Agni Purana · Chapter 258

:e ity āgneye mahāpurāṇe vākpāruṣyādiprakaraṇaṃ nāma
saptapañcāśadadhikadviśatatmo 'dhyāyaḥ ||
:p 437
% Chapter {258}
:ś athāṣṭapañcāśadadhikadviśatatamo 'dhyāyaḥ
ṛgvidhānaṃ
agnir uvāca
ṛgyajuḥsāmātharvavidhānaṃ puṣkaroditam /AP_258.001ab/
bhuktimuktikaraṃ japyāddhomādrāmāya tadvade

puṣkara uvāca
prativedantu karmāṇi kāryāṇi pravadāmi te /AP_258.002ab/
prathamaṃ ṛgvidhānaṃ vai śṛṇu tvaṃ bhuktimuktidam

antarjale tathā home japatī manasepsitam /AP_258.003ab/
kāmaṃ karoti gāyatrī prāṇāyāmādviśeṣataḥ

gāyatryā daśasāhasro japo naktāśano dvija /AP_258.004ab/
bahusnātasya tatraiva sarvakalmaṣanāśanaḥ

daśāyutāni japtvātha haviṣyāśī sa muktibhāk /AP_258.005ab/
praṇavo hi paraṃ brahma tajjapaḥ sarvapāpahā

oṃkāraśatajaptantu nābhimātrodake sthitaḥ /AP_258.006ab/
jalaṃ pivet sa sarvaistu pāpair vai(1) vipramucyate

mātrātrayaṃ trayo vedāstrayo devāstrayo 'gnayaḥ /AP_258.007ab/
mahāvyāhṛtayaḥ sapta lokā homo 'khilāghahā

gāyatrī paramā jāpyā mahāvyāhṛtayas tathā /AP_258.008ab/
antarjale tathā rāma proktaś caivāghamarṣaṇaḥ

agnimīle purohitaṃ sūtko 'yaṃ vahnidaivataḥ /AP_258.009ab/
:n
1 pāpair hi vipramucyata iti ga.. , gha.. , ña.. ca
:p 438
śirasā dhārayan vahniṃ yo japetparivatsaram

homaṃ triṣavaṇaṃ bhaikṣyamanagnijvalanañcaret /AP_258.010ab/
ataḥ paramṛcaḥ sapta vāyvādyā yāḥ prakīrtitāḥ

tā japan prayato nityamiṣṭān kāmān samaśnute /AP_258.011ab/
medhākāmo japennityaṃ sadasanyamiti tyacam

anvayo yannimāḥ proktāḥ navarco mṛtyunāśanāḥ /AP_258.012ab/
śunaḥśephamṛṣiṃ baddhaḥ sanniruddho 'tha vā(1) japet

mucyate sarvapāpebhyo gadī vāpyagado bhavet /AP_258.013ab/
ya icchecchāśvataṃ kāmaṃ mitraṃ prājñaṃ purandaraṃ

ṛgbhiḥ ṣoḍśabhiḥ kuryādindriyasyeti dine dine /AP_258.014ab/
hiraṇyastūpamityetajjapan śatrūn prabādhate

kṣemī bhavati cādhvāno ye te panthā japan naraḥ /AP_258.015ab/
raudrībhiḥṣaḍbhirīśānaṃ stūyādyo vai dine dine

caruṃ vā kalpayedraudraṃ tasya śāntiḥ parā bhavet /AP_258.016ab/
udityudantamādityamupatiṣṭhan dine dine

kṣipejjalāñjalīn sapta manoduḥkhavināśanaṃ /AP_258.017ab/
dviṣantamityathārdharcaṃ yadviprāntaṃ japan smaret

āgaskṛt saptarātreṇa vidveṣamadhigacchati /AP_258.018ab/
ārogyakāmī rogī vā praskannasyottamaṃ japet

uttamastasya cārdharco japedvai vividhāsane /AP_258.019ab/
udayatyāyurakṣyayyaṃ tejo madhyandine japet

