Agni Purana · Chapter 242

:e ity āgneye mahāpurāṇe rāmoktarājanītirnāma
ekacatvāriṃśadadhikadviśatatamo 'dhyāyaḥ ||
:n
1 asmallabdhapustakanāṃ madhye ka.. ja.. cihnitapustrakadvaye
daṇḍādikatipayavyūhānāṃ vinduvinyāsaistattannāmasamīpe
ākṛtayaḥ pradarśitāḥ , parantu tā aśuddhā / tā
yathā,daṇḍavyūhasya ??? / pradārakasya ??? / dṛḍhavyūhasya ??? /
asahyavyūhasya ??? / khātakavyūhasya ??? / valayavyūhasya ??? /
durjayavyūhasya ??? / bhogavyūhasya ??? / gomūtrikāvyūhasya ??? /
śakaṭavyūhasya ??? / amaravyūhasya ??? / sarvatobhadravyūhasya ???||
:p 383
% Chapter {242}
:ś atha dvicatvāriṃśadadhikadviśatatamo 'dhyāyaḥ
puruṣalakṣaṇaṃ
agnir uvāca
rāmoktoktā mayā nītiḥ strīṇāṃ rājan nṛṇāṃ vade /AP_242.001ab/
lakṣaṇaṃ yadsamudreṇa gargāyoktaṃ yathā purā

samudra uvāca
puṃsāñca lakṣaṇaṃ vakṣye strīṇāñcaiva śubhāśubhaṃ /AP_242.002ab/
ekādhiko dviśukraś ca triganbhīrastathaiva ca

tritrikastripralambaś ca tribhirvyāpnoti yas tathā /AP_242.003ab/
tribalīmāṃstrivinatastrikālajñaś ca suvrata

puruṣaḥ syātsulakṣaṇyo vipulaś ca tathā triṣu /AP_242.004ab/
caturlekhas tathā yaś ca tathaiva ca catuḥsamaḥ

catuṣkiṣkuś caturdaṃṣṭraḥ śuklakṛṣṇastathaiva ca /AP_242.005ab/
caturgandhaś caturhrasvaḥ sūkṣmadīrghaś ca pañcasu

ṣaḍunnato 'ṣṭavaṃśaś ca saptasneho navāmalaḥ /AP_242.006ab/
daśapadmo daśavyūho nyagrodhaparimaṇḍalaḥ

caturdaśasamadvandvaḥ ṣoḍaśākṣayaś ca śasyate /AP_242.007ab/
dharmārthakāmasaṃyukto dharmo hy ekādhiko mataḥ

tārakābhyāṃ vinā netre śukradanto dviśuklakaḥ /AP_242.008ab/
gambhīrastriśravo nābhiḥ sattvañcaikaṃ trikaṃ smṛtaṃ

anasūyā dayā kṣāntirmaṅgalācārayuktatā /AP_242.009ab/
śaucaṃ spṛhā tvakārpaṇyamanāyāsaś ca śauryatā

:p 384
citrikastripralambaḥ syādvṛṣaṇe bhujayornaraḥ /AP_242.010ab/
digdeśajātivargāṃś ca tejasā yaśasā śriyā

vyāpnoti yastrikavyāpī tribalīmānnarastvasau /AP_242.011ab/
udare balayastisro narantrivinataṃ śṛṇu

devatānāṃ dvijānāñca gurūṇāṃ praṇatastu yaḥ /AP_242.012ab/
dharmārthakāmakālajñastrikālajño 'bhidhīyate

uro lalāṭaṃ vaktrañca trivistīrṇo vilekhavān /AP_242.013ab/
dvau pāṇī dvau tathā pādau dhvajacchatrādibhiryutau

aṅgulyo hṛdayaṃ pṛṣṭhaṃ kaṭiḥ śastaṃ catuḥsamaṃ /AP_242.014ab/
ṣaṇṇavatyaṅgulotsedhaś catuṣkiṣkupramāṇataḥ

draṃṣṭrāś catasraś candrābhāś catuḥkṛṣṇaṃ vadāmi te /AP_242.015ab/
netratārau bhruvau śmaśruḥ kṛṣṇāḥ keśāstathaiva ca

nāsāyāṃ vadane svede kakṣayorviḍagandhakaḥ /AP_242.016ab/
hrasvaṃ liṅgaṃ tathā grīvā jaṅghe syādvedahrasvakaṃ

sūkṣmāṇyaṅguliparvāṇi nakhakeśadvijatvacaḥ /AP_242.017ab/
hanū netre lalāṭe ca nāsā dīrghā stanāntaraṃ

vakṣaḥ kakṣau nakhā nāsonnataṃ vaktraṃ kṛkāṭikā /AP_242.018ab/
snigdhāstvakkeśadantāś ca loma dṛṣṭirnakhāś ca vāk

jānvorurvoś ca pṛṣṭhastha vaṃśau dvau karanāsayoḥ /AP_242.019ab/
netre nāsāpuṭau karṇau meḍhraṃ pāyumukhe 'malaṃ

jihvoṣṭhe tālunetre tu hastapādau nakhās tathā /AP_242.020ab/
śiśnāgravaktraṃ śasyante padmābhā daśa dehināṃ

pāṇipādaṃ mukhaṃ grīvā śravaṇe hṛdayaṃ śiraḥ /AP_242.021ab/
:p 385
lalāṭamudaraṃ pṛṣṭhaṃ vṛhantaḥ pūjitā daśa

prasāritabhujasyeha madhyamāgradvayāntaraṃ /AP_242.022ab/
ucchrāyeṇa samaṃ yasya nyagrodhaparimaṇḍalaḥ

pādau gulphau sphicau pārśvau vaṅkṣaṇau vṛṣaṇau kucau /AP_242.023ab/
karṇauṣṭhe sakthinī jaṅghe hastau bāhū tathākṣiṇī

caturdaśasamadvandva etatsāmānyato naraḥ /AP_242.024ab/
vidyāś caturdaśa dvyakṣaiḥ paśyedyaḥ ṣoḍaśākṣakaḥ

rūkṣaṃ śirātataṃ gātramaśubhaṃ māṃsavarjitaṃ /AP_242.025ab/
durgandhiviparītaṃ yacchastandṛṣṭyā prasannayā

dhanyasya madhurā vāṇī gatirmattebhasannibhā /AP_242.026ab/
ekakūpabhavaṃ roma bhaye rakṣā sakṛt sakṛt