Agni Purana · Chapter 234

:e ity āgneye mahāpurāṇe upāyaṣaḍguṇādirnāma
trayastriṃśadadhikadviśatatamo 'dhyāyaḥ ||
% Chapter {234}
:ś atha catustriṃśadadhikadviśatatamo 'dhyāyaḥ
prātyahikarājakarma
puṣkara uvāca
ajasraṃ karma vakṣyāmi dinaṃ prati yadācaret /AP_234.001ab/
dvimuhūrtāvaśeṣāyāṃ rātrau nidrāntyajennṛpaḥ

vādyavandisvanair gītaiḥ paśyed gūḍhāṃstato narān /AP_234.002ab/
vijñāyate na ye lokāstadīyā iti kenacit

āyavyayasya śravaṇaṃ tataḥ kāryaṃ yathāvidhi /AP_234.003ab/
vegotsargaṃ tataḥ kṛtvā rājā snānagṛhaṃ vrajet

snānaṃ kuryānnṛpaḥ paścāddantadhāvanapūrvakaṃ /AP_234.004ab/
kṛtvā sandhyāntato japyaṃ vāsudevaṃ prapūjayet

vahnau pavitrān juhuyāt tarpayedudakaiḥ pitṝn /AP_234.005ab/
:n
1 bahukṣayavyayāyāmiti kha.. , cha.. , ṭa.. ca
2 āsīnaḥ karmavicchedamityādiḥ, rājā samāśrayedityantaḥ
pāṭhaḥ ja.. pustake nāsti
:p 348
dadyātsakāñcīṃ dhenuṃ dvijāśīrvādasaṃyutaḥ

anulipto 'laṅkṛtaś ca mukhaṃ paśyecca darpaṇe /AP_234.006ab/
sasuvarṇe dhṛte rājā śṛṇuyāddivasādikaṃ

auṣadhaṃ bhiṣajoktaṃ ca maṅgalālambhanañcaret /AP_234.007ab/
paśced guruṃ tena dattāśīrvado 'tha vrajetsabhāṃ

tatrastho brāhmaṇān paśyedamātyānmantriṇas tathā /AP_234.008ab/
prakṛtīś ca mahābhāga pratīhāraniveditāḥ

śrutvetihāsaṃ kāryāṇi kāryāṇāṃ kāryanirṇayam /AP_234.009ab/
vyavahārantataḥ paśyenmantraṃ kuryāttu mantribhiḥ

naikena sahitaḥ kuryānna kuryādbahubhiḥ saha /AP_234.010ab/
na ca mūrkhair nacānāptair guptaṃ na prakaṭaṃ caret(1)

mantraṃ svadhiṣṭhitaṃ kuryādyena rāṣṭraṃ na bādhate /AP_234.011ab/
ākāragrahaṇe rājño mantrarakṣā parā matā(2)

ākārair iṅgitaiḥ prajñā mantraṃ gṛhṇanti paṇḍitāḥ /AP_234.012ab/
sāṃvatsarāṇāṃ vaidyānāṃ mantriṇāṃ vacane rataḥ

rājā vibhūtimāpnoti(3) dhārayanti nṛpaṃ hi te /AP_234.013ab/
mantraṃ kṛtvātha vyāyāmañcakre yāne ca śastrake

niḥsattvādau nṛpaḥ snātaḥ paśyedviṣṇuṃ supūjitaṃ /AP_234.014ab/
hutañca pāvakaṃ paśyedviprān paśyetsupūjitān

:n
1 guptaṃ cāprakaṭaṃ carediti ga.. , ja.. , ṭa.. ca
2 ākāra grahaṇe rājño mantrarakṣā parā matā ity asya sthāne
ākāreṅgitatattvajñaḥ kāryākāryavicakṣaṇa iti ṭa..
pustakapāṭhaḥ
3 rājādhibhūtimāpnotīti ja..
:p 349
bhūṣito bhojanaṅkuryād dānādyaiḥ suparīkṣitaṃ /AP_234.015ab/
bhuktvā gṛhītatāmbūlo vāmapārśvena saṃsthitaḥ(1)

śāstrāṇi cintayed dṛṣṭvā yodhān koṣṭhāyudhaṃ gṛhaṃ /AP_234.016ab/
anvāsya paścimāṃ sandhyāṃ kāryāṇi ca vicintya tu

carān sampreṣya bhuktānnamantaḥpuracaro bhavet /AP_234.017ab/
vādyagītair akṣito 'nyair evannityañcarennṛpaḥ