:n
1 sannibaddho 'theti ka.. , kha.. , ja.. ca
:p 439
astaṃ pratigate sūrye dviṣantaṃ pratibādhate /AP_258.020ab/
na vayaśceti sūktāni japan śatrūnniyacchati

ekādaśa suparṇasya sarvakāmānvinirdiśet /AP_258.021ab/
ādhyātmikīḥ ka ity etā japanmokṣamavāpnuyāt

ā no bhadrā ity anena dīrghamāyuravāpnuyāt /AP_258.022ab/
tvaṃ someti ca sūktena navaṃ paśyenniśākaraṃ

upatiṣṭhet samitpāṇirvāsāṃsyāpnotyasaṃśayaṃ /AP_258.023ab/
āyurīpsannimamiti kautsa sūktaṃ sadā japet

āpanaḥ śośucaditi stutvā madhye divākaraṃ /AP_258.024ab/
yathā muñcati ceṣokāṃ tathā pāpaṃ pramuñcati

jātavedasa ity etajjapet svastyayanaṃ pathi /AP_258.025ab/
bhayair vimucyate sarvaiḥ svastimānāpnuyāt gṛhān

vyuṣṭāyāñca tathā rātryāmetadduḥsvapnanāśanaṃ /AP_258.026ab/
pramandineti sūyantyā japedgarbhavimocanaṃ

japannindramiti snāto vaiśyadevantu saptakaṃ /AP_258.027ab/
muñcatyājyaṃ tathā juhvat sakalaṃ kilviṣaṃ naraḥ

imāmiti japan śaśvat kāmānāpnotyabhīpsitān /AP_258.028ab/
mānastoka iti dvābhyāṃ trirātropoṣitaḥ śuciḥ

auḍumbarīś ca juhuyātsamidhaścājyasaṃskṛtāḥ /AP_258.029ab/
chittvā sarvānmṛtyupāśān jīvedrogavivarjitaḥ

ūrdhvabāhuranenaiva stutvā sambhuṃ tathaiva ca /AP_258.030ab/
mānastoketi ca ṛcā śikhābandhe kṛte naraḥ

aghṛṣyaḥ sarvabhūtānāṃ jāyate saṃśayaṃ vinā /AP_258.031ab/
:p 440
citramityupatiṣṭheta trisandhyaṃ bhāskaraṃ tathā

samitpāṇirnaro nityamīpsitaṃ dhanamāpnuyāt /AP_258.032ab/
atha svapneti ca japan prātarmadhyandine dine

duḥsvapnañcārhate kṛtsnaṃ bhojanañcāpnuyācchubham(1) /AP_258.033ab/
ubhe pumāniti tathā rakṣoghnaḥ parikīrtitaḥ

ubhe vāsā iti ṛco japan kāmānavāpnuyāt /AP_258.034ab/
na sāganniti ca japan mucyate cātatāyinaḥ

kayā śubheti ca japan jātiśraiṣṭhamavāpnuyāt /AP_258.035ab/
imannṛsomamityetat sarvān kāmānavāpnuyāt

pitarityupatiṣṭheta nityamarthamupasthitaṃ(2) /AP_258.036ab/
agne nayeti sūktena ghṛtahomaś ca mārgagaḥ

vīrānnayamavāpnoti suślokaṃ yo japet sadā /AP_258.037ab/
kaṅkato neti sūktena viṣān sarvān vyapohati

yo jāta iti sūktena sarvān kāmānavāpnuyāt /AP_258.038ab/
gaṇānāmiti sūktena śnigdhamāpnotyanuttamaṃ

yo me rājannitīmāntu duḥsvapnaśamanīmṛcaṃ /AP_258.039ab/
adhvani prasthito yastu paśyecchatrūṃ samutthitaṃ

apraśastaṃ praśastaṃ vā kuvidaṅga imaṃ japet /AP_258.040ab/
dvāviṃśakaṃ japan sūktamādhyātmikamanuttamaṃ

parvasu prayato nityamiṣṭān kāmān samaśnute /AP_258.041ab/
kṛṇuṣveti japan sūktaṃ juhvadājyaṃ samāhitaḥ

