Agni Purana · Chapter 233

jigīṣurdharmavijayī tathā lokaṃ vaśannayet /AP_232.026ab/
:e ity āgneye mahāopurāṇe yātrāmaṇḍalacintādirnāma
dvātriṃśadadhikadviśatatamo 'dhyāyaḥ ||
% Chapter {233}
:ś atha trayastriṃśadadhikadviśatatamo 'dhyāyaḥ
ṣāḍguṇyaṃ
puṣkara uvāca
sāmabhedau mayā proktau dānadaṇḍau tathaiva ca /AP_233.001ab/
daṇḍaḥ svadeśe kathitaḥ paradeśe vravīmi te

:n
1 śatruṃ jihīrṣurucchindyāditi gha.. , ña.. ca
:p 345
prakāśaścāprakāśaś ca dvividho daṇḍa ucyate /AP_233.002ab/
luṇṭhanaṃ grāmaghātaś ca śasyaghāto 'gnidīpanaṃ

prakāśo 'tha viṣaṃ vahnirvividhaiḥ puruṣair badhaḥ /AP_233.003ab/
dūṣaṇañcaiva sādhūnāmudakānāñca dūṣaṇaṃ

daṇḍapraṇayaṇaṃ proktamupekṣāṃ śṛṇu bhārgava /AP_233.004ab/
yadā manyate nṛpatī raṇe na mama vigrahaḥ

anarthāyānubandhaḥ syāt sandhinā ca tathā bhavet /AP_233.005ab/
sāmalabdhāspadañcātra dānañcārthakṣayaṅkaraṃ

bhedadaṇḍānubandhaḥ syāttadopekṣāṃ samāśrayet /AP_233.006ab/
na cāyaṃ mama śaknoti kiñcit kartumupadravaṃ

na cāhamasya śaknomi tatropekṣāṃ samāśrayet /AP_233.007ab/
avajñopahatastatra rājñā kāryo ripurbhavet

māyopāyaṃ pravakṣyāmi utpātair anṛtaiś carat /AP_233.008ab/
śatrorudvejanaṃ śatroḥ śivirasthasya pakṣiṇaḥ

sthūlasya tasya pucchasthāṃ kṛtvolkāṃ vipulāṃ dvija /AP_233.009ab/
visṛjecca tataś caivamulkāpātaṃ pradarśayet

evamanye darśanīyā utpātā bahavo 'pi ca /AP_233.010ab/
udvejanaṃ tathā kuryāt kuhakair vividhair dviṣāṃ

sāṃvatsarāstāpasāś ca nāśaṃ brūyuḥ prarasya ca /AP_233.011ab/
jigīṣuḥ pṛthivīṃ rājā tena codvejayet parān

devatānāṃ prasādaś ca kīrtanīyaḥ parasya tu /AP_233.012ab/
āgatanno 'mitrabalaṃ praharadhvamabhītavat

evaṃ brūyādraṇe prāpte bhagnāḥ sarve pare iti /AP_233.013ab/
:p 346
kṣveḍāḥ kilakilāḥ kāryā vācyaḥ śatrurhatas tathā

devājñāvṛṃhito rājā sannaddhaḥ samaraṃ prati /AP_233.014ab/
indrajālaṃ pravakṣyāmi indraṃ kālena darśayet

caturaṅgaṃ balaṃ rājā sahāyārthaṃ divaukasāṃ /AP_233.015ab/
balantu darśayet prāptaṃ raktavṛṣṭiñcendrapau

chinnāni ripuśīrṣāṇi prāsādāgreṣu darśayet(1) /AP_233.016ab/
ṣāḍguṇyaṃ sampravakṣyāmi tadvarau sandhivigrahau

sandhiś ca vigrahaś caiva yānamāsanameva ca /AP_233.017ab/
dvaidhībhāvaḥ saṃśayaś ca ṣaḍguṇāḥ parikīrtitāḥ

paṇabandhaḥ smṛtaḥ sandhirapakārastu vigrahaḥ /AP_233.018ab/
jigīṣoḥ śatruviṣaye yānaṃ yātrābhidhīyate

vigraheṇa svake deśe sthitirāsanamucyate /AP_233.019ab/
balārdhena prayāṇantu dvaidhībhāvaḥ sa ucyate

udāsīno madhyago vā saṃśrayātsaṃśayaḥ smṛtaḥ /AP_233.020ab/
samena sandhiranveṣyo 'hīnena ca balīyasā

hīnena vigrahaḥ kāryaḥ svayaṃ rājñā balīyasā /AP_233.021ab/
tatrāpi śuddhapārṣṇistu balīyāṃsaṃ samāśrayet

āsīnaḥ karmavicchedaṃ śaktaḥ kartuṃ riporyadā /AP_233.022ab/
aśuddhapārṣṇiścāsīta vigṛhya vasudhādhipaḥ

aśuddhapārṣṇirbalavān dvaidhībhāvaṃ samāśrayet /AP_233.023ab/
balinā vigṛhītastu(2) yo 'sandehena pārthivaḥ

saṃśrayastena vaktavyo guṇānāmadhamo guṇaḥ /AP_233.024ab/
:n
1 prāsādāgre pradarśayediti ṭa..
2 vigṛhītastu iti kha..
:p 347
bahukṣayavyayāyāsaṃ(1) teṣāṃ yānaṃ prakīrtitaṃ

bahulābhakaraṃ paścāttadā rājā samāśrayet(2) /AP_233.025ab/
sarvaśaktivihīnastu tadā kuryāttu saṃśrayaṃ