Agni Purana · Chapter 245

:e ity āgneye mahāpurāṇe āyudhalakṣaṇādirnāma catuś
catvāriṃśadadhikadviśatatamo 'dhyāyaḥ ||
% Chapter {245}
:ś atha pañcacatvāriṃśadadhikadviśatatamo 'dhyāyaḥ
ratnaparīkṣā
agnir uvāca
ratnānāṃ lakṣaṇaṃ vakṣye ratnaṃ dhāryamidaṃ nṛpaiḥ /AP_245.001ab/
vajraṃ marakataṃ ratnaṃ padmarāgañca mauktikaṃ

indranīlaṃ mahānīlaṃ vaidūryaṃ gandhaśasyakaṃ /AP_245.002ab/
candrakāntaṃ sūryakāntaṃ sphaṭikaṃ pulakaṃ tathā

:p 390
karketanaṃ puṣparāgaṃ tathā jyotīrasaṃ dvija /AP_245.003ab/
spaṭikaṃ rājapaṭṭañca tathā rājamayaṃ śubhaṃ

saugandhikaṃ tathā gañjaṃ śaṅkhabrahmamayaṃ tathā /AP_245.004ab/
gomedaṃ rudhirākṣañca tathā bhallātakaṃ dvija

dhūlīṃ marakatañcaiva tuthakaṃ sīsameva ca /AP_245.005ab/
pīluṃ pravālakañcaiva girivajraṃ dvijottama

bhujaṅgamamaṇiñcaiva tathā vajramaṇiṃ śubhaṃ /AP_245.006ab/
ṭiṭṭibhañca tathā piṇḍaṃ bhrāmarañca tathotpalaṃ

suvarṇapratibaddhāni ratnāni śrījayādike /AP_245.007ab/
antaḥprabhatvaṃ vaimalyaṃ susaṃsthānatvameva ca

sudhāryā naiva dhāryāstu niṣprabhā malinās tathā /AP_245.008ab/
khaṇḍāḥ saśarkarā ye ca praśastaṃ vajradharaṇam

ambhastarati yadvajramabhedyaṃ vimalaṃ ca yat /AP_245.009ab/
ṣaṭkoṇaṃ śakracāpābhaṃ laghu cārkanibhaṃ śubham

śukapakṣanibhaḥ snigdhaḥ kāntimānvimalas tathā /AP_245.010ab/
svarṇacūrṇanibhaiḥ sūkṣmair marakataś ca vindubhiḥ

sphaṭikajāḥ padmarāgāḥ syū rāgavanto 'tinirmalāḥ /AP_245.011ab/
jātavaṅgā bhavantīha kuruvindasamudbhavāḥ

saugandhikotthā kāṣāyā muktāphalāstu śuktijāḥ /AP_245.012ab/
vimalāstebhya utkṛṣṭā ye ca śaṅkhodbhavā mune

nāgadantabhavāścāgryāḥ kumbhaśūkaramatsyajāḥ /AP_245.013ab/
veṇunāgabhavāḥ śreṣṭhā mauktikaṃ meghajaṃ varaṃ

vṛttatvaṃ śukratā svācchyaṃmahattvaṃ mauktike guṇāḥ /AP_245.014ab/
:p 391
indranīlaṃ śubhaṃ kṣīre rājate bhrājate 'dhikaṃ(1)

rañjayet svaprabhāveṇa tamamūlyaṃ vinirdiśet /AP_245.015ab/
nīlaraktantu vaidūryaṃ śreṣṭhaṃ hārādikaṃ bhajet(2)