:n
1 bhojanañcāpnuyācchatamiti kha.. , ga.. , gha.. , ja.. ca
2 nityamannamupasthitamiti ka.. , cha.. ca
:p 441
ārātīnāṃ haret prāṇān rakṣāṃsyapi vināśayet /AP_258.042ab/
upatiṣṭhet svayaṃ vahniṃ parityṛcā dine dine

taṃ rakṣati svayaṃ vahnirviśvato viśvatomukhaḥ /AP_258.043ab/
haṃsaḥ śuciḥ sadityetacchucirīkṣeddivākaraṃ

kṛṣiṃ prapadyamānastu sthālīpākaṃ yathāvidhi /AP_258.044ab/
juhuyāt kṣetramadhye tu svanīsvāhāstu pañcabhiḥ

indrāya ca marudbhyastu parjanyāya bhagāya ca /AP_258.045ab/
yathāliṅgantu viharellāṅgalantu kṛṣībalaḥ

yukto dhānyāya sītāyai sunāsīramathottaraṃ /AP_258.046ab/
gandhamālyair namaskārair yajedetāś ca devatāḥ

pravāpane pralavane khalasītāpahārayoḥ /AP_258.047ab/
amoghaṅkarma bhavati vardhate sarvadā kṛṣiḥ

samudrāditi sūktena kāmānāpnoti pāvakāt /AP_258.048ab/
viśvānara iti dvābhyāṃ ya ṛgbhyāṃ vahnimarhati

sa taratyāpadaḥ sarvā yaśaḥ prāpnoti cākṣayaṃ /AP_258.049ab/
vipulāṃ śriyamāpnoti jayaṃ prāpnotyanuttamaṃ

agne tvamiti ca stutvā dhanamāpnoti vāñchitaṃ /AP_258.050ab/
prajākāmo japennityaṃ varuṇadaivatatrayaṃ

svastyā trayaṃ japet prātaḥ sadā svastyayanaṃ mahat /AP_258.051ab/
svasti panthā iti procya svastimān vrajate 'dhvani

vijigīṣurvanaspate śatrūṇāṃ vyādhitaṃ bhavet(1) /AP_258.052ab/
striyā garbhapramūḍhāyā garbhamokṣaṇamuttamaṃ

:n
1 vyādhikambhavaditi ṭa..
:p 442
acchāvadeti sūktañca vṛṣṭikāmaḥ prayiojayet /AP_258.053ab/
nirāhāraḥ klinnavāsā na cireṇa pravarṣati

manasaḥ kāma ity etāṃ paśukāmo naro japet /AP_258.054ab/
kardamena iti snāyātprajākāmaḥ śucivrataḥ

aśvapūrvā iti snāyādrājyakāmastu mānavaḥ /AP_258.055ab/
rāhite carmaṇi snāyāt brāhmaṇastu yathāvidhi

rājā carmaṇi vaiyāghre chāge vaiśyastathaiva ca /AP_258.056ab/
daśasāhasriko homaḥ pratyekaṃ parikīrtitaḥ

āgāra iti sūktena goṣṭhe gāṃ lokamātaraṃ /AP_258.057ab/
upatiṣṭhedvrajeccaiva yadicchettāḥ sadākṣayāḥ

upetitisṛbhīrājño dundubhimabhimantrayet /AP_258.058ab/
tejo bakañca prāpnoti śatruñcaiva niyacchati

tṛṇapāṇirjapetsūktuṃ rakṣoghnaṃ dasyunbhirvṛtaḥ /AP_258.059ab/
ye ke ca umetyṛcaṃ japtvā dīrghamāyurāpnuyāt(1)

jīmūtasūktena tathā senāṅgānyabhimantrayet /AP_258.060ab/
yadhā liṅgaṃ tato rājā vinihanti raṇe ripūn

