Agni Purana · Chapter 228

viparyayeṇābhihitaṃ savye strīṇāṃ śubhaṃ bhavet /AP_227.009ab/
:e ity āgneye mahāpurāṇe yātrā nāma saptaviṃśatyadhikadviśatatamo
'dhyāyaḥ ||
% Chapter {228}
:ś athāṣṭāviṃśatyadhikaśatatamo 'dhyāyaḥ
svapnādhyāyaḥ
puṣkara uvāca
svapnaṃ śaubhāśubhaṃ vakṣye duḥkhapraharaṇantathā /AP_228.001ab/
nābhiṃ vinānyatra gātre tṛṇavṛkṣasamudbhavaḥ

cūrṇaṃ mūrdhni kāṃsyānāṃ muṇḍanaṃ nagnatā tathā /AP_228.002ab/
malināmbaradhāritvamabhyaṅgaḥ paṅkadigdhatā

uccāt prapatanañcaiva vivāho gītameva ca /AP_228.003ab/
tantrīvādyavinodaś ca dolārohaṇameva ca

arjanaṃ padmalohānāṃ sarpāṇāmatha māraṇaṃ /AP_228.004ab/
:n
1 śaradyaśceti ña.. , ṭa.. ca
:p 330
raktapuṣpadrumāṇāñca caṇḍālasya tathaiva ca

varāhāśvakharoṣṭrāṇāṃ tathā cārohaṇakriyā /AP_228.005ab/
bhakṣaṇaṃ pakṣimāṃsānāṃ tailasya kṛśarasya ca(1)

mātuḥ praveśo jaṭhare citārohaṇameva ca /AP_228.006ab/
śakradhvajābhipatanaṃ patanaṃ śaśisūryayoḥ

divyāntarīkṣabhaumānāmutpātānāñca darśanaṃ /AP_228.007ab/
devadvijātibhūpānāṃ gurūṇāṅkopa eva ca

nartanaṃ hasanañcaiva vivāho gītameva ca(2) /AP_228.008ab/
tantrīvādyavihīnānāṃ vādyānāmapi vādanaṃ

srotovahādhogamanaṃ snānaṃ gomayavāriṇā /AP_228.009ab/
paṅkodakena ca tathā maśītoyena vāpyatha

āliṅganaṃ kumārīṇāṃ puruṣāñca maithunaṃ(3) /AP_228.010ab/
hāniś caiva svagātrāṇāṃ vireko vamanakriyā

dakṣiṇāśāpragamanaṃ vyādhinābhibhavas tathā /AP_228.011ab/
phalānāmupahāniś ca dhātūnāṃ bhedanaṃ tathā

gṛhāṇāñcaiva patanaṃ gṛhasammārjanantathā /AP_228.012ab/
krīḍā piśācakravyādavānarāntyanarair api

parādabhibhavaś caiva tasmācca vyasanodbhavaḥ /AP_228.013ab/
kāṣāyavastradhāritvaṃ tadvastraiḥ krīḍanaṃ tathā(4)

:n
1 tantrīvādyavinodaścetyādiḥ, tailasya kṛśarasya cetyantaḥ
pāṭhaḥ cha.. , jha.. pustakadvaye nāsti
2 vivāhotsava eva ceti ja..
3 tāsāmeva ca maithunamiti ja..
4 hāniś caivetyādiḥ. krīḍanaṃ tathetyantaḥ pāṭhaḥ ja.. pustake
nāsti
:p 331
snehapānāvagāhau ca raktamālyānulepanaṃ /AP_228.014ab/
ityadhānyāni svapnāni teṣāmakathanaṃ śubhaṃ

bhūjaś ca svapanaṃ tadvat kāryāṃ snānaṃ dvijārcanaṃ /AP_228.015ab/
tilair homo haribrahmaśivārkagaṇapūjanaṃ

tathā stutiprapaṭhanaṃ puṃsūktādijapas tathā /AP_228.016ab/
svapnāstu prathame yāme(1) saṃvatsaravipākinaḥ

ṣaḍbhirmāsair dvitīye tu tribhirmāsair triyāmikāḥ /AP_228.017ab/
caturthe tvardhamāsena daśāhādaruṇodaye

ekasyāmatha cedrātrau śubhaṃ vā yadi vāśubhaṃ /AP_228.018ab/
paścādṛṣṭastu yastatra tasya pākaṃ vinirdiśet

tasmāttu śobhane svapne paścātsvāpo na śasyate /AP_228.019ab/
śailaprāsādanāgāśvavṛṣabhārohaṇaṃ hitaṃ

drumāṇāṃ śvetapuṣpāṇāṃ gagane ca tathā dvija /AP_228.020ab/
drumatṛṇodbhavo nābhau tathā ca bahubāhutā

tathā ca bahuśīrṣatvaṃ palitodbhava eva ca /AP_228.021ab/
suśukramālyadhāritvaṃ suśuklāmbaradhāritā

candrārkatārāgrahaṇaṃ parimārjanameva ca /AP_228.022ab/
śakradhvajāliṅganañca dhvajocchrāyakriyā tathā

bhūmyabudhārāgrahaṇaṃ(2) śatrūṇāñcaiva vikriyā /AP_228.023ab/
jayo vivāde dyūte ca saṅgrāme ca tathā dvija

bhakṣaṇañcārdramāṃsānāmpāyasasya ca bhakṣaṇaṃ /AP_228.024ab/
darśanaṃ rudhirasyāpi snānaṃ vā rudhireṇa ca

:n
1 prathame bhāge iti kha..
2 bhūmyambudhīnāṃ grahaṇamiti ka.. , cha.. , ña.. ca
:p 332
sarārudhiramadyānāṃ pānaṃ kṣīrasya vāpyatha /AP_228.025ab/
astrair viceṣṭanaṃ bhūmau nirmalaṃ gaganaṃ tathā

mukhena dohanaṃ śastaṃ mahiṣīṇāṃ tathā gavāṃ /AP_228.026ab/
siṃhīnāṃ hastinīnāñca baḍavānāṃ tathaiva ca

prasādo devaviprebhyo gurubhyaś ca tathā dvija /AP_228.027ab/
ambhasā cābhiṣekastu gavāṃ śṛṅgacyutena ca

candrād bhraṣṭena vā rāma jñeyaṃ rājyapradaṃ hi tat /AP_228.028ab/
rājyābhiṣekaś ca tathā chedanaṃ śiraso 'pyatha

maraṇaṃ vahnilābhaś ca vahnidāho gṛhādiṣu /AP_228.029ab/
labdheś ca rājaliṅgānāṃ tantrīvādyābhivādanaṃ

yastu paśyati svapnānte rājānaṃ kuñjaraṃ hayaṃ /AP_228.030ab/
hiraṇyaṃ vṛṣabhaṅgāñca kuṭumbastasya vardhate

vṛṣebhagṛhaśailāgravṛkṣārohaṇarodanaṃ /AP_228.031ab/
ghṛṭaviṣṭhānulepo vā agamyāgamanaṃ tathā

sitavastraṃ prasannāmbhaḥ phalī vṛkṣo nabho 'malaṃ