguṣṭhena kaniṣṭāntaṃ namayitvāṅgulitrayaṃ

ūrdhvaṃ kṛtvā sammukhañca vījāya navamāya vai /AP_26.005ab/
vāmahastamathottānaṃ kṛtvārdhaṃ nāmayecchanaiḥ

:n
1 sarvasiddhyai iti kha, ṅa, cihnitapustakadvayapāṭhaḥ
2 vairājaṃ nāgasaṃyutamiti kha, cihnitapustakapāṭḥaḥ / yau
vījaṃ cāṅgasaṃyutamiti ṅa, cihnitapustakapāṭhaḥ
3 yaḥ savyerdhe prakīrtita iti kha, cihnitapustakapāṭhaḥ
:p 70
varāhasya smṛtā mudrā aṅganāñca kramādimāḥ /AP_26.006ab/
ekaikāṃ mocayedbaddhvā vāmamuṣṭo tathāgulīṃ

ākuñcayet pūrvamudrāṃ dakṣiṇepyevameva ca /AP_26.007ab/
ūrdhvāṅguṣṭho vāmamuṣṭhirmudrāsiddhistato bhavet