āgneyeti tribhiḥsūktair dhanamāpnoti cākṣayaṃ /AP_258.061ab/
amīvaheti sūktena bhūtāni sthāpayenniśi

sabādhe viṣame durge bandhā vā nirgataḥ kvacit /AP_258.062ab/
palāyan vā gṛhīto vā sūktametattathā japet

trirātraṃ niyatopoṣya śrāpayet pāyasañcaruṃ /AP_258.063ab/
tenāhutiśataṃ pūrṇaṃ juhuyāt tryambaketyṛcā

:n
1 avāptavāniti ṭa..
:p 443
samuddiśya mahādevaṃ jīvedabdaśataṃ sukhaṃ /AP_258.064ab/
taccakṣurityṛcā snāta upatiṣṭheddivākaraṃ

udyantaṃ madhyagañcaiva dīrghamāyurjijīviṣuḥ /AP_258.065ab/
indrā someti sūktantu kathitaṃ śatrunāśanaṃ

yasya luptaṃ vrataṃ mohādvrātyair vā saṃsṛjetsaha /AP_258.066ab/
upoṣyājyaṃ sa juhuyāttvamagne vratapā iti

ādityetyṛk ca samrājaṃ(1) japtvā vāde jayī bhavet /AP_258.067ab/
mahīti ca catuṣkeṇa mucyate mahato bhayāt

ṛcaṃ mahīti japtvā yadi hy etat sarvakāmānavāpnuyāt /AP_258.068ab/
dvācatvāriṃśatiṃ caindraṃ japtvā nāśayate ripūn

vācaṃ mahīti japtvā ca prāpnotyārogyameva ca /AP_258.069ab/
śanno bhaveti dvābhyāntu bhuktvānnaṃ prayataḥ śuciḥ

hṛdayaṃ pāṇinā spṛṣṭvā vyādhibhir nābhibhūyate /AP_258.070ab/
uttamedamiti snāto huttvā śatruṃ pramāpayet

śannogna iti sūktena hutenānnamavāpnuyāt /AP_258.071ab/
kanyā vārarṣisūktena digdoṣādvipramucyate

yadatya kavyetyudite japte 'vaśyaṃ jagadbhavet /AP_258.072ab/
yadvāgiti ca japtena vāṇī bhavati saṃskṛtā(2)

vāco viditamiti tvetāṃ japan vācaṃ samaśnute /AP_258.073ab/
pavitrāṇāṃ pavitrantu pāvamānyetyṛco matāḥ

vaikhānasā ṛcastriṃśatpavitrāḥ paramā matāḥ /AP_258.074ab/
:n
1 ādityeti prasaṃmrājamiti ga.. , gha.. , ña..
2 saṃsthiteti ka.. , cha.. , ca..
:p 444
ṛco dviṣaṣṭiḥ proktāś ca parasvetyṛṣisattama

sarvakalmaṣanāśāya pāvanāya śivāya ca /AP_258.075ab/
svādiṣṭayetisūktānāṃ saptaṣaṣṭirudāhṛtā

daśottarāṇyṛcāñcaitāḥ pāvamānyaḥ śatāni ṣaṭ /AP_258.076ab/
etajjapaṃś ca juhvacca ghoraṃ mṛtyubhayaṃ jayet

