Agni Purana · Chapter 21

:e ity ādimahāpurāṇe āgneye jagatsargavarṇanaṃ nāma viṃśatitamo
'dhyāyaḥ
% Chapter {21}
:ś atha ekaviṃśo 'dhyāyaḥ
sāmānyapūjākathanaṃ
nārada uvāca
sāmānyapūjāṃ viṣṇvādervakṣye mantrāṃś ca sarvadān /AP_21.001ab/
samastaparivārāya acyutāya namo yajet

:n
1 sāgnayo hy agāditi kha, cihnitapustakapāṭhaḥ, agnipālā varhiṣado hy
ājyapāḥ sāgnayo hy ajāditi gha, cihnitapustakapāṭhaḥ
2 vaisāraṇī sute iti kha, cihnitapustakapāṭhaḥ
:p 52
dhātre vidhātre gaṅgāyai yamunāyai nidhī tathā /AP_21.002ab/
dvāraśriyaṃ vastunavaṃ śaktiṃ kūrmamanantakam

pṛthivīṃ dharmakaṃ jñānaṃ vairāgyaiśvaryameva ca /AP_21.003ab/
adharmādīn kandanālapadmakeśarakarṇikāḥ

ṛgvedādyaṃ kṛtādyañca satvādyarkādimaṇḍalam /AP_21.004ab/
vimalotkarṣiṇī jñānā kriyā yogā ca tā yajet

prahvīṃ satyāṃ tatheśānānugrahāsanamūrtikām(1) /AP_21.005ab/
durgāṃ giraṅgaṇaṃ(2) kṣetraṃ vāsudevādikaṃ yajet

hṛdayañca śiraḥ śūlaṃ varmanetramathāstrakam /AP_21.006ab/
śaṅkhaṃ cakraṃ gadāṃ padmaṃ śrīvatsaṃ kaustubhaṃ yajet

vanamālāṃ śriyaṃ puṣṭiṃ garuḍaṃ gurumarcayet /AP_21.007ab/
indramagniṃ yamaṃ rakṣo jalaṃ vāyuṃ dhaneśvaram

īśānantamajaṃ cāstraṃ vāhanaṃ kumudādikam /AP_21.008ab/
viṣvaksenaṃ maṇḍalādau siddhiḥ pūjādinā bhavet

śivapūjātha sāmānyā pūrvaṃ nandinamarcayet /AP_21.009ab/
mahākālaṃ yajedgaṅgāṃ(3) yamunāñca gaṇādikam

giraṃ śriyaṃ(4) guruṃ vāstuṃ śakyādīn dharmakādikam (5) /AP_21.010ab/
vāmā jyeṣṭhā tathā raudrī kālī kalavikāriṇī

balavikariṇī cāpi balapramathinī kramāt /AP_21.011ab/
:n
1 prahvī sandhyā tatheśānānugrahāsanamūrtikā iti ga,
cihnitapustakapāṭhaḥ
2 durgāṃ giriṃ gaṇamiti kha, cihnitapustakapāṭhaḥ durgāṃ
śivaṃ gaṇamiti gha, cihnitapustakapāṭhaḥ
3 yajet durgāṃ iti kha, gha, cihnitapustakapāṭhaḥ
4 giriṃ śriyamiti kha, cihnitapustakapāṭhaḥ śivaṃ śriyatamiti gha,
cihnitapustakapāṭhaḥ
5 gaurīṃ śriyaṃ guruṃ cāstraṃ śaktyādiṃ dharmakādikamiti ṅa,
cihnitapustakapāṭhaḥ
:p 53
sarvabhūtadamanī ca madanonmādinī śivāsanaṃ

hāṃ huṃ hāṃ śivamūrtaye sāṅgavaktraṃ śivaṃ yajet /AP_21.012ab/
hauṃ śivāya hāmityādi hāmīśānādivaktrakaṃ

hrīṃ gaurīṃ gaṃ gaṇaḥ śakramukhāś caṇḍīhṛtādikāḥ /AP_21.013ab/
kramātsūryārcane mantrā daṇḍī pūjyaś ca piṅgalaḥ

uccaiḥśravāścāruṇaś ca prabhūtaṃ vimalaṃ yajet /AP_21.014ab/
sārādhyoparamasukhaṃ(1) skandādyaṃ madhyato yajet

dīptā sūkṣmā jayā bhadrā vibhūtirvimalā tathā /AP_21.015ab/
amoghā vidyutā caiva pūjyātha sarvatomukhī

arkāsanaṃ hi haṃ khaṃ kha solkāyeti ca mūrtikām /AP_21.016ab/
hrāṃ hrīṃ sa sūryāya nama āṃ namo hṛdāya ca

arkāya śirase tadvadagnīśāsuravāyugān(2) /AP_21.017ab/
bhūrbhuvaḥ svare jvālini śikhā huṃ kavacaṃ smṛtaṃ

bhāṃ netraṃ vas tathārkāstraṃ rājñī śaktiś ca niṣkubhā(3) /AP_21.018ab/
somo 'ṅgārakotha budho jīvaḥ śukraḥ śaniḥ kramāt

rāhuḥ ketustejaś caṇḍaḥ saṅkṣepādatha pūjanaṃ /AP_21.019ab/
āsanaṃ mūrtaye mūlaṃ hṛdādyaṃ paricārakaḥ

viṣṇvāsanaṃ viṣṇurmūrteroṃ śrīṃ śrīṃ śrīdharohariḥ /AP_21.020ab/
hrīṃ sarvamūrtimantroyamiti trailokyamohanaḥ

hrīṃ hṛṣīkeśaḥ klīṃ viṣṇuḥ svarair dīrghairhṛdādikaṃ /AP_21.021ab/
samastaiḥ pañcamī pūjā saṅgrāmādau jayādidā

:n
1 sāvārādhyoparaṃ duḥkhamiti kha, cihnitapustakapāṭhaḥ
2 agnisāśrayavāyugāniti kha, cihnitapustakapāṭhaḥ / arkāya śirase
tadvadagnijāyāyutañca taditi ṅa,cihnitapustakapāṭhaḥ
3 śaktiś ca nirgatā iti kha, cihnitapustakapāṭhaḥ
:p 54
cakraṃ gadāṃ kramācchaṅkhaṃ muṣalaṃ khaḍgaśārṅgakam /AP_21.022ab/
pāśāṅkuśau ca śrīvatsaṃ kaustubhaṃ vanamālayā

śrīṃ śrīrmahālakṣmītārkṣyo gururindrādayo 'rcanam /AP_21.023ab/
sarasvatyāsanaṃ mūrtirauṃ hrīṃ dadhī sarasvatī

hṛdādyā lakṣmīrmedhā ca kalātuṣṭiś ca puṣṭikā /AP_21.024ab/
gaurī prabhāmatī durgā gaṇo guruś ca kṣetrapaḥ

tathā gaṃ gaṇapataye ca hrīṃ gauryai ca śrīṃ śriyai /AP_21.025ab/
hrīṃ tvaritāyai hrīṃ sau tripurā(1) caturthyantanamontakāḥ

praṇavādyāś ca nāmādyamakṣaraṃ vindusaṃyutaṃ /AP_21.026ab/
oṃ yutaṃ vā sarvamantrapūjanājjapataḥ smṛtāḥ

homāttilaghṛtādyaiś ca dharmakāmārthamokṣadāḥ /AP_21.027ab/
pūjāmantrān paṭhedyastu bhuktabhogo divaṃ vrajet