Agni Purana · Chapter 229

:e ity āgneye mahāpurāṇe svapnādhyāyī nāma
aṣṭāviṃśatyadhikadviśatatamo 'dhyāyaḥ ||
% Chapter {229}
:ś atha ekonatriṃśadadhikadviśatatamo 'dhyāyaḥ
śakunāni
puṣkara uvāca
auṣadhāni ca yuktāni dhānyaṃ kṛṣṇamaśobhanaṃ /AP_229.001ab/
kārpāsaṃ tṛṇaśuṣkañca gomayaṃ vai dhanāni ca

:p 333
aṅgāraṃ guḍasarjau ca(1) muṇḍābhyaktañca nagnakaṃ /AP_229.002ab/
ayaḥ paṅkaṃ carmakeśau unmattañca napuṃsakaṃ

caṇḍālaśvapacādyāni narā bandhanapālakāḥ /AP_229.003ab/
garbhiṇī strī ca vidhavāḥ piṇyakādīni vai mṛtaṃ

tuṣabhasmakapālāsthibhinnabhāṇḍamaśastakaṃ /AP_229.004ab/
aśasto vādyaśabdaś ca bhinnabhairavajharjharaḥ

ehīti purataḥ śabdaḥ śasyate na tu pṛṣṭhataḥ /AP_229.005ab/
gaccheti paścācchabdo 'gryaḥ purastāttu vigarhitaḥ

kva yāsi tiṣṭha mā gaccha kinte tatra gatasya ca /AP_229.006ab/
aniṣṭaśabdā mṛtyarthaṃ kravyādaś ca dhvajādigaḥ

skhalanaṃ vāhanānāñca śastrabhaṅgastathaiva ca /AP_229.007ab/
śiroghātaś ca dvārādyaiścchatravāsādipātanaṃ

harimabhyarcya saṃstutya syādamaṅgalyanāśanaṃ /AP_229.008ab/
dvitīyantu tato dṛṣṭvā viruddhaṃ praviśedgṛhaṃ

śvetāḥ sumanasaḥ śreṣṭhāḥ pūrṇakumbho mahottamaḥ /AP_229.009ab/
māṃsaṃ matsyā dūraśabdā vṛddha ekaḥ paśustvajaḥ

gāvastaraṅgamā nāgā devaś ca jvalito 'nalaḥ /AP_229.010ab/
dūrvārdragomayaṃ veśyā svarṇarūpyañca ratnakaṃ

vacāsiddhārthakauṣadhyo mudga āyudhakhaḍgakaṃ /AP_229.011ab/
chatraṃ pīṭhaṃ rājaliṅgaṃ śavaṃ ruditavarjitaṃ

phalaṃ ghṛṭaṃ dadhi payo akṣatādarśamākṣikaṃ /AP_229.012ab/
śaṅkhaṃ ikṣuḥ śubhaṃ vākyaṃ bhaktavāditagītakaṃ

:n
1 guḍasarpau ceti ga.. , gha.. , ña.. ca
:p 334
gambhīrameghastanitaṃ taḍittuṣṭiś ca mānasī /AP_229.013ab/
ekataḥ sarvaliṅgāni manasastuṣṭirekataḥ