āpohiṣṭeti vāristho japetpāpabhayārdane /AP_258.077ab/
pradevanneti niyato japecca marudhanvasu

prāṇāntike bhaye prāpte kṣipramāyustu vindati /AP_258.078ab/
prāveyāmityṛcamekāṃ japecca manasā niśi

vyuṣṭāyāmudite sūrye dyūte jayamavāpnuyāt /AP_258.079ab/
mā pragāmeti mūḍhaś ca panthānaṃ pathi vindati

kṣīṇāyuriti manyeta yaṅkañcit suhṛdaṃ priyaṃ /AP_258.080ab/
yatteyamiti tu snātastasya mūrdhānamālabhet

sahasrakṛtvaḥ pañcāhaṃ tenāyurvindate mahat /AP_258.081ab/
idaṃ medhyeti juhuyāt ghṛtaṃ prājñaḥ sahasraśaḥ

paśukāmo gavāṃ goṣṭhe arthakāmaś catuṣpathe /AP_258.082ab/
vayaḥ suparṇa ity etāṃ japan vai vindate śriyaṃ

haviṣyantīyamabhyasya sarvapāpaiḥ pramucyate /AP_258.083ab/
tasya rogā vinaśyanti kāyāgnirvardhate tathā

yā oṣadhayaḥ svastyayanaṃ sarvavyādhivināśanaṃ /AP_258.084ab/
vṛhaspate atītyetadvṛṣṭikāmaḥ prayojayet

sarvatreti parā śāntirjñeyā pratirathas tathā /AP_258.085ab/
sūta sāṃkāśyapannityaṃ prajākāmasya kīrtitaṃ

:p 445
ahaṃ rudreti etadvāgmī bhavati mānavaḥ /AP_258.086ab/
na yonau jāyate vidvān japanrātrīti rātriṣu

rātrisūktaṃ japannrātrī rātriṃ kṣemī jayennaraḥ /AP_258.087ab/
kalpayantīti ca japannityaṃ kṛttvārināśanaṃ

āyuṣyañcaiva varcasyaṃ sūktaṃ dākṣāyaṇaṃ mahat /AP_258.088ab/
uta devā iti japedāmayaghnaṃ dhṛtavrataḥ

ayamagne janityetajjapedagnibhaye sati /AP_258.089ab/
araṇyānītyaraṇyeṣu japettadbhayanāśanaṃ

brāhmnīmāsādya sūkte dve ṛcaṃ brāhmīṃ śatāvarīṃ /AP_258.090ab/
pṛthagadbhirghṛtair vātha medhāṃ lakṣmīñca vindati

māsa ity asapatnaghnaṃ saṃgrāmaṃ vijigīṣataḥ /AP_258.091ab/
brahmaṇo 'gniḥ saṃvidānaṃ garbhamṛtyunivāraṇaṃ

apahīti japetsūktaṃ śucirdusvapnanāśanaṃ /AP_258.092ab/
yenedamiti vaijaptvā samādhiṃ vindate paraṃ

mayo bhūrvāta ity etat gavāṃ svastyayanaṃ paraṃ /AP_258.093ab/
śāmbarīmindrajālaṃ vā māyāmetena vārayet

mahītrīṇāmavarostviti pathi svastyayanaṃ japet /AP_258.094ab/
agnaye vidviṣannevaṃ japecca ripunāśanaṃ

vāstoṣpatena mantreṇa yajeta gṛhadevatāḥ /AP_258.095ab/
japasyaiṣa vidhiḥ prokto hute jñeyo viśeṣataḥ

homānte dakṣiṇā deyā pāpaśāntirhutena tu /AP_258.096ab/
hutaṃ śāmyati cānnena annahemapradānataḥ

viprāśiṣastvamoghāḥ syurbahiḥsnānantu sarvataḥ /AP_258.097ab/
:p 446
siddhārthakā yavā dhānyaṃ payo ghṛtaṃ tathā

kṣīravṛkṣāstathedhmantu homā vai sarvakāmadāḥ /AP_258.098ab/
samidhaḥ kaṇṭhakinyaś ca rājikā rudhiraṃ viṣaṃ

abhicāre tathā śailaṃ aśanaṃ śaktavaḥ payaḥ /AP_258.099ab/
dadhi bhaikṣyaṃ phalaṃ mūlamṛgvidhānamudāhṛtaṃ